ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠦᠨ ᠡᠪᠯᠡᠯ ᠦᠨ 90 ᠵᠢᠯ ᠦᠨ ᠣᠢ ᠶᠢᠨ ᠶᠣᠰᠣᠯᠠᠯ ᠤᠳ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠨᠠ᠃ ᠥᠨᠥᠳᠥᠷ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠦᠨ ᠨᠣᠮ ᠤᠨ ᠰᠠᠩ ᠳᠤ ︽ᠮᠣᠩᠭᠣᠯ ᠤᠨ ᠰᠢᠨᠡ ᠦᠶᠡ ᠶᠢᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠥᠨᠥ ᠶᠢᠨ ᠲᠥᠯᠥᠪ᠂ ᠢᠷᠡᠭᠡᠳᠦᠢ ᠶᠢᠨ ᠴᠢᠭ ᠬᠠᠨᠳᠤᠯᠭᠠ︾ ᠰᠡᠳᠦᠪᠲᠦ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠬᠤᠷᠠᠯ ᠪᠣᠯᠤᠯᠠ᠃ ᠬᠤᠷᠠᠯ ᠢ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠦᠨ ᠡᠪᠯᠡᠯ ᠦᠨ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠦᠨ ᠳᠠᠷᠤᠭᠠ᠂ ᠳ᠋ᠣᠺᠲ᠋ᠣᠷ᠂ ᠫᠷᠣᠹᠧᠰᠰᠣᠷ ᠳ∙ᠴᠡᠨᠳᠡᠵᠠᠪ ᠨᠡᠭᠡᠭᠡᠵᠦ᠂ ᠤᠳᠤᠷᠢᠳᠤᠨ ᠶᠠᠪᠤᠭᠤᠯᠪᠠ᠃
ᠲᠡᠷᠡ᠂ ᠲᠡᠦᠬᠡ ᠪᠣᠯ ᠰᠤᠷᠭᠠᠮᠵᠢ ᠤᠴᠢᠷ ᠠᠴᠠ ᠰᠠᠶᠢᠨ ᠨᠢ ᠴᠤ᠂ ᠮᠠᠭᠤ ᠨᠢ ᠴᠤ ᠪᠢᠳᠡᠨ ᠦ ᠪᠠᠭᠰᠢ᠃ ᠮᠣᠩᠭᠣᠯ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠲᠡᠦᠬᠡ ᠪᠣᠯ ᠪᠢᠳᠡᠨ ᠳᠦ ᠮᠠᠷᠭᠠᠰᠢ ᠶᠢᠨ ᠵᠠᠯᠠᠭᠤᠷ ᠪᠣᠯᠬᠤ ᠴᠢᠭ ᠪᠠᠷᠢᠮᠵᠢᠶᠠ ᠶᠢ ᠣᠯᠭᠤᠳᠠᠭ᠃ ᠲᠡᠶᠢᠮᠦ ᠡᠴᠡ ᠡᠨᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠬᠤᠷᠠᠯ ᠢ ᠬᠢᠵᠦ ᠪᠠᠶᠢᠭᠠ ᠶᠤᠮ ᠭᠡᠪᠡ᠃ ︽ᠤᠷᠠᠨ ᠵᠣᠬᠢᠶᠠᠯ ᠪᠠ ᠮᠥᠨ ᠴᠢᠨᠠᠷ︾ ᠢᠯᠡᠳᠬᠡᠯ ᠢ ᠫᠷᠣᠹᠧᠰᠰᠣᠷ ᠳ∙ᠭᠠᠯᠪᠠᠭᠠᠲᠤᠷ ᠲᠠᠯᠪᠢᠯᠠ᠃ ᠮᠣᠩᠭᠣᠯ ᠤᠨ ᠣᠷᠴᠢᠨ ᠦᠶᠡ ᠶᠢᠨ ᠥᠭᠦᠯᠡᠯᠭᠡ ᠶᠢᠨ ᠲᠥᠯᠥᠪ᠂ ᠬᠠᠨᠳᠤᠯᠭᠠ ᠶᠢᠨ ᠲᠤᠬᠠᠢ ᠤᠳᠬᠠ ᠵᠣᠬᠢᠶᠠᠯ ᠰᠤᠳᠤᠯᠤᠭᠠᠴᠢ᠂ ᠳ᠋ᠣᠺᠲ᠋ᠣᠷ ᠰ∙ᠠᠮᠤᠷᠲᠦ᠋ᠪᠰᠢᠨ ᠢᠯᠡᠳᠬᠡᠬᠦ ᠳᠦ ᠪᠡᠨ᠂ 2000 ᠣᠨ ᠠᠴᠠ ᠬᠣᠶᠢᠰᠢᠬᠢ ᠥᠭᠦᠯᠡᠯᠭᠡ ᠨᠦᠭᠦᠳ ᠲᠦ ᠵᠠᠳᠠᠯᠤᠨ ᠰᠢᠨᠵᠢᠯᠡᠭᠡ ᠬᠢᠵᠦ ᠵᠥᠪᠬᠡᠨ ᠭᠠᠭᠴᠠ ᠷᠸᠶᠠᠯᠢᠰᠲ ᠪᠢᠰᠢ ᠫᠣᠰᠲ ᠮᠤᠳ᠋ᠸᠷᠨᠢ ᠬᠠᠨᠳᠤᠯᠭᠠ ᠤᠷᠤᠭᠤ ᠵᠣᠬᠢᠶᠠᠯᠴᠢᠳ ᠣᠷᠣᠭᠰᠠᠨ ᠢ ᠣᠨᠴᠠᠯᠠᠨ ᠲᠡᠮᠳᠡᠭᠯᠡᠪᠡ᠃ ᠥᠭᠦᠯᠡᠯᠭᠡ ᠲᠤᠭᠤᠷᠪᠢᠭᠴᠢᠳ ᠤᠨ ᠳᠤᠮᠳᠠ 21 ᠳ᠋ᠤᠭᠡᠷ ᠵᠠᠭᠤᠨ ᠤ ᠡᠬᠢᠨ ᠳᠦ ᠴᠢᠯᠦᠭᠡᠲᠦ ᠰᠡᠳᠬᠢᠯᠭᠡ᠂ ᠡᠷᠢᠯᠬᠢᠯᠡᠯ ᠯᠠᠪᠰᠢᠷᠠᠨ᠂ ᠰᠢᠨᠡ ᠬᠠᠨᠳᠤᠯᠭᠠ ᠲᠣᠭᠲᠠᠭᠠᠨ ᠤᠷᠠᠨ ᠰᠠᠶᠢᠬᠠᠨ ᠤ ᠨᠡᠭᠡᠭᠡᠯᠲᠡ ᠬᠢᠵᠦ ᠴᠢᠳᠠᠭᠰᠠᠨ ᠬᠡᠮᠡᠨ ᠳ᠋ᠦᠩᠨᠡᠪᠡ᠃ ᠬᠡᠦᠬᠡᠳ ᠦᠨ ᠵᠣᠬᠢᠶᠠᠯ ᠤᠨ ᠡᠷᠢᠯ ᠬᠠᠶᠢᠭᠤᠯ ᠤᠨ ᠲᠤᠬᠠᠢ ᠳᠤ ᠳ᠋ᠣᠺᠲ᠋ᠣᠷ ᠳ ∙ ᠪᠠᠲᠤᠵᠢᠷᠭᠠᠯ ᠬᠡᠦᠬᠡᠳ ᠦᠨ ᠤᠷᠠᠨ ᠵᠣᠬᠢᠶᠠᠯ ᠳᠤ ᠬᠤᠷᠴᠠ ᠰᠢᠭᠦᠮᠵᠢᠯᠡᠯ ᠬᠡᠷᠡᠭ ᠲᠡᠢ ᠪᠠᠶᠢᠨᠠ ᠭᠡᠰᠡᠨ ᠰᠠᠨᠠᠭᠠ ᠶᠢ ᠬᠥᠨᠳᠡᠵᠦ ᠶᠠᠷᠢᠯᠠ᠃ ᠥᠴᠥᠭᠡᠳᠦᠷ ︽ᠠᠯᠲᠠᠨ ᠥᠳᠥ︾ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠲᠢᠶᠠᠲ᠋ᠷ ᠰᠤᠳᠤᠯᠤᠭᠠᠴᠢ᠂ ᠳ᠋ᠣᠺᠲ᠋ᠣᠷ᠂ ᠳᠡᠳ᠋ ᠫᠷᠣᠹᠧᠰᠰᠣᠷ ᠳ∙ᠪᠠᠲᠤᠰᠠᠶᠢᠬᠠᠨ᠂ ᠮᠣᠩᠭᠣᠯ ᠤᠨ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯ ᠰᠢᠨᠡ ᠱᠠᠲᠤᠨ ᠳᠤ ᠭᠠᠷᠴᠤ᠂ ᠲᠥᠷᠥᠯ ᠵᠠᠨᠠᠷ᠂ ᠤᠷᠤᠰᠬᠠᠯ ᠴᠢᠭᠯᠡᠯ ᠨᠢ ᠴᠤ ᠣᠯᠠᠨ ᠪᠣᠯᠵᠤ᠂ ᠵᠦᠴᠦᠭᠡ ᠦᠨᠳᠦᠰᠦᠨ ᠳᠦ ᠪᠡᠨ ᠥᠭᠡᠷᠡᠴᠢᠯᠡᠭᠳᠡᠵᠦ ᠪᠠᠶᠢᠭᠠ ᠶᠢ ᠢᠯᠡᠳᠬᠡᠯ ᠳᠦ ᠪᠡᠨ ᠳᠤᠷᠠᠳᠤᠭᠰᠠᠨ ᠶᠤᠮ᠃ ᠤᠳᠬᠠ ᠵᠣᠬᠢᠶᠠᠯ ᠰᠤᠳᠤᠯᠤᠭᠠᠴᠢ ᠭ∙ᠪᠠᠲᠤᠰᠠᠭᠤᠷᠢ ᠮᠣᠩᠭᠣᠯ ᠤᠨ ᠷᠣᠮᠠᠨ ᠤ ᠠᠯᠳᠠᠭᠠ ᠣᠨᠣᠭᠠ ᠶᠢ ᠪᠠᠷᠢᠮᠲᠠ ᠲᠠᠢ ᠪᠠᠷ ᠰᠢᠭᠦᠮᠵᠢᠯᠡᠪᠡ᠃ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠷᠣᠮᠠᠨ ᠤ ᠰᠢᠨᠡ ᠴᠢᠭ ᠬᠠᠨᠳᠤᠯᠭᠠ ᠭᠠᠷᠴᠤ ᠢᠷᠡᠭᠰᠡᠭᠡᠷ ᠪᠠᠶᠢᠨᠠ᠃ ᠬᠠᠷᠢᠨ ᠮᠣᠩᠭᠣᠯ ᠵᠣᠬᠢᠶᠠᠯᠴᠢᠳ ᠲᠡᠷᠡ ᠰᠢᠨᠡ ᠬᠠᠨᠳᠤᠯᠭᠠ ᠤᠷᠤᠭᠤ ᠪᠢᠰᠢ ᠤᠯᠠᠮᠵᠢᠯᠠᠯᠲᠤ ᠬᠠᠨᠳᠤᠯᠭᠠ ᠤᠷᠤᠭᠤ ᠪᠠᠨ ᠬᠡᠲᠦ ᠬᠤᠰᠢᠭᠤᠷᠠᠵᠤ ᠪᠠᠶᠢᠨᠠ᠃ ᠲᠡᠦᠬᠡᠨ ᠷᠣᠮᠠᠨ ᠪᠢᠴᠢᠳᠡᠭ ᠦᠭᠡᠢ ᠬᠦᠮᠦᠨ ᠠᠯᠠᠭᠠ᠃ ᠲᠡᠭᠡᠬᠦ ᠳᠦ ᠪᠡᠨ ᠤᠷᠠᠨ ᠰᠠᠶᠢᠬᠠᠨ ᠤ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠮᠠᠭᠤ᠂ ᠲᠡᠦᠬᠡ ᠶᠢᠨ ᠲᠦᠭᠦᠬᠡᠢ ᠡᠳ᠋ ᠍ ᠢᠶᠡᠷ ᠳᠣᠳᠣᠮᠳᠠᠭᠰᠠᠨ ᠷᠣᠮᠠᠨ ᠣᠯᠠᠰᠢᠷᠠᠵᠤ ᠪᠤᠢ ᠶᠢ ᠬᠤᠷᠴᠠ ᠪᠠᠷ ᠰᠢᠭᠦᠮᠵᠢᠯᠡᠭᠰᠡᠨ᠃ ᠡᠨᠡ ᠬᠤᠷᠠᠯ ᠳᠤ ᠰᠢᠨᠡ ᠵᠠᠯᠠᠭᠤ ᠡᠷᠳᠡᠮᠲᠡᠨ ᠰᠤᠳᠤᠯᠤᠭᠠᠴᠢ ᠪᠣᠯᠬᠤ ᠬ∙ᠴᠣᠶᠢᠳᠣᠭᠵᠠᠮᠰᠤ᠂ ᠶᠠ᠊∙ᠪᠠᠶᠠᠷ᠂ ᠳ∙ᠨᠢᠮᠠᠳᠣᠷᠵᠢ ᠨᠠᠷ ᠲᠤᠭᠤᠵᠢ ᠶᠢᠨ ᠪᠢᠴᠢᠯᠭᠡ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ᠂ ᠨᠡᠩ ᠰᠢᠨᠡ ᠦᠶᠡ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ᠂ ᠰᠢᠨᠡ ᠦᠶᠡ ᠶᠢᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠰᠢᠭᠦᠮᠵᠢᠯᠡᠯ ᠦᠨ ᠥᠨᠥ ᠶᠢᠨ ᠪᠠᠶᠢᠳᠠᠯ ᠢ ᠢᠯᠡᠳᠭᠡᠪᠡ᠃
