ᠬᠥᠪᠰᠥᠭᠥᠯ ᠠᠶᠢᠮᠠᠭ ᠤᠨ ᠴᠢᠨᠳᠠᠮᠤᠨᠢ ᠥᠨᠳᠥᠷ ᠰᠤᠮᠤ ᠶᠢᠨ ᠢᠷᠭᠡᠨ ᠭ∙ᠪᠠᠲᠤᠳᠤᠭᠲᠤᠬᠤ ︽ᠬᠥᠪᠰᠥᠭᠥᠯ ᠦᠨ ᠤᠷᠢᠶᠠᠩᠬᠠᠢ ᠶᠢᠨ ᠠᠮᠠᠨ ᠪᠢᠯᠢᠭ︾ ᠬᠡᠮᠡᠬᠦ ᠨᠣᠮ ᠢ ᠲᠤᠭᠤᠷᠪᠢᠵᠠᠢ᠃
ᠲᠤᠰ ᠨᠤᠮ ᠳᠤ ᠴᠢᠨᠳᠠᠮᠤᠨᠢ -ᠥᠨᠳᠥᠷ ᠰᠤᠮᠤ ᠲᠠᠢ ᠬᠣᠯᠪᠣᠭᠠ ᠲᠠᠢ᠂ ᠳᠣᠮᠣᠭ ᠬᠠᠭᠤᠴᠢ ᠶᠠᠷᠢᠶᠠ᠂ ᠨᠤᠲᠤᠭ ᠤᠨ ᠠᠷᠠᠳ ᠤᠨ ᠳᠠᠭᠤᠤ᠂ ᠤᠷᠢᠶᠠᠩᠬᠠᠢ ᠦᠭᠡ ᠬᠡᠯᠡᠯᠭᠡ᠂ ᠬᠠᠭᠤᠴᠢᠨ ᠤ ᠭᠡᠷᠡᠯ ᠵᠢᠷᠤᠭ᠂ ᠤᠷᠢᠶᠠᠩᠬᠠᠢ ᠶᠠᠰᠤᠲᠠᠨ ᠤ ᠡᠭᠦᠰᠦᠯ ᠵᠡᠷᠭᠡ ᠣᠯᠠᠨ ᠰᠣᠨᠢᠷᠬᠠᠯᠲᠠᠢ ᠮᠡᠳᠡᠭᠡᠯᠡᠯ ᠦᠳ ᠪᠠᠭᠲᠠᠵᠠᠢ᠃ ᠲᠠᠩᠨᠤ ᠰᠠᠶᠠᠨ ᠤ ᠨᠢᠷᠤᠭᠤᠨ ᠠᠴᠠ ᠮᠣᠩᠭᠣᠯ ᠠᠯᠲᠠᠢ ᠬᠦᠷᠲᠡᠯᠡᠬᠢ ᠠᠭᠤᠯᠠᠰ ᠢᠶᠠᠷ ᠭᠣᠣᠯᠳᠠᠭᠤ ᠨᠤᠲᠤᠭᠯᠠᠳᠠᠭ᠂ ᠴᠠ ᠪᠣᠯᠤᠨ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠳᠡᠭ ᠲᠤᠸᠠ᠂ ᠰᠤᠶᠤᠳ᠋ ᠤᠷᠢᠶᠠᠩᠬᠠᠢ ᠵᠡᠷᠭᠡ ᠶᠠᠰᠤᠲᠠᠨ ᠢ ᠨᠡᠶᠢᠲᠡ ᠳᠦ ᠨᠢ ᠤᠷᠢᠶᠠᠩᠬᠠᠢ ᠬᠡᠮᠡᠨ 12 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡᠰ ᠨᠡᠷᠡᠯᠡᠵᠦ ᠢᠷᠡᠵᠡᠢ᠃ ᠲᠠᠯᠠ ᠶᠢᠨ ᠪᠤᠶᠤ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠵᠦ ᠠᠮᠢᠳᠤᠷᠠᠳᠠᠭ ᠤᠷᠢᠶᠠᠩᠬᠠᠢ ᠶᠠᠰᠤᠲᠠᠨ ᠨᠢ ᠮᠣᠩᠭᠣᠯ ᠤᠭᠰᠠᠭᠠᠨ ᠤ ᠬᠦᠮᠦᠰ ᠶᠤᠮ᠃ ᠬᠠᠷᠢᠨ ᠬᠥᠪᠰᠥᠭᠥᠯ ᠦᠨ ᠤᠷᠢᠶᠠᠩᠬᠠᠢ ᠨᠠᠷ ᠢ ᠬᠠᠰ ᠤᠳ ᠤᠷᠢᠶᠠᠩᠬᠠᠢ ᠪᠤᠶᠤ ᠬᠠᠩᠬᠠ ᠶᠢᠨ ᠤᠷᠢᠶᠠᠩᠬᠠᠢ᠂ ᠽᠤᠤᠲᠤ ᠤᠷᠢᠶᠠᠩᠬᠠᠢ᠂ ᠵᠦᠭᠳᠡ ᠤᠷᠢᠶᠠᠩᠬᠠᠢ᠂ ᠰᠣᠶᠣᠭᠠ ᠤᠷᠢᠶᠠᠩᠬᠠᠢ᠂ ᠴᠠᠲᠠᠨ ᠤᠷᠢᠶᠠᠩᠬᠠᠢ ᠭᠡᠵᠦ ᠲᠠᠪᠤ ᠬᠤᠪᠢᠶᠠᠵᠤ ᠦᠵᠡᠳᠡᠭ ᠠᠵᠡᠢ᠃
