ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠭᠡᠷ ᠪᠦᠯᠢ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠤᠨ ᠬᠥᠭᠵᠢᠯ ᠦᠨ ᠭᠠᠵᠠᠷ ᠤᠨ ᠳᠡᠷᠭᠡᠳᠡᠬᠢ ︽ᠮᠠᠵᠠᠭᠠᠯᠠᠢ︾ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠤᠨ ᠲᠢᠶᠠᠲ᠋ᠷ ᠤᠨ ᠰᠢᠨᠡ ᠤᠷᠠᠨ ᠪᠦᠲᠦᠭᠡᠯ ︽ᠨᠠᠷᠠ ᠬᠦᠰᠡᠭᠰᠡᠨ ᠢᠷᠭᠤᠢ︾ ᠤᠶᠠᠩᠭᠠ ᠶᠢᠨ ᠳ᠋ᠷᠠᠮ ᠤᠨ ᠵᠦᠴᠦᠭᠡ ᠶᠢ ᠠᠮᠵᠢᠯᠲᠠ ᠲᠠᠢ ᠲᠣᠭᠯᠠᠯᠠ᠃ ᠲᠥᠯᠥᠪᠯᠡᠭᠡ ᠦᠭᠡᠢ ᠭᠡᠷ ᠪᠦᠯᠢ ᠶᠢᠨ ᠬᠣᠣᠷ ᠤᠷᠰᠢᠭ᠂ ᠭᠡᠷ ᠪᠦᠯᠢ ᠶᠢᠨ ᠦᠨᠡ ᠴᠡᠨᠡ ᠶᠢ ᠣᠶᠢᠯᠠᠭᠠᠭᠤᠯᠬᠤ ᠵᠣᠷᠢᠯᠭᠠ ᠲᠠᠢ ᠡᠨᠡᠬᠦ ᠵᠦᠵᠦᠭᠡ ᠶᠢᠨ ᠵᠣᠬᠢᠶᠠᠯ ᠢ ᠪᠢᠴᠢᠭᠰᠡᠨ ᠬᠡᠮᠡᠨ ᠲᠤᠰ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯᠴᠢ᠂ ᠠᠶᠢᠮᠠᠭ ᠤᠨ ᠭᠡᠷ ᠪᠦᠯᠢ᠂ ᠬᠡᠦᠬᠡᠳ᠂ ᠵᠠᠯᠠᠭᠤᠴᠤᠳ ᠤᠨ ᠬᠥᠭᠵᠢᠯ ᠦᠨ ᠭᠠᠵᠠᠷ ᠤᠨ ᠳᠠᠷᠤᠭᠠ ᠰ∙ᠪᠣᠯᠣᠷᠮᠠ ᠣᠨᠴᠠᠯᠠᠯᠠ᠃ ᠵᠦᠴᠦᠭᠡ ᠶᠢᠨ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠨ᠂ ᠪᠠᠰᠠᠩᠵᠢᠷᠭᠠᠯ᠂ ᠭᠣᠣᠯ ᠳᠦᠷᠢ ᠳᠦ ᠵᠦᠴᠦᠭᠡᠴᠢᠨ ᠨ∙ᠣᠳᠣᠨᠪᠠᠭᠠᠲᠤᠷ᠂ ᠵᠦᠴᠦᠭᠡᠴᠢᠨ ᠠ᠊∙ᠰᠠᠷᠠᠨᠲᠤᠶᠠᠭᠠ᠂ ᠵᠦᠴᠦᠭᠡᠴᠢᠨ ᠰ∙ᠰᠤᠪᠤᠳᠮᠠ᠂ ᠵᠦᠴᠦᠭᠡᠴᠢᠨ ᠪ∙ᠠᠳ᠋ᠢᠶᠠ ᠨᠠᠷ ᠲᠣᠭᠯᠠᠵᠠᠢ᠃
︽ᠨᠠᠷᠠ ᠬᠦᠰᠡᠭᠰᠡᠨ ᠢᠷᠭᠤᠢ︾ ᠤᠶᠠᠩᠭᠠ ᠶᠢᠨ ᠳ᠋ᠷᠠᠮ ᠤᠨ ᠵᠦᠵᠦᠭᠡ ᠨᠢ ︽ᠮᠠᠵᠠᠭᠠᠯᠠᠢ︾ ᠲᠢᠶᠠᠲ᠋ᠷ ᠤᠨ ᠳᠦᠷᠪᠡᠳᠡᠬᠢ ᠤᠷᠠᠨ ᠪᠦᠲᠦᠭᠡᠯ ᠪᠥᠭᠡᠳ ᠡᠮᠦᠨᠡ ᠨᠢ ︽ᠡᠵᠢ ᠡ︾᠂ ︽ᠠᠯᠲᠠᠨ ᠬᠥᠷᠰᠢ︾᠂ ︽ᠰᠢᠳᠢᠲᠦ ᠳᠡᠷᠡ︾ ᠵᠦᠵᠦᠭᠡ ᠨᠦᠭᠦᠳ ᠲᠠᠶᠢᠰᠠᠨᠠ ᠲᠠᠯᠪᠢᠭᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠤᠭ ᠵᠦᠴᠦᠭᠡ ᠨᠢ ᠰᠢᠨᠡ ᠳᠠᠭᠤᠤ᠂ ᠰᠢᠨᠡ ᠺᠯᠢᠫ ᠲᠡᠢ ᠪᠣᠯᠵᠤ ᠦᠵᠡᠭᠴᠢᠳ ᠦᠨ ᠬᠦᠷᠲᠡᠭᠡᠯ ᠪᠣᠯᠤᠭᠰᠠᠨ᠂ ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠠᠴᠠ ᠲᠥᠷᠥᠨ ᠭᠠᠷᠤᠭᠰᠠᠨ ᠰᠢᠨᠡ ᠵᠠᠯᠠᠭᠤ ᠵᠦᠴᠦᠭᠡᠴᠢᠳ ᠢ ᠲᠤᠭᠯᠠᠭᠤᠯᠤᠭᠰᠠᠨ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭ ᠲᠠᠢ ᠶᠤᠮ᠃
