ᠪᠣᠯᠪᠠᠰᠤᠷᠠᠯ ᠰᠤᠶᠤᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠫᠣᠷᠲ ᠤᠨ ᠶᠠᠮᠤᠨ ᠤ ᠰᠤᠶᠤᠯ ᠤᠨ ᠪᠣᠳᠣᠯᠭᠠ ᠶᠢᠨ ᠭᠠᠵᠠᠷ ᠤᠨ ᠠᠬᠠᠯᠠᠬᠤ ᠮᠡᠷᠭᠡᠵᠢᠯᠲᠡᠨ ᠽ∙ᠪᠠᠶᠠᠨᠵᠤᠯᠠ ᠶᠢ ᠮᠣᠩᠭᠣᠯ ᠤᠯᠤᠰ ᠤᠨ ᠵᠡᠪᠰᠡᠭᠲᠦ ᠬᠦᠴᠦᠨ ᠦ 98 ᠵᠢᠯ ᠦᠨ ᠣᠢ ᠶᠢᠨ ᠡᠳᠦᠷ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠵᠠᠷᠯᠢᠭ ᠢᠶᠠᠷ ︽ᠰᠢᠳᠤᠷᠭᠤ ᠵᠢᠷᠤᠮ︾ ᠮᠧᠳᠠᠯ ᠢᠶᠠᠷ ᠱᠠᠩᠨᠠᠯᠠ᠃ ᠲᠡᠷᠡ ᠪᠡᠷ 2015 ᠣᠨ ᠤ ᠳᠣᠯᠣᠳᠤᠭᠠᠷ ᠰᠠᠷᠠ ᠳᠤ ᠤᠪᠰᠤ ᠠᠶᠢᠮᠠᠭ ᠤᠨ ᠤᠯᠠᠭᠠᠨ ᠭᠤᠮ ᠰᠤᠮᠤᠨ ᠳᠤ ᠤᠪᠰᠤ ᠨᠠᠭᠤᠷ ᠤᠨ ᠡᠷᠭᠢ ᠳᠡᠭᠡᠷᠡ ᠠᠮᠠᠷᠠᠵᠤ ᠪᠠᠶᠢᠬᠤ ᠳᠤ ᠪᠠᠨ ᠤᠰᠤᠨ ᠳᠤ ᠵᠢᠪᠴᠦ ᠪᠠᠶᠢᠭᠰᠠᠨ ᠬᠣᠶᠠᠷ ᠥᠬᠢᠨ ᠤ ᠠᠮᠢ ᠨᠠᠰᠤ ᠶᠢ ᠠᠪᠤᠷᠠᠵᠠᠢ᠃
ᠲᠤᠬᠠᠢ ᠶᠢᠨ ᠦᠶᠡ ᠳᠦ ᠮᠠᠰᠢᠨ ᠤ ᠳᠤᠭᠤᠢ ᠶᠢᠨ ᠤᠯᠤᠭᠠᠢ ᠳᠡᠭᠡᠷᠡ ᠬᠦᠪᠦᠨ ᠲᠣᠭᠯᠠᠵᠤ ᠪᠠᠶᠢᠭᠰᠠᠨ ᠬᠣᠶᠠᠷ ᠥᠬᠢᠨ ᠰᠠᠯᠬᠢᠨ ᠳᠤ ᠲᠠᠭᠤᠭᠳᠠᠨ ᠨᠠᠭᠤᠷ ᠤᠨ ᠭᠦᠨᠵᠡᠭᠡᠢ ᠬᠡᠰᠡᠭ ᠲᠦ ᠤᠴᠢᠩᠭᠤᠲᠠ ᠤᠰᠤᠨ ᠳᠤ ᠤᠨᠠᠵᠠᠢ ᠃ ᠣᠶᠢᠷᠠ ᠬᠠᠪᠢ ᠳᠤ ᠰᠡᠯᠢᠵᠦ ᠴᠢᠳᠠᠳᠠᠭ ᠬᠦᠮᠦᠨ ᠪᠠᠶᠢᠭᠠ ᠦᠭᠡᠢ ᠴᠤ ᠽ∙ᠪᠠᠶᠠᠨᠵᠤᠯᠠ ᠰᠠᠮᠪᠠᠭᠠᠴᠢᠯᠠᠨ ᠣᠶᠢᠷᠠ ᠪᠠᠶᠢᠭᠰᠠᠨ ᠠᠦ᠋ᠲ᠋ᠤ᠋ ᠮᠠᠰᠢᠨ ᠤ ᠬᠡᠶᠢᠯᠡᠭᠰᠡᠨ ᠤᠯᠤᠭᠠᠢ ᠶᠢ ᠬᠦᠵᠦᠭᠦᠨ ᠳᠦ ᠪᠡᠨ ᠤᠭᠯᠠᠵᠤ ᠲᠦᠷᠦᠭᠦᠯᠡᠨ ᠤᠰᠤ ᠤᠷᠤᠭᠤ ᠣᠷᠣᠨ 9 ᠍ ᠳᠦᠭᠡᠷ ᠠᠩᠬᠢ ᠶᠢᠨ ᠰᠤᠷᠤᠭᠴᠢ S ᠦᠨ ᠠᠮᠢ ᠶᠢ ᠠᠪᠤᠷᠠᠵᠠᠢ᠃ ᠬᠤᠶᠠᠳᠠᠬᠢ ᠬᠡᠦᠬᠡᠳ ᠢ ᠡᠷᠳᠡᠨᠢᠲᠦ ᠬᠣᠲᠠ ᠶᠢᠨ ᠬᠠᠨ ᠭᠠᠷᠤᠳᠢ ᠰᠫᠣᠷᠲ ᠣᠷᠳᠣᠨ ᠤ ᠳᠠᠷᠤᠭᠠ᠂ ᠦᠨᠳᠦᠰᠦᠨ ᠦ ᠰᠤᠷ ᠤᠨ ᠳᠠᠷᠬᠠᠨ ᠮᠡᠷᠭᠡᠨ᠂ ᠭᠠᠪᠢᠶᠠᠲᠤ ᠲᠠᠮᠢᠷᠴᠢᠨ ᠱ∙ᠳᠠᠸᠠᠬᠦᠦ ᠤᠰᠤᠨ ᠠᠴᠠ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ ᠱ∙ᠳᠠᠸᠠᠬᠦᠦ᠂ ᠽ∙ ᠪᠠᠶᠠᠨᠵᠤᠯᠠ ᠨᠠᠷ ᠨᠢ ᠥᠪᠡᠷ ᠦᠨ ᠠᠮᠢ ᠨᠠᠰᠤ ᠶᠢ ᠦᠯᠦ ᠬᠠᠶᠢᠬᠤᠷᠤᠨ ᠳᠡᠭᠡᠷᠡᠬᠢ ᠬᠣᠶᠠᠷ ᠥᠬᠢᠨ ᠤ ᠠᠮᠠ ᠶᠢ ᠠᠪᠤᠷᠠᠵᠤ ᠢᠷᠭᠡᠨ ᠦ ᠪᠡᠨ ᠡᠭᠦᠷᠭᠡ ᠶᠢ ᠨᠡᠷᠡ ᠲᠥᠷᠥ ᠲᠡᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠲᠤᠯᠠ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠵᠠᠷᠯᠢᠭ ᠢᠶᠠᠷ ︽ᠰᠢᠳᠤᠷᠭᠤ ᠵᠢᠷᠤᠮ︾ ᠮᠧᠳᠠᠯ ᠢᠶᠠᠷ ᠱᠠᠩᠨᠠᠭᠰᠠᠨ ᠢ ᠪᠣᠯᠪᠠᠰᠤᠷᠠᠯ ᠰᠤᠶᠤᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠫᠣᠷᠲ ᠤᠨ ᠶᠠᠮᠤᠨ ᠤ ᠰᠠᠶᠢᠳ ᠥᠴᠥᠭᠡᠳᠦᠷ ᠭᠠᠷᠳᠠᠭᠤᠯᠤᠯᠠ᠃