︽ᠴᠢᠩᠭᠢᠰ ᠬᠠᠭᠠᠨ︾ ᠤᠳᠤᠨᠲᠤ ᠂ ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯᠴᠢ ᠪ∙ᠰᠢᠷᠠᠪ ᠤᠨ ︽ᠬᠣᠶᠠᠳᠤᠭᠠᠷ ᠰᠢᠮᠹᠣᠨᠢ︾ ᠠᠯᠲᠠᠨ ᠫᠢᠶᠠᠨᠰᠠ ᠶᠢ ︽ᠫᠧᠲ᠋ᠷᠣᠸᠢᠰ︾ ᠺᠣᠮᠫᠠᠨᠢ ᠶᠢᠨ ᠲᠥᠯᠥᠭᠡᠯᠡᠨ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠦᠨ ᠳᠠᠷᠤᠭᠠ ᠵ ∙ ᠣᠶᠤᠨᠭᠡᠷᠡᠯ 11 ᠰᠠᠶᠠ ᠲᠥᠭᠥᠷᠢᠭ ᠢᠶᠡᠷ ᠬᠤᠳᠠᠯᠳᠤᠨ ᠠᠪᠴᠠᠢ᠃ ᠬᠥᠭᠵᠢᠮᠴᠢᠨ ᠡᠵᠢ ᠶᠢᠨ ᠥᠬᠢᠨ ᠲᠡᠷᠡᠪᠡᠷ ︽ᠰᠢᠷᠠᠪ︾ ᠰᠠᠩ ᠢᠶᠠᠷ ᠢᠶᠠᠨ ᠳᠠᠮᠵᠢᠭᠤᠯᠤᠨ ᠬᠢᠭᠢᠯᠢᠴᠢᠳ᠂ ᠤᠳᠤᠷᠢᠳᠤᠭᠠᠴᠢᠳ ᠢ ᠳᠡᠮᠵᠢᠵᠦ ᠠᠵᠢᠯᠯᠠᠬᠤ ᠪᠠᠨ ᠮᠡᠳᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠮᠥᠨ ᠫᠢᠶᠠᠨᠰᠠᠨ ᠤ ᠪᠣᠷᠣᠯᠠᠭᠤᠯᠤᠯᠲᠠ ᠶᠢᠨ ᠣᠷᠣᠯᠭᠠ ᠶᠢ ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯᠴᠢ ᠶᠢᠨ ᠡᠮᠴᠢᠯᠡᠭᠡᠨ ᠳᠦ ᠵᠣᠷᠢᠭᠤᠯᠬᠤ ᠶᠤᠮ᠃
ᠮᠣᠩᠭᠣᠯᠴᠤᠳ ᠤᠨ ᠦᠨᠡᠲᠦ ᠥᠪ ᠲᠦ ᠲᠣᠭᠠᠴᠠᠭᠳᠠᠬᠤ ᠡᠨᠡᠬᠦ ᠪᠦᠲᠦᠭᠡᠯ ᠢ ᠳᠡᠯᠡᠬᠡᠢ ᠶᠢᠨ ᠠᠯᠳᠠᠷᠲᠠᠨ ᠨᠤᠭᠤᠳ ᠤᠨ ᠫᠢᠶᠠᠨᠰᠠ ᠶᠢ ᠦᠢᠯᠡᠳᠪᠦᠷᠢᠯᠡᠳᠡᠭ EMI 1440 ᠲᠥᠬᠥᠭᠡᠷᠦᠮᠵᠢ ᠪᠡᠷ ᠪᠦᠲᠦᠭᠡᠵᠦ ᠠᠮᠧᠷᠢᠺᠠ ᠳᠦ 300 ᠬᠤᠪᠢ ᠬᠡᠪᠯᠡᠭᠦᠯᠦᠭᠰᠡᠨ ᠢ ᠬᠡᠳᠦᠬᠡᠨ ᠬᠣᠨᠣᠭ ᠤᠨ ᠡᠮᠦᠨᠡ ᠠᠪᠴᠢᠷᠠᠭᠰᠠᠨ ᠪᠢᠯᠡ᠃ ︽ᠬᠣᠶᠠᠳᠤᠭᠠᠷ ᠰᠢᠮᠹᠣᠨᠢ︾ ᠲᠠᠪᠤᠨ ᠪᠦᠲᠦᠭᠡᠯ ᠡᠴᠡ ᠪᠦᠷᠢᠳᠦᠭᠰᠡᠨ ᠶᠤᠮ᠃