ᠦᠨᠳᠦᠰᠦᠨ ᠦ ᠠᠶᠤᠯᠭᠦᠢ ᠪᠠᠶᠢᠳᠠᠯ ᠤᠨ ᠵᠥᠪᠯᠡᠯ ᠦᠨ ᠵᠥᠪᠯᠡᠮᠵᠢ ᠶᠢᠨ ᠳᠠᠭᠠᠤ 400 ᠣᠷᠴᠢᠮ ᠵᠦᠪᠰᠢᠶᠡᠷᠡᠯ ᠢ ᠲᠥᠷᠥ ᠳᠦ ᠠᠪᠤᠨᠠ ᠭᠡᠳᠡᠭ ᠮᠡᠳᠡᠭᠡᠯᠡᠯ ᠢ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠠᠴᠠ ᠬᠢᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠲᠠᠯᠠ ᠪᠠᠷ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠶᠢᠨ ᠭᠡᠰᠢᠭᠦᠨ ᠨ∙ᠨᠣᠮᠲᠠᠶᠢᠪᠠᠶᠠᠷ ᠥᠨᠥᠳᠥᠷ ᠰᠡᠳᠬᠦᠯᠴᠢᠳ ᠦᠨ ᠠᠰᠠᠭᠤᠯᠲᠠ ᠳᠤ ᠬᠠᠷᠢᠭᠤᠯᠲᠠ ᠥᠭᠭᠦᠯᠡ᠃
-ᠦᠨᠳᠦᠰᠦᠨ ᠦ ᠠᠶᠤᠯᠭᠦᠢ ᠪᠠᠶᠢᠳᠠᠯ ᠤᠨ ᠵᠥᠪᠯᠡᠯ ᠡᠴᠡ 400 ᠣᠷᠴᠢᠮ ᠵᠦᠪᠰᠢᠶᠡᠷᠡᠯ ᠢ ᠲᠥᠷᠥ ᠳᠦ ᠠᠪᠤᠨᠠ ᠭᠡᠰᠡᠨ ᠵᠥᠪᠯᠡᠮᠵᠢ ᠭᠠᠷᠭᠠᠵᠤ᠂ ᠡᠬᠢᠯᠡᠭᠡᠳ ︽ᠡᠷᠳᠡᠨᠢᠲᠦ︾ ᠂ ᠳᠠᠷᠠᠭᠠ ᠨᠢ ︽ᠴᠠᠭᠠᠨ ᠰᠤᠪᠤᠷᠭᠠ ᠶᠢᠨ ᠣᠷᠳᠣ︾ ᠭᠡᠳᠡᠭ ᠢ ᠣᠨᠴᠠᠯᠠᠭᠰᠠᠨ᠃ ᠡᠭᠦᠨ ᠳᠦ ᠶᠠᠮᠠᠷ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠨᠠ ᠪᠤᠢ ︖
– ᠡᠷᠡᠰᠳᠡᠯ ᠢᠶᠡᠨ ᠥᠪᠡᠷᠰᠡᠳ ᠢᠶᠡᠨ ᠳᠠᠭᠠᠭᠠᠵᠤ᠂ ᠭᠠᠳᠠᠭᠠᠳᠤ ᠶᠢᠨ ᠰᠠᠩᠬᠦᠦ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠠᠴᠠ ᠵᠢᠭᠡᠯᠡ ᠠᠪᠤᠭᠠᠳ ᠥᠪᠡᠷᠰᠡᠳ ᠡᠴᠡ ᠪᠡᠨ ᠨᠡᠮᠡᠵᠦ ᠬᠥᠷᠥᠩᠭᠡ ᠭᠠᠷᠭᠠᠭᠠᠳ ᠬᠢᠭᠰᠡᠨ ᠲᠣᠮᠣᠬᠠᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ︽ ᠴᠠᠭᠠᠨ ᠰᠤᠪᠤᠷᠭᠠ︾ ᠡᠴᠡ ᠥᠭᠡᠷᠡ ᠪᠠᠶᠢᠬᠤ ᠦᠭᠡᠢ᠃ ᠭᠠᠭᠴᠠ ᠪᠠᠶᠢᠭᠠ ᠦᠢᠯᠡᠳᠪᠦᠷᠢ ᠤᠷᠤᠭᠤ ᠳᠠᠭᠠᠷᠢᠵᠤ ᠳᠠᠪᠰᠢᠯᠠᠭᠠᠳ᠂ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠢ ᠵᠣᠭᠰᠣᠭᠠᠨᠠ ᠭᠡᠪᠡᠯ ᠪᠣᠳᠣᠯᠭᠠ ᠶᠢᠨ ᠬᠦᠷᠢᠶᠡᠨ ᠳᠦ ᠥᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ᠃
-ᠣᠳᠣ ᠪᠠᠷ ᠬᠡᠳᠦᠢ ᠬᠡᠮᠵᠢᠶᠡᠨ ᠦ ᠬᠥᠷᠥᠩᠭᠡ ᠣᠷᠣᠭᠤᠯᠤᠯᠲᠠ ᠦᠢᠯᠡᠳᠪᠦᠷᠢ ᠳᠦ ᠣᠷᠣᠭᠤᠯᠤᠭᠠᠳ ᠪᠠᠶᠢᠨᠠ ᠪᠤᠢ ︖
-400 ᠰᠠᠶᠠ ᠭᠠᠷᠤᠢ ᠳ᠋ᠣᠯᠯᠠᠷ ᠤᠨ ᠬᠥᠷᠥᠩᠭᠡ ᠣᠷᠣᠭᠤᠯᠤᠯᠲᠠ ᠬᠢᠭᠰᠡᠨ᠃ ᠡᠨᠡ ᠦᠢᠯᠡᠳᠦᠯ ᠵᠥᠪᠬᠡᠨ ᠨᠢᠭᠡ ᠬᠦᠮᠦᠨ ᠪᠣᠯᠤᠨ ᠺᠣᠮᠫᠠᠨᠢ ᠶᠢᠨ ᠠᠰᠠᠭᠤᠳᠠᠯ ᠪᠢᠰᠢ᠃ ᠭᠠᠳᠠᠭᠠᠳᠤ ᠶᠢᠨ ᠬᠥᠷᠥᠩᠭᠡ ᠣᠷᠣᠭᠤᠯᠤᠭᠴᠢᠳ᠂ ᠪᠠᠩᠬᠢ ᠰᠠᠩᠬᠦᠦ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠠᠩᠬᠠᠷᠤᠯ ᠲᠠᠢ ᠬᠠᠷᠠᠵᠤ ᠪᠠᠶᠢᠭᠠ᠃
ᠪᠢ ᠬᠤᠪᠢ ᠶᠢᠨ ᠺᠣᠮᠫᠠᠨᠢ ᠳᠤ ᠠᠵᠢᠯᠯᠠᠳᠠᠭ ᠦᠭᠡᠢ᠃ ᠡᠨᠳᠡ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠦ ᠪᠡᠨ ᠠᠵᠢᠯ ᠢ ᠬᠢᠵᠦ ᠪᠠᠶᠢᠨᠠ᠃ ᠨᠠᠳᠠ ᠲᠠᠢ ᠬᠠᠮᠢᠶᠠᠷᠤᠯᠲᠠᠢ ᠪᠠᠷ ᠨᠡᠷᠡ ᠴᠣᠬᠣᠭᠠᠳ ᠪᠠᠶᠢᠭᠠ ᠤᠴᠢᠷ ᠠᠯᠪᠠᠨ ᠶᠣᠰᠣᠨ ᠤ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠢᠯᠡᠷᠬᠡᠶᠢᠯᠡᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ᠃ ᠲᠡᠷᠡᠨ ᠡᠴᠡ ᠪᠢᠰᠢ ᠣᠷᠳᠣᠨ ᠳᠤ ᠠᠵᠢᠯᠯᠠᠳᠠᠭ ᠺᠤᠮᠫᠠᠨᠢ ᠶᠢᠨ ᠲᠥᠯᠥᠭᠡᠯᠡᠭᠴᠢ ᠪᠢᠰᠢ᠃
1970-1980 ᠣᠨ ᠳᠤ ᠤᠯᠤᠰ ᠤᠨ ᠲᠥᠰᠥᠪ ᠦᠨ ᠬᠥᠷᠥᠩᠭᠡ ᠣᠷᠣᠭᠤᠯᠤᠯᠲᠠ ᠪᠠᠷ ᠭᠧᠣᠯᠣᠭᠢ ᠶᠢᠨ ᠬᠠᠶᠢᠭᠤᠯ ᠬᠢᠭᠡᠳ ᠶᠠᠮᠠᠷ ᠴᠤ ᠨᠥᠭᠡᠴᠡ ᠣᠯᠵᠤ ᠲᠣᠭᠲᠠᠭᠠᠭᠠ ᠦᠭᠡᠢ ᠃ ᠡᠷᠦᠳᠡᠰᠦ ᠪᠠᠶᠠᠯᠢᠭ ᠤᠨ ᠵᠥᠪᠯᠡᠯ ᠢᠶᠡᠷ ᠲᠡᠷᠡ ᠨᠢ ᠣᠷᠣᠭᠰᠠᠨ ᠴᠤ ᠤᠷᠳᠤ ᠳᠤ ᠪᠦᠷᠢᠳᠬᠡᠵᠦ ᠠᠪᠤᠭᠠ ᠦᠭᠡᠢ᠃ ᠳᠠᠷᠠᠭᠠ ᠨᠢ 1990 ᠣᠨ ᠠᠴᠠ ᠬᠣᠶᠢᠰᠢ ᠠᠦᠢᠰᠲᠷᠠᠯᠢᠶᠠ ᠶᠢᠨ ᠺᠣᠮᠫᠠᠨᠢ ᠵᠦᠪᠰᠢᠶᠡᠷᠡᠯ ᠢ ᠨᠢ ᠠᠪᠤᠭᠠᠳ ᠬᠠᠶᠢᠭᠤᠯ ᠬᠢᠭᠰᠡᠨ ᠴᠤ ᠮᠥᠨ ᠯᠠ ᠶᠠᠭᠤ ᠴᠤ ᠣᠯᠤᠭᠠ ᠦᠭᠡᠢ ᠪᠠᠶᠢᠳᠠᠭ᠃ ᠲᠤᠬᠠᠢ ᠶᠢᠨ ᠠᠦᠢᠰᠲᠷᠠᠯᠢᠶᠠ ᠶᠢᠨ ᠺᠣᠮᠫᠠᠨᠢ ᠠᠴᠠ ᠮᠣᠩᠭᠣᠯ ᠠᠯᠲᠠ ᠺᠤᠷᠫᠤᠷᠠᠼ ᠺᠣᠮᠫᠠᠨᠢ ᠠᠪᠴᠤ ᠬᠠᠶᠢᠭᠤᠯ ᠬᠢᠭᠡᠳ ᠣᠷᠳᠣ ᠢᠯᠡᠷᠡᠭᠦᠯᠦᠭᠰᠡᠨ᠃
– ᠲᠠᠨ ᠢ ᠶᠡᠷᠦᠩᠬᠡᠢ ᠰᠠᠶᠢᠳ ᠲᠠᠢ ᠠᠭᠤᠯᠵᠠᠭᠰᠠᠨ ᠭᠡᠬᠦ ᠰᠤᠷᠠᠭ ᠪᠤᠢ᠃
-ᠣᠭᠲᠣ ᠠᠭᠤᠯᠵᠠᠭᠠ ᠦᠭᠡᠢ᠃ ᠪᠢ ᠬᠦᠯᠢᠴᠡᠩᠭᠦᠢ᠂ ᠨᠣᠮᠣᠢ ᠶᠠᠪᠤᠵᠤ ᠢᠷᠡᠭᠰᠡᠨ ᠪᠣᠯ ᠡᠶᠢᠮᠦ ᠵᠦᠢᠯ ᠪᠣᠯᠬᠤ ᠦᠭᠡᠢ ᠪᠠᠶᠢᠬᠤ ᠪᠠᠶᠢᠭᠰᠠᠨ᠃ ᠲᠡᠭᠡᠯᠡ ᠭᠡᠳ ᠪᠢ ᠬᠣᠨᠢ ᠰᠢᠭ᠋ ᠶᠠᠪᠤᠵᠤ ᠴᠢᠳᠠᠬᠤ ᠦᠭᠡᠢ᠃ ᠬᠡᠷᠪᠡ ᠺᠤᠮᠮᠤᠨᠢᠰᠮ ᠢᠶᠡᠨ ᠪᠠᠶᠢᠭᠤᠯᠬᠤ ᠭᠡᠵᠦ ᠪᠠᠶᠢᠭᠠ ᠪᠣᠯ ᠮᠣᠩᠭᠣᠯ ᠤᠨ ᠲᠥᠷᠥ ᠳᠦ ᠠᠵᠢᠯᠯᠠᠵᠤ᠂ ᠵᠢᠳᠬᠦᠬᠦ ᠱᠠᠭᠠᠷᠳᠠᠯᠭᠠ ᠠᠯᠠᠭᠠ᠃
