︽ᠬᠡᠦᠬᠡᠳ ᠦᠨ ᠶᠢᠷᠲᠢᠨᠴᠦ-2018︾ ᠵᠢᠷᠤᠭ ᠤᠨ ᠤᠯᠤᠰ ᠤᠨ ᠤᠷᠤᠯᠳᠤᠭᠠᠨ ᠤ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠦᠨ ᠦᠵᠡᠰᠬᠦᠯᠡᠩ ᠥᠴᠥᠭᠡᠳᠦᠷ ︵2019.05.31︶ ᠰᠢᠨᠡ ᠪᠡᠷ ᠡᠭᠦᠳᠡ ᠪᠡᠨ ᠨᠡᠭᠡᠭᠡᠵᠦ ᠪᠤᠢ ︽ᠮᠣᠩᠭᠣᠯ ᠠᠷᠲ︾ ᠭᠠᠯᠧᠷᠧᠢ ᠶᠢᠨ ᠰᠠᠯᠬᠢ ᠶᠢ ᠬᠠᠭᠠᠯᠤᠯᠠ᠃ ᠮᠣᠩᠭᠣᠯ ᠳᠤ 1962 ᠣᠨ ᠠᠴᠠ ᠡᠬᠢᠯᠡᠨ ︽ᠬᠡᠦᠬᠡᠳ ᠦᠨ ᠶᠢᠷᠲᠢᠨᠴᠦ︾ ᠨᠡᠷᠡ ᠲᠡᠢ ᠵᠢᠷᠤᠭ ᠤᠨ ᠤᠯᠤᠰ ᠤᠨ ᠤᠷᠤᠯᠳᠤᠭᠠᠨ ᠢ ᠤᠯᠤᠰ ᠳᠠᠶᠠᠭᠠᠷ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠭᠰᠠᠨ᠃ ᠡᠨᠡ ᠤᠯᠤᠰ ᠤᠨ ᠤᠷᠤᠯᠳᠤᠭᠠᠨ 1990 ᠍ ᠊ᠭᠡᠳ ᠣᠨ ᠠᠴᠠ ᠬᠣᠶᠢᠰᠢ 20 ᠵᠢᠯ ᠲᠠᠰᠤᠯᠳᠠᠭᠰᠠᠨ ᠢ ︽ᠪᠣᠯᠣᠳ︾ ᠺᠤᠮᠫᠠᠨᠢ 2014 ᠣᠨ ᠠᠴᠠ ᠰᠡᠷᠭᠦᠭᠡᠵᠦ᠂ ᠤᠯᠤᠰ ᠤᠨ ᠵᠢᠷᠤᠭ ᠤᠨ ᠤᠷᠤᠯᠳᠤᠭᠠᠨ ᠢ ᠬᠣᠶᠠᠷ ᠵᠢᠯ ᠲᠤᠲᠤᠮ ᠳᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠠᠷ ᠪᠣᠯᠤᠭᠰᠠᠨ ᠶᠤᠮ᠃
ᠦᠵᠡᠰᠬᠦᠯᠡᠩ ᠦᠨ ᠨᠡᠭᠡᠭᠡᠯᠲᠡ ᠶᠢᠨ ᠦᠶᠡ ᠪᠡᠷ ᠮᠣᠩᠭᠣᠯ ᠤᠨ ᠵᠢᠷᠤᠭᠠᠴᠢᠳ ᠤᠨ ᠡᠪᠯᠡᠯ ᠦᠨ ᠲᠡᠷᠢᠭᠦᠨ᠂ ᠰᠤᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠫ∙ᠴᠡᠭᠮᠢᠳ ᠭᠤᠸᠠᠢ ᠰᠡᠳᠬᠢᠭᠳᠡᠯ ᠡᠴᠡ ᠪᠡᠨ ᠬᠤᠪᠢᠶᠠᠯᠴᠠᠯᠠ᠄ ᠮᠣᠩᠭᠣᠯ ᠤᠨ ᠬᠣᠶᠢᠴᠢ ᠢᠷᠡᠭᠡᠳᠦᠢ ᠪᠣᠯᠤᠭᠰᠠᠨ ᠪᠠᠭᠠᠴᠤᠳ ᠲᠤ ᠪᠠᠨ᠂ ᠪᠠᠭᠰᠢ᠂ ᠡᠴᠢᠭᠡ᠂ ᠡᠬᠡᠴᠦᠳ ᠲᠦ ᠪᠡᠨ ᠡᠬᠡ ᠦᠷᠡᠰ ᠦᠨ ᠪᠠᠶᠠᠷ ᠤᠨ ᠮᠡᠨᠳᠦ ᠶᠢ ᠬᠦᠷᠭᠡᠶᠡ᠃ ᠥᠨᠥᠳᠥᠷ ᠬᠡᠦᠬᠡᠳ ᠦᠳ ᠦᠨ ᠢᠨᠢᠶᠡᠳᠦ ᠬᠥᠷ ᠢᠶᠡᠷ ᠴᠢᠮᠡᠭᠰᠡᠨ ᠴᠣ ᠰᠢᠨᠡᠬᠡᠨ ︽ᠮᠣᠩᠭᠣᠯ ᠠᠷᠲ︾ ᠭᠠᠯᠧᠷᠧᠢ ᠡᠭᠦᠳᠡ ᠬᠠᠭᠠᠯᠭᠠ ᠪᠠᠨ ᠨᠡᠭᠡᠭᠡᠵᠦ ᠪᠠᠶᠢᠭᠠ ᠳᠤ ᠪᠠᠶᠠᠷᠲᠠᠢ ᠪᠠᠶᠢᠨᠠ᠃ ᠶᠡᠬᠡ ᠪᠡᠯᠭᠡᠰᠢᠶᠡᠯᠲᠡᠢ ᠰᠠᠶᠢᠬᠠᠨ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠵᠤ ᠪᠠᠶᠢᠨᠠ᠃ ᠡᠨᠡ ᠭᠠᠯᠧᠷᠧᠢ ᠦᠨᠳᠦᠰᠦᠨ ᠳᠦ ᠪᠡᠨ ᠳᠥᠷᠪᠡᠨ ᠳᠠᠪᠬᠤᠷ᠃ ᠳᠠᠪᠬᠤᠷ ᠪᠦᠷᠢ ᠳᠦ ᠪᠡᠨ 350 ᠺᠦᠸᠠᠳ᠋ ᠮᠸᠲᠷ ᠲᠠᠯᠠᠪᠠᠢ ᠲᠠᠢ ᠨᠡᠶᠢᠲᠡ 1400 ᠺᠦᠸᠠᠳ᠋ ᠮᠸᠲᠷ ᠪᠦᠬᠦᠢ ᠲᠠᠯᠠᠪᠠᠢ ᠲᠠᠢ᠃ ᠰᠢᠨᠡ ᠣᠷᠴᠢᠨ ᠦᠶᠡ ᠶᠢᠨ ᠭᠠᠯᠧᠷᠧᠢ ᠮᠣᠩᠭᠣᠯ ᠤᠨ ᠦᠶᠡ ᠦᠶᠡ ᠶᠢᠨ ᠵᠢᠷᠤᠭᠠᠴᠢᠳ ᠤᠨ ᠮᠥᠷᠥᠭᠡᠳᠦᠯ ᠪᠣᠯᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ ᠡᠨᠡ ᠭᠠᠯᠧᠷᠧᠢ ᠳᠦ ᠮᠣᠩᠭᠣᠯ ᠤᠨ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠤᠨ ᠰᠢᠨᠡ ᠦᠶᠡ ᠶᠢᠨ ᠬᠢᠨ ᠪᠦᠲᠦᠭᠡᠯ ᠢᠶᠡᠨ ᠳᠡᠯᠭᠡᠨ᠂ ᠲᠥᠷᠥᠨ ᠭᠠᠷᠭᠠᠬᠤ᠂ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠶᠢᠨ ᠦᠵᠡᠭᠴᠢᠳ ᠦᠨ ᠨᠢᠳᠦ ᠶᠢ ᠪᠠᠶᠠᠰᠬᠠᠬᠤ ᠶᠡᠬᠡ ᠥᠷᠭᠥᠭᠡ ᠪᠣᠯᠤᠨᠠ ᠭᠡᠳᠡᠭ ᠲᠦ ᠢᠲᠡᠭᠡᠯ ᠲᠡᠢ ᠪᠠᠶᠢᠨᠠ ᠭᠡᠪᠡ᠃
