ᠮᠣᠩᠭᠣᠯ ᠤᠯᠤᠰ ᠤᠨ ᠲᠥᠷᠥ ᠶᠢᠨ ᠬᠣᠱᠣᠢ ᠱᠠᠩᠨᠠᠯᠲᠤ ᠴ∙ᠯᠣᠳᠤᠶᠢᠳᠠᠮᠪᠠ ᠶᠢᠨ ᠵᠣᠬᠢᠶᠠᠯ ︽ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ ︾ ᠺᠢᠨᠤ᠋ ᠶᠢᠨ ᠪᠢᠴᠢᠬᠠᠨ ᠵᠦᠴᠦᠭᠡᠴᠢᠳ 37 ᠵᠢᠯ ᠦᠨ ᠳᠠᠷᠠᠭᠠ ᠠᠭᠤᠯᠵᠠᠵᠠᠢ᠃ ᠡᠳᠦᠭᠡ ᠲᠡᠳᠡ ᠰᠠᠶᠢᠬᠠᠨ ᠭᠡᠷ ᠪᠦᠯᠢ ᠶᠢᠨ ᠲᠦᠰᠢᠭ ᠲᠤᠯᠭᠠᠭᠤᠷᠢ᠂ ᠬᠠᠯᠠᠮᠵᠢᠲᠤ ᠬᠠᠨᠢ᠂ ᠡᠩᠬᠦᠷᠡᠢ ᠦᠷᠡᠰ ᠦᠨ ᠠᠪᠤ ᠡᠵᠢ ᠪᠤᠯᠵᠠᠭᠠᠭᠰᠠᠨ ᠶᠤᠮ᠃ ᠤᠭ ᠺᠢᠨᠣ᠋ ᠨᠢ 1983 ᠣᠨ ᠳᠤ ᠠᠩᠬᠠ ᠦᠵᠡᠭᠴᠢᠳ ᠦᠨ ᠬᠦᠷᠲᠡᠭᠡᠯ ᠪᠣᠯᠵᠤ ᠪᠠᠶᠢᠪᠠ᠃ ᠵᠢᠷᠤᠭ ᠠᠪᠤᠯᠲᠠ 1981 ᠣᠨ ᠤ ᠰᠡᠭᠦᠯᠴᠢ ᠪᠡᠷ ᠳᠠᠷᠬᠠᠨ-ᠠᠭᠤᠯᠠ ᠠᠶᠢᠮᠠᠭ ᠲᠤ ᠬᠢᠭᠳᠡᠵᠦ᠂ ᠵᠢᠯ ᠦᠨ ᠳᠥᠷᠪᠡᠨ ᠤᠯᠠᠷᠢᠯ ᠦᠷᠭᠦᠯᠵᠢᠯᠡᠵᠡᠢ ᠃ ᠺᠢᠨᠤ᠋ ᠶᠢᠨ ᠬᠠᠮᠤᠭ ᠤᠨ ᠪᠢᠴᠢᠬᠠᠨ ᠵᠦᠴᠦᠭᠡᠴᠢᠳ ᠪᠣᠯᠬᠤ ᠢᠳᠡᠷ᠂ ᠡᠯᠪᠡᠭ᠂ ᠭᠡᠷᠡᠯ ᠨᠠᠷ ᠪᠣᠯᠤᠨ ᠪᠤᠰᠤᠳ ᠤᠷᠠᠨ ᠪᠦᠲᠦᠭᠡᠯᠴᠢᠳ 37 ᠵᠢᠯ ᠦᠨ ᠳᠠᠷᠠᠭᠠ ᠡᠶᠢᠨ ᠬᠦ ᠠᠭᠤᠯᠵᠠᠭᠰᠠᠨ ᠪᠠᠶᠢᠨᠠ᠃
ᠢᠳᠡᠷ ᠦᠨ ᠳᠦᠷᠢ ᠳᠦ ᠲᠣᠭᠯᠠᠭᠰᠠᠨ ᠨ∙ᠪᠠᠲᠤ-ᠠᠮᠤᠭᠤᠯᠠᠩ ᠢ᠊∙ᠨᠢᠮᠠᠭᠠᠸᠠ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠬᠦᠦ ᠪᠥᠭᠡᠳ ᠡᠵᠢ ᠲᠡᠢ ᠪᠡᠨ ᠬᠠᠮᠲᠤ ᠶᠢᠰᠦᠨ ᠨᠠᠰᠤᠲᠠᠢ ᠳᠤ ᠪᠠᠨ ᠲᠣᠭᠯᠠᠭᠰᠠᠨ ᠪᠠᠶᠢᠨᠠ᠃ ᠬᠠᠷᠢᠨ ᠮᠣᠳᠣᠨ ᠵᠠᠷᠠᠭᠠᠨ ᠤ ᠡᠵᠡᠨ᠂ ᠬᠥᠭᠡᠷᠦᠬᠦᠨ ᠭᠡᠷᠡᠯ ᠪᠤᠶᠤ ᠪ∙ᠭᠠᠨᠲᠢᠭᠮᠠ ᠶᠢ ᠠᠷᠠᠳ ᠲᠦᠮᠡᠨ ᠮᠤᠩᠭᠤᠯ ᠤᠨ ᠤᠯᠠᠨ ᠨᠡᠶᠢᠲᠡ ᠶᠢᠨ ᠷᠠᠳᠢᠤ᠋᠍ ᠲᠸᠯᠸᠢᠰ ᠦᠨ ᠨᠡᠪᠲᠡᠷᠡᠭᠦᠯᠦᠭᠴᠢ ᠭᠡᠳᠡᠭ ᠢᠶᠡᠷ ᠨᠢ ᠠᠨᠳᠤᠬᠤ ᠦᠭᠡᠢ᠃ ᠲᠡᠷᠡᠪᠡᠷ ᠮᠣᠩᠭᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ ᠱ∙ᠳᠡᠯᠭᠡᠷᠵᠢᠷᠭᠠᠯ ᠤᠨ ᠥᠬᠢᠨ ᠪᠢᠯᠡ᠃ ᠬᠠᠷᠢᠨ ᠡᠯᠪᠡᠭ ᠪᠤᠶᠤ ᠮ∙ᠪᠠᠲᠤᠬᠡᠰᠢᠭ ᠮᠣᠩᠭᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ ᠪ∙ᠮᠠᠭᠰᠠᠷ ᠭᠤᠸᠠᠢ ᠶᠢᠨ ᠬᠦᠦ ᠪᠥᠭᠡᠳ ᠵᠠᠮ ᠤᠨ-ᠡᠭᠦᠳᠡ ᠳᠦ ᠠᠮᠢᠳᠤᠷᠠᠳᠠᠭ ᠠᠵᠠᠢ᠃
