ᠮᠣᠩᠭᠣᠯ ᠤᠨ ᠲᠥᠷᠥ ᠨᠡᠶᠢᠭᠡᠮ ᠤᠨ ᠵᠢᠳᠬᠦᠯᠲᠡᠨ ᠨᠠᠷ ᠨᠢᠭᠡᠳᠴᠦ ︽ᠪᠡᠶᠡ ᠳᠠᠭᠠᠭᠠᠨ ᠨᠡᠷᠡ ᠳᠡᠪᠰᠢᠭᠴᠢᠳ ᠦᠨ ᠬᠣᠯᠪᠣᠭᠠ︾ ᠨᠡᠷᠡ ᠶᠢᠨ ᠳᠣᠣᠷᠠ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠰᠣᠩᠭᠣᠭᠤᠯᠢ ᠳᠤ ᠨᠡᠷᠡ ᠳᠡᠪᠰᠢᠬᠦ ᠬᠦᠮᠦᠰ ᠢ ᠲᠣᠳᠣᠷᠠᠭᠤᠯᠬᠤ ᠡᠯᠧᠺᠲ᠋ᠣᠷᠠᠲ ᠬᠥᠳᠡᠯᠭᠡᠭᠡᠨ ᠢ ᠪᠠᠶᠢᠭᠤᠯᠤᠭᠰᠠᠨ ᠲᠠᠯᠠ ᠪᠠᠷ ᠪᠢᠳᠡ ᠮᠡᠳᠡᠭᠡᠯᠡᠵᠦ ᠪᠠᠶᠢᠭᠰᠠᠨ᠃ ᠲᠤᠰ ᠬᠥᠳᠡᠯᠭᠡᠭᠡᠨ 2019 ᠣᠨ ᠤ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ 28 ᠍ ᠳᠦ ᠪᠠᠶᠢᠭᠤᠯᠤᠭᠳᠠᠵᠤ 60 ᠭᠠᠷᠤᠢ ᠭᠡᠰᠢᠭᠦᠨ ᠨᠢᠭᠡᠳᠴᠦ ᠭᠠᠷ ᠤᠨ ᠦᠰᠦᠭ ᠵᠢᠷᠤᠭᠰᠠᠨ᠃ ᠲᠤᠰ ᠬᠥᠳᠡᠯᠭᠡᠭᠡᠨ ᠢ ᠶᠡᠷᠦᠩᠬᠡᠢ ᠰᠠᠶᠢᠳ ᠠᠰᠠᠨ ᠳ∙ᠰᠣᠳᠨᠠᠮ᠂ ᠰᠠᠩ ᠤᠨ ᠰᠠᠶᠢᠳ ᠠᠰᠠᠨ ᠡ᠊∙ᠪᠢᠮᠪᠠᠵᠠᠪ᠂ ᠭᠠᠳᠠᠭᠠᠳᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠰᠠᠶᠢᠳ ᠠᠰᠠᠨ ᠼ∙ᠭᠣᠮᠪᠣᠰᠦ᠋ᠷᠦᠩ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠰᠠᠶᠢᠳ ᠠᠰᠠᠨ ᠰ∙ᠣᠶᠤᠨ᠂ ᠬᠠᠮᠪᠤ ᠯᠠᠮᠠ ᠳ∙ᠴᠣᠶᠢᠵᠠᠮᠰᠤ᠂ ᠲᠥᠷᠥ ᠶᠢᠨ ᠬᠣᠱᠣᠢ ᠰᠤᠶᠤᠷᠬᠠᠯᠲᠤ ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯᠴᠢ ᠨ∙ᠵᠠᠩᠴᠢᠨᠨᠤᠷᠪᠤ᠂ ᠨᠡᠶᠢᠲᠡᠯᠡᠯᠴᠢ ᠪ∙ᠪᠠᠭᠠᠪᠤᠷ ᠨᠠᠷ ᠰᠠᠨᠠᠭᠠᠴᠢᠯᠠᠨ ᠪᠠᠶᠢᠭᠤᠯᠵᠤ᠂ ᠪᠠᠭᠠ ᠦᠭᠡᠢ ᠠᠵᠢᠯ ᠢ ᠬᠢᠵᠡᠢ᠃
ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠠᠰᠠᠨ ᠽ∙ᠠᠯᠲᠠᠢ᠄ ᠤᠯᠤᠰ ᠲᠥᠷᠥ ᠶᠢᠨ ᠨᠠᠮ ᠤᠳ ᠤᠯᠤᠰ ᠣᠷᠣᠨ ᠢ ᠳᠠᠮᠫᠤᠤᠷᠠᠭᠤᠯᠬᠤ ᠶᠢᠨ ᠳᠡᠭᠡᠳᠦ ᠪᠡᠷ ᠳᠠᠮᠫᠤᠤᠷᠠᠭᠤᠯᠵᠤ ᠪᠠᠶᠢᠨᠠ᠃ ᠪᠦᠭᠦᠳᠡ ᠯᠠ ᠬᠠᠷᠠᠵᠤ ᠪᠠᠶᠢᠭᠠ ᠣᠶᠢᠯᠠᠭᠠᠮᠵᠢᠲᠠᠢ ᠶᠠᠭᠤᠮᠠ ᠶᠢ ᠳ᠋ᠦᠩᠨᠡᠭᠡᠳ ᠶᠠᠭᠠᠬᠢᠬᠤᠪ᠃ ᠨᠢᠭᠡ ᠶᠠᠭᠤᠮᠠ ᠪᠣᠳᠣᠬᠤ ᠦᠭᠡᠢ ᠪᠣᠯ ᠡᠨᠡ ᠤᠯᠤᠰ ᠣᠷᠣᠨ ᠡᠪᠭᠦᠶᠢᠲᠡᠯᠡ ᠭᠡᠳᠡᠭ ᠢ ᠪᠦᠬᠦ ᠢᠷᠭᠡᠳ ᠮᠡᠳᠡᠵᠦ ᠪᠠᠶᠢᠭᠠ᠃ ᠶᠡᠷᠦ ᠨᠢ ᠡᠨᠳᠡ ᠴᠤᠭᠯᠠᠷᠠᠭᠰᠠᠨ ᠬᠦᠮᠦᠰ ᠢᠷᠭᠡᠨ ᠦ ᠪᠡᠨ ᠡᠭᠦᠷᠭᠡ ᠶᠢ ᠯᠠ ᠪᠡᠶᠡᠯᠡᠭᠦᠯᠬᠦ ᠭᠡᠵᠦ ᠢᠷᠡᠭᠰᠡᠨ ᠬᠦᠮᠦᠰ᠃
ᠨᠡᠶᠢᠲᠡᠯᠡᠯᠴᠢ ᠪ∙ᠪᠠᠭᠠᠪᠤᠷ᠄ ᠮᠣᠩᠭᠣᠯ ᠤᠯᠤᠰ ᠲᠤ ᠰᠣᠩᠭᠣᠭᠤᠯᠢ ᠵᠠᠮᠪᠠᠷᠠᠭᠠ ᠦᠭᠡᠢ ᠶᠠᠪᠤᠭᠳᠠᠳᠠᠭ᠃ ᠪᠢᠳᠡ ᠶᠠᠮᠠᠷ ᠴᠤ ᠰᠢᠯᠭᠠᠭᠤᠷᠢ ᠦᠭᠡᠢ ᠪᠡᠷ ᠰᠣᠩᠭᠣᠯᠲᠠ ᠶᠠᠪᠤᠭᠤᠯᠳᠠᠭ᠃ ᠬᠦᠮᠦᠰ ᠤᠯᠤᠰ ᠲᠥᠷᠥ ᠶᠢᠨ ᠨᠠᠮ ᠳᠤ ᠢᠲᠡᠭᠡᠬᠦ ᠢᠲᠡᠭᠡᠯ ᠠᠯᠳᠠᠷᠠᠭᠰᠠᠨ ᠪᠠᠶᠢᠨᠠ᠃ ᠲᠣᠮᠣ ᠵᠢᠵᠢᠭ ᠪᠦᠬᠦ ᠨᠠᠮ ᠤᠳ ᠤᠨ ᠳᠡᠮᠵᠢᠯᠭᠡ 30 ᠬᠤᠪᠢ ᠠᠴᠠ ᠢᠯᠡᠭᠦᠦ ᠭᠠᠷᠬᠤ ᠦᠭᠡᠢ ᠪᠠᠶᠢᠨᠠ᠃ ᠬᠣᠶᠠᠷ ᠭᠣᠣᠯᠯᠠᠬᠤ ᠨᠠᠮ ᠤᠨ ᠳᠡᠮᠵᠢᠯᠭᠡ ᠡᠮᠦᠨᠡ ᠨᠢ ᠬᠢᠭᠰᠡᠨ 20 ᠭᠠᠷᠤᠢ ᠵᠢᠯ ᠦᠨ ᠰᠤᠳᠤᠯᠭᠠᠨ ᠠᠴᠠ ᠦᠵᠡᠬᠦ ᠳᠦ ᠳᠠᠩᠳᠠ 50 ᠬᠤᠪᠢ ᠠᠴᠠ ᠳᠠᠪᠠᠵᠤ ᠪᠠᠶᠢᠭᠰᠠᠨ᠃ ᠬᠡᠵᠢᠶᠡ ᠴᠤ ᠡᠶᠢᠮᠦ ᠳᠣᠭᠣᠭᠰᠢ ᠪᠠᠨ ᠣᠷᠣᠵᠤ ᠪᠠᠶᠢᠭᠰᠠᠨ ᠦᠭᠡᠢ᠃ ᠲᠡᠶᠢᠮᠦ ᠡᠴᠡ ᠠᠷᠠᠳ ᠲᠦᠮᠡᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠰᠢᠨᠡ ᠬᠦᠮᠦᠰ ᠢ ᠳᠡᠮᠵᠢᠵᠦ ᠪᠠᠶᠢᠨᠠ᠃
ᠭᠠᠳᠠᠭᠠᠳᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠰᠠᠶᠢᠳ ᠠᠰᠠᠨ ᠼ∙ᠭᠣᠮᠪᠣᠰᠦ᠋ᠷᠦᠩ᠄ ᠪᠢᠳᠡ ᠡᠨᠡ ᠠᠵᠢᠯ ᠢ ᠬᠢᠭᠰᠡᠨ ᠢᠶᠡᠷ ᠢᠶᠡᠨ ᠤᠳᠠᠭᠠ ᠳᠠᠷᠠᠭᠠ ᠡᠷᠬᠡ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠂ ᠥᠨᠥᠳᠥᠷ ᠡᠷᠬᠡ ᠪᠠᠷᠢᠵᠤ ᠪᠠᠶᠢᠭᠠ ᠨᠠᠮ ᠤᠳ ᠪᠢᠳᠡᠨ ᠦ ᠬᠢᠵᠦ ᠪᠠᠶᠢᠭᠠ ᠠᠵᠢᠯ ᠢ ᠬᠠᠷᠠᠭᠠᠳ ᠬᠠᠮᠤᠭ ᠤᠨ ᠭᠠᠶᠢᠭᠤᠢ ᠬᠦᠮᠦᠰ ᠢᠶᠡᠨ ᠰᠣᠩᠭᠣᠭᠤᠯᠢ ᠳᠤ ᠨᠡᠷᠡ ᠳᠡᠪᠰᠢᠭᠦᠯᠬᠦ ᠪᠣᠯᠪᠠ ᠤᠤ ᠭᠡᠵᠦ ᠨᠠᠶᠢᠳᠠᠵᠤ ᠪᠠᠶᠢᠭᠠ᠃ ᠲᠡᠷᠡ ᠨᠠᠮ ᠤᠳ ᠤᠨ ᠬᠦᠮᠦᠰ ᠭᠠᠷᠴᠤ ᠢᠷᠡᠭᠡᠳ ᠳᠠᠩ ᠢᠶᠠᠷ ᠢᠶᠠᠨ ᠪᠣᠯᠤᠨ ᠡᠪᠰᠡᠭᠡᠳ ᠲᠥᠷᠥ ᠶᠢ ᠠᠪᠴᠤ ᠶᠠᠪᠤᠬᠤ ᠪᠠᠶᠢᠬᠤ᠃