ᠴᠢᠩᠭᠢᠽ ᠠᠶᠢᠲᠮᠠᠲ᠋ᠤᠪ ᠤᠨ ᠥᠭᠦᠯᠡᠯᠭᠡ᠂ ᠶᠸᠯᠢᠨᠠ ᠪᠠᠷᠠᠨᠴᠢᠺᠣᠸᠠ ᠶᠢᠨ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯ ᠢᠶᠠᠷ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠴᠢᠩᠭᠢᠰ ᠬᠠᠭᠠᠨ ᠤ ᠴᠠᠭᠠᠨ ᠡᠭᠦᠯᠡ︾ ᠵᠦᠴᠦᠭᠡ ᠶᠢᠨ ᠨᠡᠭᠡᠭᠡᠯᠲᠡ ᠶᠢᠨ ᠲᠣᠭᠯᠠᠯᠲᠠ ᠣᠷᠣᠰ ᠤᠨ ᠨᠢᠭᠡᠨ ᠳ᠋ᠷᠠᠮ ᠤᠨ ᠲᠢᠶᠠᠲ᠋ᠷ ᠤᠨ ᠲᠠᠶᠢᠰᠠᠨᠠ 2019 ᠣᠨ ᠤ 02 ᠳ᠋ᠤᠭᠠᠷ ᠰᠠᠷᠠ ᠶᠢᠨ 21 ᠦ ᠡᠳᠦᠷ ᠪᠣᠯᠪᠠ᠃ ᠬᠦᠴᠦ ᠴᠢᠳᠠᠯ᠂ ᠬᠠᠶᠢᠷᠠ ᠳᠤᠷᠠᠯᠠᠯ᠂ ᠨᠥᠬᠥᠷᠯᠡᠯ᠂ ᠴᠢᠩᠳᠠ ᠰᠠᠬᠢᠯᠭᠠ ᠪᠠᠲᠤ᠂ ᠳᠢᠭ ᠵᠢᠷᠤᠮ ᠤᠨ ᠲᠤᠬᠠᠢ ᠦᠭᠦᠯᠡᠭᠰᠡᠨ ᠡᠨᠡᠬᠦ ᠵᠦᠴᠦᠭᠡ ᠶᠢᠨ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠢ ᠶᠢ ᠣᠷᠣᠰ ᠤᠨ ᠠᠷᠠᠳ ᠤᠨ ᠵᠦᠴᠦᠭᠡᠴᠢᠨ ᠬᠤᠷᠠᠮ ᠳᠤᠯᠠᠯ ᠬᠤᠷᠮᠠᠲ᠋ᠤᠯᠯᠠ ᠤᠲᠶᠠᠱᠸᠪ ᠂ ᠪᠥᠷᠲᠡ ᠬᠠᠲᠤᠨ ᠤ ᠳᠦᠷᠢ ᠶᠢ ᠣᠷᠣᠰ ᠤᠨ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ ᠡᠯᠢᠸᠢᠷᠠ ᠶᠤᠨᠤᠰᠤᠸᠠ ᠪᠦᠲᠦᠭᠡᠵᠡᠢ᠃
ᠵᠦᠴᠦᠭᠡ ᠶᠢᠨ ᠨᠡᠭᠡᠭᠡᠯᠲᠡ ᠳᠦ ᠮᠣᠩᠭᠣᠯ ᠤᠯᠤᠰ ᠠᠴᠠ ᠣᠷᠣᠰ ᠬᠣᠯᠪᠣᠭᠠᠨ ᠤ ᠤᠯᠤᠰ ᠲᠤ ᠰᠠᠭᠤᠭᠠ ᠣᠨᠴᠠ ᠪᠥᠭᠡᠳ ᠪᠦᠷᠢᠨ ᠡᠷᠬᠡᠲᠦ ᠡᠯᠴᠢᠨ ᠰᠠᠶᠢᠳ ᠪ∙ᠳᠡᠯᠭᠡᠷᠮᠠ ᠶᠢ ᠵᠣᠬᠢᠶᠠᠯᠴᠢ ᠪᠣᠯᠤᠨ ᠲᠢᠶᠠᠲ᠋ᠷ ᠤᠨ ᠤᠳᠤᠷᠢᠳᠤᠯᠭᠠ ᠠᠴᠠ ᠤᠷᠢᠭᠰᠠᠨ ᠪᠥᠭᠡᠳ ᠲᠡᠭᠦᠨ ᠢ ᠲᠥᠯᠦᠭᠡᠯᠡᠵᠦ᠂ ᠲᠤᠰ ᠶᠠᠮᠤᠨ ᠤ ᠨᠢᠭᠡᠳᠦᠭᠡᠷ ᠨᠠᠷᠢᠨ ᠪᠢᠴᠢᠭ ᠦᠨ ᠳᠠᠷᠤᠭᠠ ᠵ∙ᠪᠠᠶᠠᠷᠬᠦᠦ ᠤᠷᠤᠯᠴᠠᠪᠠ᠃