ᠮᠣᠩᠭᠣᠯ ᠤᠨ ᠪᠤᠷᠬᠠᠨ ᠱᠠᠰᠢᠨᠲᠠᠨ ᠤ ᠲᠥᠪ ᠭᠠᠨᠳᠠᠩᠳᠡᠭᠴᠢᠯᠡᠨ ᠬᠡᠶᠢᠳ ᠨᠢ ᠰᠠᠷᠠ ᠰᠢᠨᠡ ᠶᠢᠨ ᠪᠠᠶᠠᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠡᠬᠡ ᠣᠷᠣᠨ ᠳᠤ ᠪᠠᠨ ᠪᠣᠯᠤᠨ ᠬᠢᠯᠢ ᠶᠢᠨ ᠴᠢᠨᠠᠳᠤ ᠳᠤ ᠣᠷᠣᠰᠢᠨ ᠰᠠᠭᠤᠭᠠ ᠰᠦᠰᠦᠭᠲᠡᠨ ᠣᠯᠠᠨ ᠤ ᠬᠦᠰᠡᠯᠲᠡ ᠶᠢᠨ ᠳᠠᠭᠠᠤ ᠨᠢᠭᠡᠨ ᠰᠢᠨᠡ ᠦᠢᠯᠡᠴᠢᠯᠡᠭᠡ ᠶᠢ ᠠᠩᠬᠠ ᠤᠳᠠᠭᠠ ᠨᠡᠪᠲᠡᠷᠡᠭᠦᠯᠵᠡᠢ᠃ ᠡᠨᠡ ᠪᠣᠯ ︽ᠴᠠᠬᠢᠮ ᠨᠣᠮ ᠠᠶᠢᠯᠠᠳᠬᠠᠯ︾ ᠶᠤᠮ᠃
ᠡᠨᠡᠬᠦ ᠦᠢᠯᠡᠴᠢᠯᠡᠭᠡᠨ ᠦ ᠭᠣᠣᠯ ᠳᠠᠪᠠᠭᠤ ᠲᠠᠯᠠ ᠨᠢ ᠵᠢᠯ ᠦᠨ ᠵᠠᠰᠠᠯ ᠨᠣᠮ ᠢᠶᠠᠨ ᠬᠢᠯᠭᠡᠬᠦ ᠭᠡᠵᠦ ᠪᠤᠢ ᠢᠷᠭᠡᠳ ᠲᠦ ᠲᠦᠷᠭᠡᠨ ᠰᠢᠭᠤᠷᠬᠠᠢ᠂ ᠬᠦᠷᠲᠡᠭᠡᠮᠵᠢᠲᠡᠢ ᠦᠢᠯᠡᠴᠢᠯᠡᠬᠦ ᠵᠣᠷᠢᠯᠭᠠ ᠲᠠᠢ ᠪᠥᠭᠡᠳ ᠢᠨᠲᠸᠷᠨᠧᠲ ᠠᠰᠢᠭᠯᠠᠨ ᠭᠡᠷ ᠡᠴᠡ ᠪᠡᠨ ᠵᠠᠰᠠᠯ ᠨᠣᠮ ᠢᠶᠠᠨ ᠪᠢᠴᠢᠭᠦᠯᠬᠦ ᠪᠣᠯᠤᠮᠵᠢ ᠶᠢ ᠣᠯᠭᠤᠵᠤ ᠪᠠᠶᠢᠭᠠ ᠪᠠᠷ ᠢᠶᠠᠨ ᠳᠠᠪᠠᠭᠤ ᠲᠠᠯᠠ ᠲᠠᠢ ᠠᠵᠡᠢ᠃ ᠥᠪᠡᠷ ᠦᠨ ᠪᠡᠶᠡ ᠪᠡᠷ ᠪᠣᠯᠤᠨ ᠴᠠᠬᠢᠮ ᠬᠡᠯᠪᠡᠷᠢ ᠪᠡᠷ ᠨᠣᠮ ᠪᠢᠴᠢᠭᠦᠯᠬᠦ ᠨᠢ ᠪᠤᠶᠠᠨ ᠤ ᠦᠢᠯᠡ ᠳᠦ ᠣᠭᠲᠣ ᠢᠯᠭᠠᠭᠠ ᠦᠭᠡᠢ ᠪᠥᠭᠡᠳ ᠬᠠᠷᠢᠨ ᠰᠦᠰᠦᠭᠯᠡᠬᠦ᠂ ᠡᠰᠡ ᠰᠦᠰᠦᠭᠯᠡᠬᠦ ᠨᠢ ᠰᠦᠰᠦᠭᠲᠡᠨ ᠲᠠᠨ ᠠᠴᠠ ᠰᠢᠯᠲᠠᠭᠠᠯᠠᠬᠤ ᠠᠵᠠᠢ᠃ ᠲᠡᠶᠢᠮᠦ ᠤᠴᠢᠷ ᠠᠴᠠ ᠰᠡᠳᠬᠢᠯ ᠳᠦ ᠪᠡᠨ ᠰᠦᠰᠦᠭᠯᠡᠵᠦ ᠴᠢᠳᠠᠪᠠᠯ ᠲᠠᠨ ᠤ ᠣᠷᠣᠰᠢᠨ ᠪᠤᠢ ᠭᠠᠵᠠᠷ᠂ ᠣᠷᠣᠨ ᠬᠣᠯᠠᠳᠠᠬᠤ ᠦᠭᠡᠢ᠂ ᠪᠤᠶᠠᠨ ᠬᠤᠷᠠᠨ ᠴᠢᠭᠤᠯᠤᠨᠠ ᠬᠡᠮᠡᠨ ᠰᠤᠳᠤᠷ ᠨᠣᠮ ᠳᠤ ᠠᠶᠢᠯᠠᠳᠴᠠᠢ᠃