ᠳᠡᠯᠡᠬᠡᠢ ᠶᠢᠨ ᠰᠦᠨ ᠦ ᠡᠳᠦᠷ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ ᠨᠢᠭᠡᠨ ᠳᠦ ᠲᠣᠬᠢᠶᠠᠨᠠ᠃ ᠡᠨᠡ ᠡᠳᠦᠷ ᠢ ᠤᠭᠲᠤᠵᠤ ᠬᠦᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠶᠠᠮᠤᠨ᠂ ᠨᠢᠭᠡᠳᠦᠭᠰᠡᠨ ᠦᠨᠳᠦᠰᠦᠨ ᠦ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠬᠦᠨᠡᠰᠦ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠪᠠᠶᠢᠭᠤᠯᠤᠯᠭᠠ᠂ ᠮᠣᠩᠭᠣᠯ ᠤᠨ ᠬᠦᠨᠡᠰᠦᠴᠢᠳ ᠦᠨ ᠬᠣᠯᠪᠣᠭᠠ᠂ ᠭᠯᠦᠪᠡᠯ ᠺᠣᠮᠮᠤᠨᠢᠲ᠋ᠢᠰ ᠮᠣᠩᠭᠣᠯ ᠣᠯᠠᠨ ᠤᠯᠤᠰ ᠤᠨ ᠪᠠᠶᠢᠭᠤᠯᠤᠯᠭᠠ᠂ ᠰᠦᠨ ᠦ ᠨᠡᠮᠡᠭᠦᠦ ᠥᠷᠲᠡᠭ ᠦᠨ ᠣᠷᠣᠯᠴᠠᠭᠴᠢᠳ ᠬᠠᠮᠲᠤᠷᠠᠨ ᠥᠨᠥᠳᠥᠷ ᠬᠡᠯᠡᠯᠴᠡᠭᠦᠯᠭᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠬᠡᠯᠡᠯᠴᠡᠭᠦᠯᠭᠡ ᠶᠢᠨ ᠦᠶᠡ ᠪᠡᠷ ᠳᠡᠯᠡᠬᠡᠢ ᠶᠢᠨ ᠰᠦᠨ ᠦ ᠡᠳᠦᠷ ᠢ ᠲᠡᠮᠳᠡᠭᠯᠡᠵᠦ᠂ ᠲᠣᠭᠲᠠᠪᠤᠷᠢᠲᠠᠢ ᠬᠥᠭᠵᠢᠯ ᠦᠨ ᠵᠣᠷᠢᠯᠲᠠ ᠨᠤᠭᠤᠳ ᠢ ᠬᠡᠷᠡᠭᠵᠢᠭᠦᠯᠬᠦ ᠳᠦ ᠰᠦᠨ ᠦ ᠰᠠᠯᠪᠤᠷᠢ ᠶᠢᠨ ᠣᠷᠣᠯᠴᠠᠭᠠ᠂ ᠰᠦᠨ ᠦ ᠰᠠᠯᠪᠤᠷᠢ ᠳᠤ ᠲᠥᠷᠥ ᠡᠴᠡ ᠪᠠᠷᠢᠮᠲᠠᠯᠠᠵᠤ ᠪᠠᠶᠢᠭᠠ ᠪᠣᠳᠣᠯᠭᠠ᠂ ᠠᠷᠭᠠ ᠬᠡᠮᠵᠢᠶᠡ᠂ ᠰᠦᠨ ᠦ ᠰᠠᠯᠪᠤᠷᠢ ᠶᠢᠨ ᠬᠥᠭᠵᠢᠯ ᠦᠨ ᠰᠲᠷᠠᠲ᠋ᠧᠭᠢ᠂ ᠮᠣᠩᠭᠣᠯ ᠤᠨ ᠰᠦᠨ ᠦ ᠰᠠᠯᠪᠤᠷᠢ ᠶᠢᠨ ᠵᠣᠬᠢᠰᠲᠠᠢ ᠬᠥᠳᠡᠯᠮᠦᠷᠢ ᠡᠷᠬᠢᠯᠡᠯᠲᠡ ᠶᠢᠨ ᠲᠠᠯᠠ ᠪᠠᠷ ᠰᠠᠯᠪᠤᠷᠢ ᠶᠢᠨ ᠲᠥᠯᠥᠭᠡᠯᠡᠯ ᠬᠡᠯᠡᠯᠴᠡᠯᠡ᠃
ᠤᠯᠤᠰ ᠤᠨ ᠬᠡᠮᠵᠢᠶᠡ ᠪᠡᠷ ᠬᠥᠳᠡᠭᠡ ᠠᠵᠤ ᠠᠬᠤᠢ ᠠᠴᠠ ᠪᠡᠯᠡᠳᠬᠡᠬᠦ ᠰᠦᠨ ᠦ ᠨᠥᠭᠡᠴᠡ ᠬᠡᠮᠵᠢᠶᠡ 2018 ᠣᠨ ᠤ ᠪᠠᠶᠢᠳᠠᠯ ᠢᠶᠠᠷ 926.2 ᠮᠢᠩᠭᠠᠨ ᠲᠣᠨ ᠪᠣᠯᠵᠠᠢ᠃ ᠡᠭᠦᠨ ᠡᠴᠡ᠂ ᠢᠩᠭᠡᠨ ᠦ ᠰᠦ 11.5 ᠮᠢᠩᠭᠠᠨ ᠲᠣᠨ᠂ ᠭᠡᠭᠦᠦ ᠶᠢᠨ ᠰᠦ 83.9 ᠮᠢᠩᠭᠠᠨ ᠲᠣᠨ᠂ ᠦᠨᠢᠶᠡ ᠶᠢᠨ ᠰᠦ 553.3 ᠮᠢᠩᠭᠠᠨ ᠲᠣᠨ᠂ ᠬᠣᠨᠢᠨ ᠤ ᠰᠦ 103.8 ᠮᠢᠩᠭᠠᠨ ᠲᠣᠨ᠂ ᠢᠮᠠᠭᠠᠨ ᠤ ᠰᠦ 149.8 ᠮᠢᠩᠭᠠᠨ ᠲᠣᠨ ᠪᠠᠶᠢᠨᠠ᠃ ᠰᠦᠨ ᠦ ᠴᠢᠭᠯᠡᠯ ᠦᠨ ᠡᠷᠴᠢᠮᠵᠢᠭᠰᠡᠨ ᠠᠵᠤ ᠠᠬᠤᠢ ᠳᠤ ᠪᠠᠶᠢᠭᠠ ᠰᠦᠨ ᠦ ᠴᠢᠭᠯᠡᠯ ᠦᠨ 74 ᠮᠢᠩᠭᠠᠨ ᠲᠣᠯᠣᠭᠠᠢ ᠦᠬᠡᠷ ᠦᠨ 25% ᠪᠤᠶᠤ 18.5 ᠮᠢᠩᠭᠠᠨ ᠲᠣᠯᠣᠭᠠᠢ ᠨᠢ ᠴᠡᠪᠡᠷ ᠡᠭᠦᠯᠳᠡᠷ ᠦᠨ ᠦᠨᠢᠶᠡ ᠡᠵᠡᠯᠡᠵᠡᠢ᠃ ᠡᠳᠦᠷ ᠲᠦ ᠳᠤᠮᠳᠠᠴᠢ ᠪᠠᠷ ᠨᠢᠭᠡ ᠦᠨᠢᠶᠡᠨ ᠡᠴᠡ 18 ᠯᠢᠲ᠋ᠷ ᠰᠦ᠂ ᠦᠯᠡᠳᠡᠭᠰᠡᠨ 75% ᠪᠤᠶᠤ 55.5 ᠮᠢᠩᠭᠠᠨ ᠲᠣᠯᠣᠭᠠᠢ ᠨᠢ ᠡᠷᠯᠢᠰᠡ ᠦᠨᠢᠶᠡ᠂ ᠨᠢᠭᠡ ᠦᠨᠢᠶᠡᠨ ᠡᠴᠡ 7 ᠯᠢᠲ᠋ᠷ ᠰᠦ ᠳᠤᠮᠳᠠᠴᠢ ᠪᠠᠷ ᠠᠪᠳᠠᠭ ᠠᠵᠠᠢ᠃ ᠮᠣᠩᠭᠣᠯ ᠤᠯᠤᠰ ᠤᠨ ᠨᠢᠭᠡ ᠬᠦᠮᠦᠨ ᠳᠦ ᠵᠢᠯ ᠳᠦ ᠳᠤᠮᠳᠠᠴᠢ ᠪᠠᠷ 296.8 ᠺᠢᠯᠦᠭᠷᠡᠮ ᠰᠦ ᠨᠣᠭᠳᠠᠵᠤ ᠪᠠᠶᠢᠨᠠ᠃