ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠬᠠᠤᠯᠢ ᠵᠦᠢ ᠶᠢᠨ ᠪᠠᠶᠢᠩᠭᠤ ᠶᠢᠨ ᠬᠣᠷᠢᠶᠠᠨ ᠤ ᠥᠨᠥᠳᠥᠷ ᠦᠨ ᠬᠤᠷᠠᠯᠳᠤᠭᠠᠨ ᠢᠶᠠᠷ ᠬᠦᠮᠦᠨ ᠦ ᠡᠷᠬᠡ ᠶᠢᠨ ᠦᠨᠳᠦᠰᠦᠨ ᠦ ᠺᠣᠮᠢᠰ ᠤᠨ ︽ᠮᠣᠩᠭᠣᠯ ᠤᠯᠤᠰ ᠳᠠᠬᠢ ᠬᠦᠮᠦᠨ ᠦ ᠡᠷᠬᠡ᠂ ᠡᠷᠬᠡ ᠴᠢᠯᠦᠭᠡᠨ ᠦ ᠪᠠᠶᠢᠳᠠᠯ ᠤᠨ ᠲᠠᠯᠠᠭᠠᠷᠬᠢ 18 ᠳ᠋ᠡᠬᠢ ᠢᠯᠡᠳᠬᠡᠯ︾ ᠍ ᠢ ᠰᠣᠨᠣᠰᠤᠯᠠ᠃ ᠡᠨᠡ ᠦᠶᠡ ᠪᠡᠷ ᠯ∙ᠪᠣᠯᠣᠳ ᠭᠡᠰᠢᠭᠦᠨ ᠲᠥᠷᠥ ᠨᠡᠶᠢᠭᠡᠮ ᠤᠨ ᠨᠡᠷᠡᠲᠦ ᠵᠢᠳᠬᠦᠯᠲᠡᠨ ᠰ∙ᠵᠣᠷᠢᠭ ᠠᠭᠰᠠᠨ ᠤ ᠠᠮᠢ ᠨᠠᠰᠤ ᠶᠢ ᠬᠥᠨᠥᠭᠡᠭᠰᠡᠨ ᠬᠡᠷᠡᠭ ᠲᠦ ᠰᠢᠢᠳᠦᠭᠳᠡᠭᠰᠡᠨ ᠵᠠᠷᠢᠮ ᠡᠲᠡᠭᠡᠳ ᠢ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ ᠶᠢᠨ ᠬᠦᠷᠢᠶᠡᠨ ᠳᠦ ᠨᠡᠩ ᠳᠠᠷᠤᠢ ᠰᠤᠯᠠᠯᠠᠬᠤ ᠠᠷᠭᠠ ᠬᠡᠮᠵᠢᠶᠡ ᠠᠪᠬᠤ ᠰᠠᠨᠠᠯ ᠳᠡᠪᠰᠢᠭᠦᠯᠦᠭᠰᠡᠨ ᠶᠤᠮ᠃
ᠡᠨᠡ ᠦᠶᠡ ᠪᠡᠷ ᠰ∙ᠡᠷᠳᠡᠨᠢ ᠭᠡᠰᠢᠭᠦᠨ᠄ ᠬᠦᠮᠦᠨ ᠦ ᠡᠷᠬᠡ ᠶᠢᠨ ᠺᠣᠮᠢᠰ ᠲᠠᠢ ᠬᠣᠯᠪᠣᠭᠠ ᠲᠠᠢ ᠬᠠᠤᠯᠢ ᠪᠣᠯᠪᠠᠰᠤᠷᠠᠭᠤᠯᠤᠭᠳᠠᠵᠤ ᠪᠠᠶᠢᠭᠠ ᠪᠣᠯ ᠢᠯᠡ ᠪᠣᠯᠭᠠ᠂ ᠣᠯᠠᠨ ᠨᠡᠶᠢᠲᠡ ᠪᠡᠷ ᠬᠡᠯᠡᠯᠴᠡᠭᠦᠯ ᠭᠡᠪᠡ᠃
ᠯ∙ᠪᠣᠯᠣᠳ ᠭᠡᠰᠢᠭᠦᠨ ᠄ ᠬᠦᠮᠦᠨ ᠦ ᠡᠷᠬᠡ ᠶᠢᠨ ᠺᠣᠮᠢᠰ ᠤᠨ ᠡᠷᠬᠡ ᠡᠭᠦᠷᠭᠡ ᠶᠢ ᠨᠡᠮᠡᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ᠃ ᠬᠤᠷᠢᠬᠤ ᠠᠩᠬᠢ ᠶᠢᠨ ᠭᠠᠭᠴᠠ ᠵᠢᠭᠦᠷ ᠲᠦ ᠪ∙ᠪᠤᠯᠠᠭᠠᠨ ᠢ ᠬᠡᠳᠦᠨ ᠰᠠᠷᠠ ᠬᠣᠷᠢᠭᠰᠠᠨ᠃ ᠪ∙ᠪᠤᠯᠠᠭᠠᠨ ᠶᠡᠬᠡ ᠪᠤᠬᠢᠨᠢᠳᠤᠯ ᠲᠠᠢ ᠪᠠᠶᠢᠭᠰᠠᠨ᠃ ᠲᠠ ᠨᠠᠷ ᠦᠨᠡᠬᠡᠷ ᠳᠡᠩᠳᠡᠵᠦ ᠪᠠᠶᠢᠭᠠ ᠰᠢᠦ ᠭᠡᠳ ᠬᠠᠰᠭᠢᠷᠴᠦ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠶᠠᠭ ᠳᠤᠤᠷᠠᠳᠤ ᠳᠠᠪᠬᠤᠷ ᠲᠤ ᠨᠢ ᠪ∙ᠰᠣᠳᠨᠠᠮᠳᠠᠷᠵᠢᠶᠠ᠂ ᠲ∙ᠴᠢᠮᠡᠭ ᠨᠠᠷ ᠢ ᠬᠣᠷᠢᠵᠤ ᠪᠠᠶᠢᠭᠰᠠᠨ ᠶᠤᠮ ᠪᠢᠯᠡ᠃ ᠲᠡᠷᠡ ᠬᠤᠶᠠᠷ ᠢ ᠡᠷᠡᠭᠦᠳᠡᠨ ᠰᠢᠭᠦᠬᠦ ᠵᠠᠮ ᠢᠶᠠᠷ ᠶᠠᠯᠠ ᠬᠦᠯᠢᠶᠡᠯᠭᠡᠭᠰᠡᠨ ᠭᠡᠪᠡ ᠃
ᠼ∙ᠮᠥᠩᠬᠡ-ᠣᠷᠭᠢᠯ ᠭᠡᠰᠢᠭᠦᠨ᠄ ᠪᠠᠶᠢᠩᠭᠤ ᠶᠢᠨ ᠬᠣᠷᠢᠶᠠᠨ ᠠᠴᠠ ᠬᠡᠨ ᠨᠢᠭᠡᠨ ᠢ ᠰᠢᠭᠤᠳ ᠰᠤᠯᠠᠯᠠ ᠭᠡᠳᠡᠭ ᠴᠢᠭᠯᠡᠯ ᠥᠭᠴᠦ ᠪᠣᠯᠬᠤ ᠦᠭᠡᠢ ᠭᠡᠪᠡ᠃
ᠬᠠᠤᠯᠢ ᠵᠦᠢ ᠳᠣᠲᠣᠭᠠᠳᠤ ᠬᠡᠷᠡᠭ ᠦᠨ ᠰᠠᠶᠢᠳ ᠼ∙ᠨᠢᠮᠠᠳᠣᠷᠵᠢ᠄ ᠲᠠ ᠨᠠᠷ ᠰᠢᠭᠦᠬᠦ ᠶᠢ ᠰᠢᠭᠦᠬᠦ ᠭᠡᠳ ᠪᠠᠶᠢᠭᠠ ᠶᠤᠮ ᠤᠤ᠂ ᠬᠠᠮᠢᠭᠠ ᠪᠠᠶᠢᠨᠠ ᠂ ᠲᠡᠷᠡ ᠰᠢᠭᠦᠬᠦ ᠴᠢᠨᠢ᠃ ᠮᠣᠩᠭᠣᠯ ᠳᠤ ᠰᠢᠭᠦᠬᠦ ᠭᠡᠵᠦ ᠪᠠᠶᠢᠬᠤ ᠦᠭᠡᠢ ᠪᠣᠯᠤᠭᠰᠠᠨ᠃ ᠳᠠᠷᠤᠭᠠ ᠶᠢᠨ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠷ ᠭᠡᠮᠲᠦ ᠬᠡᠷᠡᠭ ᠬᠦᠯᠢᠶᠡᠯᠭᠡᠵᠦ ᠱᠣᠷᠣᠩ ᠳᠤ ᠨᠠᠰᠤ ᠪᠠᠷ ᠨᠢ ᠬᠠᠲᠠᠭᠠᠳᠠᠭ ᠪᠦᠯᠦᠭ ᠳᠡᠭᠡᠷᠡᠮᠴᠢᠳ ᠲᠡᠢ ᠪᠣᠯᠤᠭᠰᠠᠨ ᠭᠡᠪᠡ᠃
ᠼ∙ᠮᠥᠩᠬᠡ-ᠣᠷᠭᠢᠯ ᠭᠡᠰᠢᠭᠦᠨ᠄ ᠬᠠᠤᠯᠢ ᠵᠦᠢ ᠶᠢᠨ ᠪᠠᠶᠢᠩᠭᠤ ᠶᠢᠨ ᠬᠣᠷᠢᠶᠠ ᠰᠢᠭᠦᠬᠦ ᠪᠣᠯᠴᠢᠬᠠᠭᠠᠳ ᠪᠠᠶᠢᠨᠠ ᠭᠡᠪᠡ᠃
