︽ᠣᠷᠣᠯᠭᠠ ᠪᠠᠨ ᠨᠤᠲᠠᠯᠠ︾ ᠬᠥᠳᠡᠯᠭᠡᠭᠡᠨ ᠦ ᠬᠢᠨ ᠥᠩᠭᠡᠷᠡᠭᠴᠢ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠳᠤ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠵ∙ᠮᠥᠩᠬᠡᠪᠠᠲᠤ᠂ ᠰ∙ᠡᠷᠳᠡᠨᠢ ᠨᠠᠷ ᠢ ᠣᠷᠣᠯᠭᠠ ᠪᠠᠨ ᠨᠣᠲᠠᠯᠠᠬᠤ ᠶᠢ ᠱᠠᠭᠠᠷᠳᠠᠵᠤ ᠪᠠᠶᠢᠭᠰᠠᠨ᠃ ᠡᠨᠡ ᠤᠳᠠᠭᠠ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠪ∙ᠨᠠᠷᠠᠨᠬᠦᠦ᠂ ᠵ ∙ ᠡᠩᠬᠡᠪᠠᠶᠠᠷ ᠨᠠᠷ ᠢ ᠣᠷᠣᠯᠭᠠ ᠪᠠᠨ ᠨᠣᠲᠠᠯᠠᠬᠤ ᠶᠢ ᠱᠠᠭᠠᠷᠳᠠᠵᠤ ᠮᠡᠳᠡᠭᠡᠯᠡᠯ ᠬᠢᠯᠡ᠃
ᠤᠴᠢᠷ ᠨᠢ ᠰᠡᠭᠦᠯ ᠦᠨ ᠲᠠᠪᠤᠨ ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠬᠠᠮᠤᠭ ᠤᠨ ᠶᠡᠬᠡ ᠣᠷᠣᠯᠭᠠ ᠣᠯᠤᠭᠰᠠᠨ ᠭᠡᠰᠢᠭᠦᠨ ᠢᠶᠡᠷ ᠵ∙ᠡᠩᠬᠡᠪᠠᠶᠠᠷ᠂ ᠂ ᠬᠠᠮᠤᠭ ᠤᠨ ᠶᠡᠬᠡ ᠬᠥᠷᠥᠩᠭᠡ ᠲᠡᠢ ᠭᠡᠰᠢᠭᠦᠨ ᠢᠶᠡᠷ ᠪ∙ᠨᠠᠷᠠᠨᠬᠦᠦ ᠲᠣᠳᠣᠷᠠᠭᠰᠠᠨ ᠲᠤᠯᠠ ᠡᠶᠢᠨ ᠬᠦ ᠤᠷᠤᠯᠭᠠ ᠪᠠᠨ ᠨᠣᠲᠠᠯᠠᠬᠤ ᠶᠢ ᠱᠠᠭᠠᠷᠳᠠᠵᠤ ᠪᠤᠢ ᠠᠵᠠᠢ ᠃ ᠵ∙ᠡᠩᠬᠡᠪᠠᠶᠠᠷ 1999 ᠣᠨ ᠳᠤ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠡᠴᠡ ᠬᠣᠶᠢᠰᠢ ᠲᠥᠷᠥ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠳᠤ ᠲᠠᠰᠤᠷᠠᠯᠲᠠ ᠦᠭᠡᠢ ᠠᠵᠢᠯᠯᠠᠭᠰᠠᠨ᠃ ᠭᠡᠲᠡᠯᠡ ᠥᠪᠡᠷ ᠦᠨ ᠣᠷᠣᠯᠭᠠ ᠪᠠᠨ 2015 ᠣᠨ ᠳᠤ 4.2 ᠲᠡᠷᠪᠤᠮ᠂ 2016 ᠣᠨ ᠳᠤ 4.9 ᠲᠡᠷᠪᠤᠮ᠂ 2017 ᠣᠨ ᠳᠤ 2.4 ᠲᠡᠷᠪᠤᠮ ᠬᠡᠮᠡᠨ ᠲᠠᠶᠢᠯᠤᠩᠨᠠᠭᠰᠠᠨ ᠪᠠᠶᠢᠨᠠ᠃ ᠲᠡᠶᠢᠮᠦ ᠡᠴᠡ ᠬᠦᠨᠡᠰᠦᠨ ᠦ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠨᠢᠭᠡᠳᠦᠯ ᠤᠨ ᠬᠢᠨ ᠲᠡᠭᠦᠨ ᠡᠴᠡ᠄ ᠲᠠ ᠲᠥᠷᠥ ᠳᠦ ᠲᠠᠰᠤᠷᠠᠯᠲᠠ ᠦᠭᠡᠢ ᠠᠵᠢᠯᠯᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠢᠽᠢᠨᠧᠰ ᠬᠢᠵᠦ᠂ ᠡᠶᠢᠮᠦ ᠥᠨᠳᠥᠷ ᠣᠷᠣᠯᠭᠠ ᠣᠯᠵᠤ ᠪᠠᠶᠢᠭᠠ ᠨᠢᠭᠤᠴᠠ ᠠᠴᠠ ᠪᠠᠨ ᠪᠢᠳᠡᠨ ᠲᠡᠢ ᠬᠤᠪᠢᠶᠠᠯᠴᠠᠭᠠᠴᠢ ᠭᠡᠰᠡᠨ ᠠᠰᠠᠭᠤᠯᠲᠠ ᠶᠢ ᠲᠠᠯᠪᠢᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃
ᠮᠥᠨ ᠬᠥᠷᠥᠩᠭᠡ ᠪᠡᠷ ᠢᠶᠡᠨ ᠲᠡᠷᠢᠭᠦᠯᠡᠵᠦ ᠪᠠᠶᠢᠭᠠ ᠪ∙ᠨᠠᠷᠠᠨᠬᠦᠦ ᠭᠡᠰᠢᠭᠦᠨ ᠢ 2.5 ᠲᠡᠷᠪᠤᠮ ᠲᠥᠭᠥᠷᠢᠭ ᠦᠨ ᠬᠥᠷᠥᠩᠭᠡ ᠲᠡᠢ᠃ ᠡᠨᠡ ᠬᠡᠮᠵᠢᠶᠡᠨ ᠦ ᠬᠥᠷᠥᠩᠭᠡ ᠪᠡᠨ ᠬᠠᠮᠢᠭᠠ ᠠᠴᠠ ᠣᠯᠤᠭᠰᠠᠨ ᠭᠡᠳᠡᠭ ᠢᠶᠡᠨ ᠨᠣᠲᠠᠯᠠᠬᠤ ᠶᠢ ᠱᠠᠭᠠᠷᠳᠠᠵᠤ ᠪᠠᠶᠢᠨᠠ ᠭᠡᠯᠡ᠃ ᠲᠡᠳᠡ ᠡᠬᠢᠨ ᠦ ᠡᠭᠡᠯᠵᠢᠨ ᠳᠦ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠳ ᠢ ᠣᠷᠣᠯᠭᠠ ᠪᠠᠨ ᠨᠣᠲᠠᠯᠠᠬᠤ ᠶᠢ ᠱᠠᠭᠠᠷᠳᠠᠨᠠ᠃ ᠨᠣᠲᠠᠯᠠᠬᠤ ᠦᠭᠡᠢ ᠪᠣᠯ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠶᠤᠰᠤ ᠵᠦᠢ ᠶᠢᠨ ᠳᠡᠳ᠋ ᠬᠣᠷᠢᠶᠠᠨ ᠳᠤ ᠭᠣᠮᠣᠳᠠᠯ ᠭᠠᠷᠭᠠᠵᠤ ᠰᠢᠯᠭᠠᠭᠤᠯᠬᠤ ᠪᠠᠨ ᠮᠡᠳᠡᠭᠳᠡᠯᠡ᠃