ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ 42 ᠳ᠋ᠤᠭᠠᠷ ᠲᠣᠭᠣᠷᠢᠭ ᠲᠤ ᠬᠡᠷᠦᠯᠦᠨ᠂ ᠮᠥᠷᠡᠨ᠂ ᠵᠢᠷᠭᠠᠯᠲᠤᠬᠠᠨ ᠵᠡᠷᠭᠡ ᠰᠤᠮᠤ᠂ ᠲᠠᠬᠢᠯᠭᠠᠲᠤ᠂ ᠥᠯᠵᠡᠶᠢᠲᠦ ᠲᠣᠰᠬᠣᠨ ᠪᠠᠭᠲᠠᠳᠠᠭ ᠪᠥᠭᠡᠳ ᠨᠡᠶᠢᠲᠡ 17906 ᠰᠣᠩᠭᠣᠭᠴᠢ ᠰᠠᠨᠠᠯ ᠥᠭᠭᠦᠨᠡ᠃ ᠬᠦᠮᠦᠨ ᠠᠮᠠ ᠶᠢᠨ ᠲᠣᠭᠠᠨ ᠠᠴᠠ ᠬᠠᠮᠢᠶᠠᠷᠴᠦ ᠂ ᠬᠡᠷᠦᠯᠦᠨ ᠰᠤᠮᠤᠨ ᠳᠤ 11᠂ ᠮᠦᠷᠡᠨ᠂ ᠵᠢᠷᠭᠠᠯᠲᠤᠬᠠᠨ ᠰᠤᠮᠤᠨ ᠳᠤ ᠲᠤᠰ ᠪᠦᠷᠢ ᠲᠠᠪᠤ ᠨᠡᠶᠢᠲᠡ 21 ᠰᠠᠨᠠᠯ ᠠᠪᠬᠤ ᠪᠠᠶᠢᠷᠢ ᠠᠵᠢᠯᠯᠠᠬᠤ ᠶᠤᠮ ᠪᠠᠶᠢᠨᠠ᠃
ᠬᠡᠨᠲᠡᠢ ᠠᠶᠢᠮᠠᠭ ᠤᠨ ᠰᠣᠩᠭᠣᠭᠤᠯᠢ ᠶᠢᠨ ᠬᠣᠷᠢᠶᠠ ᠬᠤᠶᠠᠳᠠᠬᠢ ᠬᠤᠷᠠᠯᠳᠤᠭᠠᠨ ᠢᠶᠠᠨ ᠬᠢᠵᠦ᠂ ᠦᠢᠯᠡ ᠠᠵᠢᠯᠯᠠᠭᠠᠨ ᠤ ᠲᠥᠯᠥᠪᠯᠡᠭᠡ᠂ ᠭᠡᠰᠢᠭᠦᠳ ᠦᠨ ᠠᠵᠢᠯ ᠡᠭᠦᠷᠭᠡ ᠶᠢᠨ ᠬᠤᠪᠢᠶᠠᠷᠢ᠂ ᠰᠤᠮᠤᠳ ᠤᠨ ᠰᠣᠩᠭᠣᠭᠤᠯᠢ ᠶᠢᠨ ᠬᠣᠷᠢᠶᠠ ᠪᠠᠶᠢᠭᠤᠯᠬᠤ ᠠᠰᠠᠭᠤᠳᠠᠯ ᠢ ᠲᠤᠰ ᠲᠤᠰ ᠬᠡᠯᠡᠯᠴᠡᠵᠦ ᠪᠠᠲᠤᠯᠠᠯᠠ᠃
ᠰᠣᠩᠭᠣᠭᠤᠯᠢ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠠᠵᠢᠯ ᠤᠨ ᠬᠡᠰᠡᠭ ᠲᠦ ᠲᠥᠷᠥ ᠶᠢᠨ ᠵᠠᠬᠢᠷᠭᠠᠨ ᠤ ᠪᠣᠯᠤᠨ ᠲᠥᠷᠥ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠦ ᠠᠯᠪᠠᠨ ᠬᠠᠭᠠᠭᠴᠢᠳ ᠠᠵᠢᠯᠯᠠᠬᠤ ᠪᠥᠭᠡᠳ ᠪᠦᠭᠦᠳᠡ ᠰᠤᠷᠭᠠᠯᠲᠠ ᠳᠤ ᠬᠠᠮᠤᠷᠤᠭᠳᠠᠵᠤ ᠭᠡᠷᠡᠴᠢᠯᠡᠭᠡ ᠠᠪᠴᠠᠢ᠃ ᠲᠤᠰ ᠠᠶᠢᠮᠠᠭ ᠤᠨ ᠰᠣᠩᠭᠣᠭᠤᠯᠢ ᠶᠢᠨ ᠬᠣᠷᠢᠶᠠᠨ ᠤ ᠭᠡᠰᠢᠭᠦᠳ ᠨᠢ 5-6 ᠰᠣᠩᠭᠣᠭᠤᠯᠢ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠲᠤᠷᠰᠢᠯᠭᠠ ᠲᠠᠢ ᠠᠵᠠᠢ ᠃ ᠳᠠᠰᠢᠷᠠᠮ ᠳᠤ ᠰᠣᠨᠢᠷᠬᠠᠭᠤᠯᠬᠤ ᠳᠤ᠂ ᠲᠠᠪᠤᠳᠤᠭᠠᠷ ᠰᠠᠷᠠ ᠳᠤ ᠪᠠᠭᠲᠠᠭᠠᠨ ᠨᠠᠮ ᠤᠳ ᠰᠣᠩᠭᠣᠭᠤᠯᠢ ᠶᠢᠨ ᠶᠡᠷᠦᠩᠬᠡᠢ ᠬᠣᠷᠢᠶᠠ ᠳᠦ ᠨᠡᠷᠡ ᠳᠡᠪᠰᠢᠬᠦ ᠬᠦᠰᠡᠯᠲᠡ ᠪᠡᠨ ᠭᠠᠷᠭᠠᠬᠤ ᠪᠣᠯ ᠪᠡᠶᠡ ᠳᠠᠭᠠᠭᠠᠨ ᠨᠡᠷᠡ ᠳᠡᠪᠰᠢᠭᠴᠢᠳ ᠠᠶᠢᠮᠠᠭ ᠤᠨ ᠰᠣᠩᠭᠣᠭᠤᠯᠢ ᠶᠢᠨ ᠬᠣᠷᠢᠶᠠᠨ ᠠᠴᠠ ᠲᠤᠰᠬᠠᠢ ᠮᠠᠶ᠋ᠢᠭᠲᠤ ᠠᠪᠴᠤ 800 ᠠᠴᠠ ᠳᠣᠭᠣᠭᠰᠢ ᠦᠭᠡᠢ ᠬᠦᠮᠦᠨ ᠦ ᠭᠠᠷ ᠤᠨ ᠦᠰᠦᠭ ᠴᠤᠭᠯᠠᠭᠤᠯᠤᠭᠰᠠᠨ ᠢᠶᠠᠷ ᠨᠡᠷᠡ ᠳᠡᠪᠰᠢᠬᠦ ᠡᠷᠬᠡ ᠪᠡᠨ ᠠᠪᠬᠤ ᠶᠤᠮ ᠃ ᠢᠷᠡᠬᠦ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ 5 ᠍ ᠤ ᠳᠣᠲᠣᠷᠠ ᠨᠡᠷᠡ ᠳᠡᠪᠰᠢᠭᠴᠢᠳ ᠲᠣᠳᠣᠷᠬᠠᠢ ᠪᠣᠯᠤᠨᠠ᠃
