ᠥᠩᠭᠡᠷᠡᠭᠰᠡᠨ ᠣᠨ ᠤ ᠰᠡᠭᠦᠯᠡᠷ ᠳᠤᠮᠳᠠᠭᠤᠪᠢ ᠠᠶᠢᠮᠠᠭ ᠤᠨ ᠬᠤᠯᠳᠠ ᠰᠤᠮᠤᠨ ᠳᠤ ᠨᠢᠭᠡᠨ ᠰᠢᠨᠡ ᠦᠢᠯᠡᠳᠪᠦᠷᠢᠯᠡᠯ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠪᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠨᠢ ︽ᠵᠥᠩ ᠲᠡᠩᠭᠢᠰ︾ ᠺᠤᠮᠫᠠᠨᠢ ᠶᠢᠨ ︽ᠮᠢᠭ︾ ᠠᠭᠠᠷᠴᠠᠨ ᠤ ᠦᠢᠯᠡᠳᠪᠦᠷᠢ ᠶᠤᠮ᠃ ᠲᠤᠰ ᠦᠢᠯᠡᠳᠪᠦᠷᠢ ᠶᠢᠨ ᠬᠠᠯᠠᠭᠤᠨ ᠠᠭᠠᠷᠴᠠ ᠶᠢ ᠤᠯᠠᠭᠠᠨᠪᠠᠭᠠᠲᠤᠷ ᠪᠣᠯᠤᠨ ᠪᠤᠰᠤᠳ ᠠᠶᠢᠮᠠᠭ ᠠᠴᠠ᠂ ᠢᠯᠠᠩᠭᠤᠶᠠ ᠪᠠᠶᠠᠨᠬᠣᠩᠭᠣᠷ ᠠᠶᠢᠮᠠᠭ ᠠᠴᠠ ᠶᠡᠬᠡ ᠵᠠᠬᠢᠶᠠᠯᠠᠵᠤ ᠠᠪᠳᠠᠭ ᠠᠵᠡᠢ ᠃ ᠤᠯᠠᠮᠵᠢᠯᠠᠯᠲᠤ ᠠᠷᠭᠠ ᠪᠠᠷ ᠪᠡᠯᠡᠳᠬᠡᠭᠰᠡᠨ ᠠᠭᠠᠷᠴᠠ ᠶᠢ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠬᠠᠳᠠᠭᠠᠯᠠᠬᠤ ᠳᠤ ᠬᠦᠭᠡᠴᠦᠷᠡᠵᠦ᠂ ᠮᠠᠭᠤᠳᠠᠬᠤ ᠡᠷᠡᠰᠳᠡᠯ ᠲᠡᠢ ᠪᠠᠶᠢᠳᠠᠭ᠃ ᠲᠡᠭᠡᠪᠡᠯ ᠡᠨᠡᠬᠦ ᠠᠭᠠᠷᠴᠠ ᠨᠢ ᠨᠠᠶᠢᠷᠠᠯᠭᠠ ᠶᠢᠨ ᠬᠤᠪᠢ ᠳᠤ ᠤᠪᠢᠶᠤᠰ ᠂ ᠰᠢᠷᠠ ᠲᠣᠰᠣ ᠨᠡᠮᠡᠨ ᠪᠠᠶᠠᠵᠢᠭᠤᠯᠵᠤ᠂ ᠬᠠᠳᠠᠭᠠᠯᠠᠬᠤ ᠬᠤᠭᠤᠴᠠᠭᠠ ᠶᠢ ᠤᠷᠲᠤᠰᠬᠠᠭᠰᠠᠨ ᠢᠶᠠᠷ ᠢᠶᠠᠨ ᠳᠠᠪᠠᠭᠤ ᠲᠠᠯᠠ ᠲᠠᠢ ᠶᠤᠮ᠃ ᠮᠦᠨ ᠦᠨᠢᠶᠡᠨ ᠦ ᠰᠦ ᠶᠢ ᠰᠡᠩᠰᠡᠳᠡᠵᠦ ᠬᠠᠲᠠᠭᠠᠭᠠᠳ᠂ ᠳᠠᠷᠠᠭᠠ ᠨᠢ ᠲᠡᠭᠡᠷᠮᠡᠳᠡᠵᠦ ᠨᠤᠨᠲᠠᠭᠯᠠᠨ 20᠂ 100᠂ 130 ᠭᠷᠠᠮ ᠢᠶᠠᠷ ᠰᠠᠪᠠᠯᠠᠵᠤ᠂ ᠵᠠᠬᠠ ᠵᠡᠭᠡᠯᠢ ᠳᠦ ᠨᠡᠶᠢᠯᠡᠭᠦᠯᠳᠡᠭ ᠪᠥᠭᠡᠳ ᠲᠤᠰ ᠺᠣᠮᠫᠠᠨᠢ ︽ᠬᠠᠲᠠᠭᠠᠮᠠᠯ ᠨᠤᠨᠲᠠᠭ ᠠᠭᠠᠷᠴᠠ︾ ᠦᠢᠯᠡᠳᠪᠦᠷᠢᠯᠡᠬᠦ ᠫᠠᠲ᠋ᠧᠨᠲ ᠢ ᠡᠵᠡᠮᠰᠢᠳᠡᠭ ᠠᠵᠢ᠃