ᠰᠡᠯᠡᠩᠭᠡ ᠠᠶᠢᠮᠠᠭ ᠤᠨ ᠰᠦᠬᠡᠪᠠᠭᠠᠲᠤᠷ ᠰᠤᠮᠤ ᠶᠢᠨ ᠤᠤᠭᠠᠯ᠂ ᠰᠫᠣᠷᠲ ᠤᠨ ᠮᠠᠰᠲ᠋ᠸᠷ ᠳ∙ᠡᠷᠳᠡᠨᠢᠪᠠᠲᠤ ᠶᠢᠨ ᠨᠡᠷᠡᠮᠵᠢᠲᠦ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠳ ᠦᠨ 2019 ᠣᠨ ᠤ ᠮᠣᠩᠭᠣᠯ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠡᠨᠡ ᠰᠠᠷ᠎ᠠ ᠶᠢᠨ 7- 9 ᠍ ᠦ ᠡᠳᠦᠷ ᠦᠳ ᠲᠦ ᠪᠣᠯᠵᠤ ᠥᠨᠳᠥᠷᠯᠡᠯ᠎ᠡ᠃
ᠲᠡᠮᠡᠴᠡᠭᠡᠨ ᠦ ᠰᠡᠭᠦᠯ ᠦᠨ ᠡᠳᠦᠷ +100 ᠺᠢᠯᠦᠭᠷᠡᠮ ᠦᠨ ᠵᠢᠩ ᠳᠦ ᠣᠯᠠᠨ ᠰᠢᠯᠢᠳᠡᠭ ᠪᠥᠬᠡᠴᠦᠳ ᠥᠷᠢᠰᠦᠯᠳᠦᠭᠰᠡᠨ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ ᠥ᠊∙ᠳᠦᠭᠦᠷᠡᠩᠪᠠᠶᠠᠷ᠂ ᠪ∙ᠲᠡᠮᠡᠦᠯᠦᠨ᠂ ᠪ∙ᠰᠤᠭᠠᠷᠵᠢᠷᠭᠠᠯ᠂ ᠪ∙ᠥᠨᠢᠷᠵᠢᠷᠭᠠᠯ᠂ ᠳ∙ᠫᠦᠷᠪᠦᠳᠣᠷᠵᠢ᠂ ᠬ∙ᠴᠤᠭᠲᠤᠭᠡᠷᠠᠯ ᠨᠠᠷ ᠤᠨ ᠲᠤᠷᠰᠢᠯᠭ᠎ᠠ ᠲᠠᠢ ᠰᠢᠯᠢᠳᠡᠭ ᠮᠠᠰᠲ᠋ᠸᠷ ᠤᠳ ᠬᠦᠴᠦ ᠰᠣᠷᠢᠭᠰᠠᠨ ᠪᠣᠯ ᠵᠠᠯᠠᠭᠤ ᠲᠠᠮᠢᠷᠴᠢᠨ ᠣᠳᠣᠬᠦᠦ ᠶᠢᠨ ᠴᠡᠴᠡᠨᠴᠡᠩᠭᠡᠯ ᠥᠷᠢᠰᠦᠯᠳᠦᠭᠴᠢᠳ ᠢᠶᠡᠨ ᠢᠯᠡᠭᠦᠷᠬᠡᠨ ᠢᠯᠠᠭᠰᠠᠭᠠᠷ 20 ᠱᠦᠷᠭᠦᠬᠦ ᠨᠠᠰᠤᠨ ᠳᠤ ᠪᠠᠨ ︽ᠤᠯᠤᠰ ᠤᠨ ᠠᠪᠤᠷᠭᠤ︾ ᠲᠠᠮᠢᠷᠴᠢᠨ ᠪᠣᠯᠵᠠᠢ᠃ ᠪ᠂ ᠲᠡᠮᠡᠦᠯᠦᠨ ᠮᠥᠩᠭᠥᠨ ᠮᠧᠳᠠᠯ ᠤᠨ ᠪᠣᠯᠵᠣᠯ ᠬᠠᠩᠭᠠᠭᠰᠠᠨ ᠪᠣᠯ ᠬ∙ᠴᠤᠭᠲᠤᠭᠡᠷᠠᠯ ᠂ ᠮᠥᠨ ᠰᠢᠨ᠎ᠡ ᠵᠠᠯᠠᠭᠤ ᠲᠠᠮᠢᠷᠴᠢᠨ ᠰ᠂ᠪᠠᠲᠤ-ᠤᠷᠤᠰᠢᠬᠤ ᠨᠠᠷ ᠬᠦᠷᠡᠯ ᠮᠧᠳᠠᠯ ᠤᠨ ᠪᠣᠯᠵᠣᠯ ᠬᠠᠩᠭᠠᠵᠠᠢ᠃ ᠣ᠊∙ᠴᠡᠴᠡᠨᠴᠡᠩᠭᠡᠯ ᠶᠠᠫᠣᠨ ᠤᠯᠤᠰ ᠲᠤ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ ᠴᠢᠭᠯᠡᠯ ᠢᠶᠡᠷ ᠰᠤᠷᠤᠯᠴᠠᠳᠠᠭ ᠪᠥᠭᠡᠳ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠦ ᠮᠠᠰᠲ᠋ᠸᠷ ᠪ∙ᠣᠳᠣᠬᠦᠦ ᠶᠢᠨ ᠬᠦᠦ ᠠᠵᠡᠢ᠃ ᠬᠦᠷᠡᠯ ᠮᠧᠳᠠᠯ ᠳᠤ ᠰ∙ ᠪᠠᠲᠤ-ᠤᠷᠤᠰᠢᠬᠤ ᠤᠯᠤᠰ ᠤᠨ ᠨᠠᠴᠢᠨ ᠼ∙ ᠰᠤᠮᠢᠶᠠᠪᠡᠶᠢᠰᠡ ᠶᠢᠨ ᠬᠦᠦ ᠭᠡᠨ᠎ᠡ᠃