ᠰᠦᠮᠦᠦ ᠪᠥᠬᠡ ᠶᠢᠨ ᠬᠣᠯᠪᠣᠭᠠᠨ ᠤ ᠶᠣᠺᠣᠽᠦᠨᠠ ᠶᠢᠨ ︵ᠠᠪᠤᠷᠭᠤ ᠶᠢᠨ︶ ᠵᠥᠪᠯᠡᠯ ᠡᠴᠡ ᠶᠡᠬᠡ ᠠᠪᠤᠷᠭᠤ ᠬᠠᠺᠤᠬᠤ᠋ ᠮ∙ᠳᠠᠸᠠᠵᠢᠷᠭᠠᠯ ᠳᠤ ᠰᠢᠢᠳᠭᠡᠯ ᠣᠨᠣᠭᠠᠬᠤ ᠶᠢ ᠡᠭᠦᠷᠭᠡ ᠪᠣᠯᠭᠠᠵᠠᠢ᠃ ᠣᠳᠣ ᠪᠠᠷ ᠲᠡᠭᠦᠨ ᠳᠦ ᠶᠠᠮᠠᠷ ᠰᠢᠢᠳᠭᠡᠯ ᠣᠨᠣᠭᠠᠬᠤ ᠰᠢᠢᠳᠪᠦᠷᠢ ᠭᠠᠷᠤᠭᠠ ᠦᠭᠡᠢ ᠪᠠᠶᠢᠭᠠ ᠠᠵᠠᠢ ᠃ ᠥᠩᠭᠡᠷᠡᠭᠴᠢ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠣᠰᠠᠺᠠ ᠬᠤᠲᠠ ᠳᠤ ᠪᠣᠯᠤᠭᠰᠠᠨ ᠬᠠᠪᠤᠷ ᠤᠨ ᠲᠡᠮᠡᠴᠡᠭᠡᠨ ᠳᠦ ᠶᠡᠬᠡ ᠠᠪᠤᠷᠭᠤ ᠬᠠᠺᠤᠬᠤ᠋ 15 ᠳᠠᠪᠠᠭᠠ ᠲᠠᠢ ᠲᠦᠷᠦᠭᠦᠯᠡᠭᠰᠡᠨ ᠢᠶᠡᠷ 42 ᠳ᠋ᠡᠬᠢ ᠲᠦᠷᠦᠭᠦᠦ ᠪᠡᠨ ᠬᠦᠷᠲᠡᠭᠰᠡᠨ ᠪᠢᠯᠡ᠃
ᠬᠠᠺᠤᠬᠤ᠋ ᠰᠦᠮᠦᠦ ᠶᠢᠨ ᠣᠷᠳᠣᠨ ᠳᠤ ᠴᠤᠭᠯᠠᠭᠰᠠᠨ ᠦᠵᠡᠭᠴᠢᠳ ᠢ ᠠᠯᠠᠭᠠ ᠲᠠᠰᠢᠨ᠂ ᠤᠤᠬᠠᠶᠢᠯᠠᠭᠤᠯᠤᠭᠰᠠᠨ ᠨᠢ ᠰᠢᠢᠳᠭᠡᠯ ᠠᠪᠬᠤ ᠳᠤ ᠬᠦᠷᠭᠡᠵᠡᠢ᠃ ᠶᠣᠺᠣᠽᠦᠨᠠ ᠶᠢᠨ ᠵᠥᠪᠯᠡᠯ ᠡᠴᠡ ︽ᠰᠦᠮᠦᠦ ᠳᠤ ᠡᠶᠢᠮᠦ ᠶᠣᠰᠣᠯᠠᠯ ᠬᠢᠬᠦ ᠶᠣᠰᠣ ᠦᠭᠡᠢ︾ ᠭᠡᠰᠡᠨ ᠲᠠᠶᠢᠯᠪᠤᠷᠢ ᠶᠢ ᠥᠭᠴᠦ ᠤᠯᠠᠮᠵᠢᠯᠠᠯ ᠶᠣᠰᠣ ᠪᠠᠨ ᠬᠠᠳᠠᠭᠠᠯᠠᠵᠤ ᠦᠯᠡᠳᠡᠬᠦ ᠶᠢᠨ ᠲᠤᠯᠠᠳᠠ ᠵᠦᠭᠡᠷ ᠣᠷᠬᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠰᠡᠨ ᠪᠠᠶᠢᠨᠠ᠃
