ᠥᠪᠦᠷᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠬᠡᠦᠬᠡᠳ ᠪᠠᠭᠠᠴᠤᠳ ᠣᠷᠴᠢᠨ ᠦᠶᠡ ᠶᠢᠨ ᠰᠲ᠋ᠠᠨᠳᠠᠷᠲ ᠤᠨ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠭᠰᠠᠨ ᠲᠣᠬᠢᠯᠢᠭ ᠨᠣᠮ ᠤᠨ ᠣᠷᠳᠣᠨ ᠲᠠᠢ ᠪᠣᠯᠤᠯᠠ᠃ ︽ᠬᠡᠦᠬᠡᠳ ᠦᠨ ᠬᠥᠭᠵᠢᠯ᠂ ᠬᠠᠮᠠᠭᠠᠯᠠᠯ ᠤᠨ ᠵᠢᠯ︾ ᠍ ᠦᠨ ᠬᠦᠷᠢᠶᠡᠨ ᠳᠦ ᠣᠷᠣᠨ ᠨᠤᠲᠤᠭ ᠤᠨ ᠲᠥᠰᠥᠪ ᠢᠶᠡᠷ ᠣᠯᠠᠨ ᠵᠢᠯ ᠠᠰᠢᠭᠯᠠᠭᠳᠠᠭᠠ ᠦᠭᠡᠢ ᠬᠠᠭᠤᠴᠢᠨ ᠤ ᠪᠠᠷᠢᠯᠭᠠ ᠶᠢ ᠰᠢᠨᠡᠴᠢᠯᠡᠵᠦ᠂ 200 ᠬᠡᠦᠬᠡᠳ ᠦᠨ ᠬᠦᠴᠦᠨ ᠴᠢᠳᠠᠯ ᠲᠠᠢ ᠨᠣᠮ ᠤᠨ ᠥᠷᠭᠥᠭᠡ ᠶᠢ ᠪᠠᠶᠢᠭᠤᠯᠤᠭᠠᠳ ᠪᠠᠶᠢᠨᠠ᠃ ᠬᠡᠦᠬᠡᠳ ᠦᠨ ᠬᠦᠭᠵᠢᠯ ᠳᠦ ᠲᠤᠰᠠᠲᠠᠢ ᠤᠭ ᠠᠵᠢᠯ ᠢ ᠳᠡᠮᠵᠢᠵᠦ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠰ∙ᠴᠢᠩᠵᠣᠷᠢᠭ ᠬᠥᠳᠡᠯᠮᠦᠷᠢ᠂ ᠨᠡᠶᠢᠭᠡᠮ ᠤᠨ ᠬᠠᠮᠠᠭᠠᠯᠠᠯ ᠤᠨ ᠰᠠᠶᠢᠳ ᠤᠨ ᠪᠠᠭᠴᠠ ᠠᠴᠠ 50 ᠰᠠᠶᠠ ᠲᠥᠭᠥᠷᠢᠭ ᠢ ᠰᠢᠢᠳᠴᠦ ᠥᠭᠴᠡᠢ᠃
《ᠬᠡᠦᠬᠡᠳ ᠦᠨ ᠨᠣᠮ ᠤᠨ ᠣᠷᠳᠣᠨ》᠍ ᠤ ᠨᠡᠭᠡᠭᠡᠯᠲᠡ ᠶᠢᠨ ᠦᠶᠡ ᠪᠡᠷ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠼ∙ᠪᠠᠲᠤᠭᠡᠷᠡᠯ ᠦᠨ ︽ᠪᠢᠴᠢᠬᠠᠨ ᠵᠣᠷᠭᠣᠯ ᠪᠠ ᠡᠩᠬᠢᠭᠦᠯᠦᠭᠡ ᠬᠦᠦ︾ ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠪᠣᠯᠤᠯᠠ᠃ ᠡᠨᠡᠬᠦ ᠨᠣᠮ ᠢ ᠠᠶᠢᠮᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ ᠶᠢᠨ ᠳᠡᠮᠵᠢᠯᠭᠡ ᠲᠡᠢ ᠪᠡᠷ ᠬᠡᠪᠯᠡᠨ ᠬᠡᠦᠬᠡᠳ᠂ ᠪᠠᠭᠠᠴᠤᠳ ᠤᠨ ᠬᠦᠷᠲᠡᠭᠡᠯ ᠪᠣᠯᠭᠠᠵᠤ ᠪᠠᠶᠢᠭᠠ ᠶᠤᠮ᠃
