ᠲᠡᠦᠬᠡ ᠰᠤᠶᠤᠯ ᠤᠨ ᠬᠥᠳᠡᠯᠬᠦ ᠥᠪ ᠦᠨ ᠤᠯᠤᠰ ᠤᠨ ᠦᠵᠡᠯᠭᠡ᠂ ᠲᠣᠭᠠᠯᠠᠯᠭᠠ ᠶᠢ ᠥᠪᠦᠷᠬᠠᠩᠭᠠᠢ ᠠᠶᠢᠮᠠᠭ ᠲᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃ ᠲᠣᠭᠠᠯᠠᠯᠭᠠ ᠳᠤ ᠡᠷᠳᠡᠨᠢᠵᠤᠤ ᠮᠦᠽᠧᠢ᠂ ᠠᠶᠢᠮᠠᠭ ᠤᠨ ᠮᠦᠽᠧᠢ᠂ 18 ᠰᠤᠮᠤ ᠶᠢᠨ ᠣᠷᠣᠨ ᠨᠤᠲᠤᠭ ᠰᠤᠳᠤᠯᠬᠤ ᠲᠠᠩᠬᠢᠮ ᠪᠣᠯᠤᠨ ᠱᠠᠩᠬᠤ ᠶᠢᠨ ᠪᠠᠷᠠᠭᠤᠨ ᠬᠦᠷᠢᠶᠡ᠂ ᠲᠥᠪᠬᠡᠨ ᠬᠡᠶᠢᠳ ᠦᠨ ᠰᠤᠶᠤᠯ ᠤᠨ ᠥᠪ᠂ ᠦᠵᠡᠮᠦᠷᠢ ᠡᠳ᠋ ᠥᠯᠥᠭ ᠦᠨ ᠵᠦᠢᠯ ᠢ ᠬᠠᠮᠤᠷᠤᠭᠤᠯᠬᠤ ᠶᠤᠮ᠃ ᠣᠳᠣ ᠪᠠᠷ ᠪᠦᠷᠢᠳᠤ ᠂ ᠶᠢᠰᠦᠨᠵᠦᠢᠯ᠂ ᠥᠯᠵᠡᠶᠢᠲᠦ᠂ ᠪᠠᠶᠠᠨ-ᠥᠨᠳᠥᠷ᠂ ᠰᠠᠩᠲᠤ᠂ ᠪᠠᠶᠠᠩᠭᠤᠤᠯ᠂ ᠲᠥᠭᠥᠷᠢᠭ᠂ ᠭᠤᠴᠢᠨ-ᠤᠰᠤ᠂ ᠪᠣᠭᠳᠠ᠂ ᠪᠠᠷᠠᠭᠤᠨᠪᠠᠶᠠᠨ-ᠤᠯᠠᠭᠠᠨ᠂ ᠨᠠᠷᠢᠨᠲ᠋ᠡᠭᠡᠯ᠂ ᠬᠠᠶᠢᠷᠬᠠᠨᠳᠤᠯᠠᠭᠠᠨ᠂ ᠤᠶᠠᠩᠭᠠ᠂ ᠲᠠᠷᠠᠭᠲᠤ ᠰᠤᠮᠤ ᠶᠢᠨ ᠣᠷᠣᠨ ᠨᠤᠲᠤᠭ ᠰᠤᠳᠤᠯᠬᠤ ᠲᠠᠩᠬᠢᠮ ᠤᠨ ᠡᠳ᠋ ᠵᠦᠢᠯ ᠢ ᠲᠣᠭᠠᠯᠠᠭᠠᠳ ᠪᠠᠶᠢᠭᠠ ᠪᠠ ᠰᠤᠮᠤᠳ ᠤᠨ ᠵᠠᠰᠠᠭ ᠳᠠᠷᠤᠭᠠ᠂ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠤᠯᠤᠰ ᠤᠨ ᠪᠠᠶᠢᠴᠠᠭᠠᠭᠴᠢᠳ ᠬᠢᠨᠠᠯᠲᠠ ᠲᠠᠯᠪᠢᠨ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃
ᠲᠡᠦᠬᠡ ᠰᠤᠶᠤᠯ ᠤᠨ ᠬᠥᠳᠡᠯᠬᠦ ᠥᠪ ᠦᠨ ᠤᠯᠤᠰ ᠤᠨ ᠦᠵᠡᠯᠭᠡ ᠲᠣᠭᠠᠯᠠᠯᠭᠠ ᠶᠢ ᠳᠥᠷᠪᠡᠨ ᠵᠢᠯ ᠲᠤᠲᠤᠮ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠠᠷ ︽ᠰᠤᠶᠤᠯ ᠤᠨ ᠥᠪ ᠢ ᠬᠠᠮᠠᠭᠠᠯᠠᠬᠤ ᠲᠤᠬᠠᠢ︾ ᠬᠠᠤᠯᠢ ᠳᠤ ᠲᠤᠰᠬᠠᠭᠰᠠᠨ ᠪᠠᠶᠢᠳᠠᠭ ᠪᠥᠭᠡᠳ ᠢᠩᠭᠢᠭᠰᠡᠨ ᠢᠶᠡᠷ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠦ ᠲᠡᠦᠬᠡ ᠰᠤᠶᠤᠯ ᠤᠨ ᠬᠥᠳᠡᠯᠬᠦ ᠳᠤᠷᠠᠰᠬᠠᠯ ᠤᠨ ᠨᠢᠭᠡᠳᠦᠭᠰᠡᠨ ᠪᠦᠷᠢᠳᠬᠡᠯ ᠮᠡᠳᠡᠭᠡᠯᠡᠯ ᠦᠨ ᠰᠠᠩ ᠪᠥᠷᠢᠳᠴᠦ ᠪᠤᠢ ᠶᠤᠮ᠃
