ᠳᠡᠯᠡᠬᠡᠢ ᠶᠢᠨ ᠰᠣᠩᠭᠣᠳᠠᠭ ᠤᠷᠠᠯᠢᠭ ᠲᠤ ᠮᠣᠩᠭᠣᠯ ᠤᠨ ᠢᠶᠠᠨ ᠨᠡᠷᠡ ᠶᠢ ᠭᠠᠷᠭᠠᠵᠤ ᠶᠠᠪᠤᠭᠠ ᠳᠠᠭᠤᠴᠢᠳ ᠤᠨ ᠨᠢᠭᠡ ᠨᠢ ᠭᠠᠪᠢᠶᠠᠲᠤ ᠵᠦᠴᠦᠭᠡᠴᠢᠨ ᠭ∙ᠠᠷᠢᠭᠤᠨᠪᠠᠭᠠᠲᠤᠷ ᠪᠢᠯᠡ᠃ ᠲᠡᠷᠡ ᠡᠨᠡ ᠣᠨ ᠠᠴᠠ ᠮᠠᠷᠢᠨᠰᠺᠢ ᠲᠢᠶᠠᠲ᠋ᠷ ᠲᠤ ᠳᠠᠬᠢᠨ ᠳᠠᠭᠤᠯᠠᠬᠤ ᠪᠠᠷ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠲᠤᠬᠠᠢ ᠪᠠᠨ ᠭ∙ᠠᠷᠢᠭᠤᠨᠪᠠᠭᠠᠲᠤᠷ᠄ ᠰᠢᠨᠡ ᠣᠨ ᠤ ᠡᠬᠢᠨ ᠦ ᠳᠣᠯᠣᠭᠠ ᠬᠣᠨᠣᠭ ᠲᠤ ᠣᠯᠠᠨ ᠨᠢᠰᠦᠯᠡ ᠰᠢᠦ᠃ 2019 ᠣᠨ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠬᠤᠪᠢ ᠳᠤ ᠮᠠᠰᠢ ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡ ᠠᠪᠴᠢᠷᠠᠵᠤ ᠪᠠᠶᠢᠨᠠ᠃ ᠤᠴᠢᠷ ᠨᠢ ᠮᠠᠷᠢᠨᠰᠺᠢ ᠲᠢᠶᠠᠲ᠋ᠷ ᠲᠤ ᠤᠷᠲᠤ ᠬᠤᠭᠤᠴᠠᠭᠠᠨ ᠤ ᠭᠡᠷᠡ ᠪᠠᠶᠢᠭᠤᠯᠵᠤ᠂ ᠬᠢᠯᠢ ᠶᠢᠨ ᠴᠢᠨᠠᠳᠤ ᠳᠤ ᠠᠮᠢᠳᠤᠷᠠᠬᠤ ᠪᠣᠯᠤᠭᠰᠠᠨ᠃ ᠡᠨᠡ ᠮᠤᠨᠳᠠᠭ ᠲᠢᠶᠠᠲ᠋ᠷ ᠢᠶᠠᠷ ᠣᠪᠤᠭᠯᠠᠵᠤ᠂ ᠳᠡᠯᠡᠬᠡᠢ ᠶᠢᠨ ᠣᠯᠠᠨ ᠭᠠᠵᠠᠷ ᠢᠶᠠᠷ ᠴᠤᠤᠷᠢᠶᠠᠲᠤᠨᠠ ᠬᠡᠮᠡᠨ ᠰᠡᠳᠬᠢᠯ ᠦᠨ ᠪᠠᠬᠠᠳᠤᠮᠠ ᠦᠭᠡ ᠪᠡᠨ ᠬᠡᠯᠡᠵᠡᠢ ᠃
ᠭ∙ᠠᠷᠢᠭᠤᠨᠪᠠᠭᠠᠲᠤᠷ 2017 ᠣᠨ ᠳᠤ BBC Cardiff Singer of the World ᠤᠷᠤᠯᠳᠤᠭᠠᠨ ᠤ ︽ᠷᠣᠮᠠᠨᠰ︾ ᠲᠥᠷᠥᠯ ᠳᠦ ᠲᠡᠷᠢᠭᠦᠨ ᠪᠠᠶᠢᠷᠢ ᠡᠵᠡᠯᠡᠵᠦ᠂ ︽ᠠᠷᠢ︾ ᠲᠥᠷᠥᠯ ᠳᠦ ᠳᠡᠯᠡᠬᠡᠢ ᠶᠢᠨ ᠲᠠᠪᠤᠨ ᠳᠠᠭᠤᠴᠢᠨ ᠤ ᠨᠢᠭᠡ ᠪᠣᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃