ᠪᠠᠶᠠᠨᠬᠣᠩᠭᠣᠷ ᠠᠶᠢᠮᠠᠭ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠡᠷᠬᠢᠯᠡᠵᠦ ᠪᠤᠢ ᠢᠷᠭᠡᠳ᠂ ᠪᠦᠯᠦᠭ ᠨᠥᠬᠥᠷᠯᠡᠯ᠂ ᠠᠵᠤ ᠠᠬᠤᠢ ᠶᠢᠨ ᠨᠢᠭᠡᠴᠡ ᠳᠦ 10 ᠰᠠᠶᠠ ᠲᠥᠭᠥᠷᠢᠭ ᠬᠦᠷᠲᠡᠯᠡᠬᠢ ᠰᠠᠩᠬᠦᠦ ᠶᠢᠨ ᠳᠡᠮᠵᠢᠯᠭᠡ ᠣᠯᠭᠣᠬᠤ ᠵᠣᠷᠢᠯᠭᠠ ᠪᠦᠬᠦᠢ ︽ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠬᠥᠷᠥᠩᠭᠡ ᠣᠷᠣᠭᠤᠯᠤᠯᠲᠠ ᠶᠢᠨ ᠲᠤᠰᠬᠠᠢ ᠰᠠᠩ︾᠍ ᠢ ᠪᠠᠶᠢᠭᠤᠯᠤᠭᠰᠠᠨ᠃
ᠲᠤᠰ ᠰᠠᠩ ᠲᠥᠰᠥᠯ ᠦᠨ ᠤᠷᠤᠯᠳᠤᠭᠠᠨ ᠵᠠᠷᠯᠠᠵᠤ 16 ᠲᠥᠰᠥᠯ ᠡᠴᠡ ᠨᠡᠷᠡ ᠪᠦᠬᠦᠢ ᠲᠥᠰᠥᠯ ᠦᠳ ᠢ ᠰᠢᠯᠭᠠᠷᠠᠭᠤᠯᠵᠤ ᠂ ᠬᠦᠦ ᠦᠭᠡᠢ ᠪᠣᠯᠤᠨ ᠡᠷᠭᠢᠨ ᠲᠥᠯᠦᠯᠲᠡ ᠦᠭᠡᠢ ᠰᠠᠩᠬᠦᠦᠵᠢᠯᠲᠡ ᠣᠯᠭᠤᠵᠤ ᠪᠠᠶᠢᠭᠠ ᠶᠤᠮ᠃ ᠭᠡᠬᠦ ᠳᠦ ᠪᠡᠨ ᠣᠯᠠᠨ ᠤᠯᠤᠰ ᠤᠨ ᠲᠥᠰᠥᠯ ᠬᠥᠲᠥᠯᠪᠦᠷᠢ ᠶᠢᠨ ᠵᠢᠭᠠᠪᠤᠷᠢ ᠵᠢᠷᠤᠮ ᠤᠨ ᠬᠦᠷᠢᠶᠡᠨ ᠳᠦ ᠲᠥᠰᠥᠯ ᠦᠨ ᠬᠡᠷᠡᠭᠵᠢᠯᠲᠡ ᠳᠦ ᠮᠠᠰᠢ ᠨᠠᠷᠢᠨ ᠬᠢᠨᠠᠯᠲᠠ ᠶᠢ ᠮᠡᠷᠭᠡᠵᠢᠯ ᠦᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠲᠠᠯᠪᠢᠬᠤ ᠪᠠ ᠲᠥᠰᠥᠯ ᠦᠨ ᠰᠠᠩᠬᠦᠦᠵᠢᠯᠲᠡ ᠶᠢ ᠮᠥᠩᠭᠥᠨ ᠬᠡᠯᠪᠡᠷᠢ ᠪᠡᠷ ᠪᠤᠰᠤ ᠲᠥᠰᠥᠯ ᠳᠦ ᠪᠢᠴᠢᠭᠰᠡᠨ ᠱᠠᠭᠠᠷᠳᠠᠭᠳᠠᠬᠤ ᠮᠠᠲ᠋ᠧᠷᠢᠶᠠᠯ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠶᠢ ᠨᠡᠶᠢᠯᠡᠭᠦᠯᠬᠦ ᠶᠤᠮ ᠪᠠᠶᠢᠨᠠ᠃ ᠡᠶᠢᠨ ᠬᠦ ᠡᠨᠡ ᠣᠨ ᠳᠤ ᠪᠠᠶᠠᠨᠬᠣᠩᠭᠣᠷ ᠠᠶᠢᠮᠠᠭ ᠲᠤ ︽ ᠥᠪ ᠤᠷᠠᠯᠠᠯ᠂ ᠭᠠᠷ ᠤᠷᠠᠯᠠᠯ︾᠂ ︽ᠪᠠᠶᠠᠨᠬᠣᠩᠭᠣᠷ ᠲᠤ ᠦᠢᠯᠡᠳᠪᠦᠷᠢᠯᠡᠪᠡ︾ ᠂ ︽ ᠦᠵᠡᠮᠦᠷᠢ ᠪᠦᠬᠦᠢ ᠵᠣᠭᠣᠭ ᠤᠨ ᠥᠷᠭᠥᠭᠡ︾᠂ ︽ ᠮᠠᠨᠳᠤᠬᠠᠢ ᠵᠢᠭᠤᠯᠴᠢᠨ ᠤ ᠪᠠᠭᠠᠽ︾ ᠂ ︽ ᠳᠥᠰᠢ ᠨᠥᠬᠥᠷᠯᠡᠯ ︾᠂ ︽ᠰᠢᠷᠭᠠᠯ ᠵᠤᠤᠲᠤ ᠰᠠᠷᠯᠤᠭ ᠤᠨ ᠪᠤᠶᠠᠨ ︾᠂ ︽ ᠮᠣᠷᠢᠲᠠᠨ ᠮᠣᠩᠭᠣᠯ︾᠂ ︽ ᠣᠷᠣᠭ ᠨᠠᠭᠤᠷ᠂ ᠪᠣᠭᠳᠠ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠲᠥᠰᠥᠯ︾ ᠂ ︽ᠭᠠᠩᠪᠠᠶᠢᠭᠠᠯᠢ ︾ ᠨᠡᠷᠡ ᠲᠡᠢ ᠶᠢᠰᠦᠨ ᠲᠥᠰᠥᠯ ᠬᠡᠷᠡᠭᠵᠢᠬᠦ ᠪᠡᠷ ᠪᠣᠯᠤᠯᠠ᠃
