ᠡᠨᠡ ᠵᠢᠯ ᠪᠠᠷᠠᠭᠤᠨ ᠠᠶᠢᠮᠠᠭ ᠤᠳ ᠲᠤ ᠢᠯᠡᠭᠦᠦ ᠬᠦᠢᠲᠡᠷᠡᠬᠦ ᠲᠥᠯᠥᠪᠲᠡᠢ ᠪᠠᠶᠢᠭᠠ ᠠᠵᠠᠢ ᠃ ᠤᠰᠤ ᠴᠠᠭ ᠠᠭᠤᠷ ᠣᠷᠴᠢᠨ ᠤ ᠰᠤᠳᠤᠯᠭᠠ᠂ ᠮᠡᠳᠡᠭᠡᠯᠡᠯ ᠦᠨ ᠬᠦᠷᠢᠶᠡᠯᠡᠩ ᠦᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠠᠵᠢᠯᠲᠠᠨ ᠡ᠊∙ᠮᠥᠩᠬᠡᠵᠢᠷᠭᠠᠯ 《ᠰᠢᠪᠢᠷᠢ ᠶᠢᠨ ᠬᠦᠢᠲᠡᠨ ᠠᠭᠠᠷ ᠤᠨ ᠮᠠᠰ ᠮᠣᠩᠭᠣᠯ ᠤᠷᠤᠭᠤ ᠴᠥᠮᠥᠷᠡᠨ ᠣᠷᠣᠵᠤ ᠢᠷᠡᠵᠦ ᠪᠠᠶᠢᠨᠠ᠃ ᠮᠥᠨ ᠮᠣᠩᠭᠣᠯ ᠣᠷᠣᠨ ᠤ ᠡᠪᠦᠯ ᠦᠨ ᠠᠭᠠᠷ ᠤᠨ ᠳᠠᠷᠤᠯᠲᠠ ᠶᠢ ᠰᠢᠪᠢᠷᠢ ᠶᠢᠨ ᠶᠡᠬᠡ ᠳᠠᠷᠤᠯᠲᠠ ᠶᠢᠨ ᠣᠷᠣᠨ ᠲᠣᠳᠣᠷᠬᠠᠶᠢᠯᠠᠳᠠᠭ᠃ ᠰᠢᠪᠢᠷᠢ ᠶᠢᠨ ᠬᠦᠢᠲᠡᠨ ᠠᠭᠠᠷ ᠨᠢ 1990 ᠍ ᠊ᠭᠡᠳ ᠣᠨ ᠠᠴᠠ ᠬᠣᠶᠢᠰᠢ ᠡᠷᠴᠢᠮᠵᠢᠭᠰᠡᠨ᠃ ᠳᠡᠯᠡᠬᠡᠢ ᠶᠢᠨ ᠳᠤᠯᠠᠭᠠᠷᠠᠯ ᠤᠨ ᠤᠯᠠᠮ ᠠᠴᠠ ᠬᠤᠶᠢᠳᠤ ᠬᠠᠭᠠᠰ ᠲᠤ ᠪᠠᠶᠢᠭᠠ ᠴᠠᠰᠤᠨ ᠤ ᠬᠡᠮᠵᠢᠶᠡ ᠪᠠᠭᠠᠰᠴᠦ᠂ ᠴᠢᠭᠢᠭᠯᠢᠭ ᠳᠤᠯᠠᠭᠠᠨ ᠠᠭᠠᠷ ᠳᠡᠭᠡᠭᠰᠢ ᠬᠦᠭᠡᠷᠴᠦ ᠭᠠᠷᠳᠠᠭ᠃ ᠠᠭᠤᠷ ᠠᠮᠢᠰᠬᠤᠯ ᠤᠨ ᠳᠤᠯᠠᠭᠠᠷᠠᠯ᠂ ᠠᠭᠠᠷ ᠲᠤ ᠤᠰᠤᠨ ᠠᠭᠤᠷ ᠡᠭᠦᠰᠬᠡᠭᠡᠳ᠂ ᠡᠪᠦᠯ ᠳᠦ ᠪᠡᠨ ᠴᠠᠰᠤᠨ ᠪᠦᠷᠬᠦᠭᠦᠯ ᠨᠡᠮᠡᠭᠳᠡᠬᠦ ᠪᠣᠯᠤᠭᠰᠠᠨ ᠭᠡᠳᠡᠭ ᠢ ᠣᠨᠴᠠᠯᠠᠪᠠ᠃
ᠮᠣᠩᠭᠣᠯ ᠳᠤ ᠰᠡᠭᠦᠯ ᠦᠨ 18 ᠵᠢᠯ ᠬᠦᠢᠲᠡᠷᠡᠯ ᠦᠨ ᠳᠠᠪᠲᠠᠮᠵᠢ ᠨᠡᠮᠡᠭᠳᠡᠭᠰᠡᠨ᠃ ᠰᠤᠳᠤᠯᠭᠠ ᠪᠠᠷ 2000 ᠣᠨ ᠠᠴᠠ ᠡᠮᠦᠨᠡ ᠵᠢᠯ ᠳᠦ ᠡᠷᠡᠰ ᠬᠦᠢᠲᠡᠷᠡᠯᠲᠡ 2-3 ᠤᠳᠠᠭᠠ ᠲᠣᠬᠢᠶᠠᠯᠳᠤᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠡᠭᠦᠨ ᠡᠴᠡ ᠬᠣᠶᠢᠰᠢ 4 ᠍ ᠡᠴᠡ ᠳᠡᠭᠡᠭᠰᠢ ᠤᠳᠠᠭᠠ ᠪᠣᠯᠵᠤ ᠨᠡᠮᠡᠭᠳᠡᠭᠰᠡᠨ᠃ ᠡᠷᠡᠰ ᠬᠦᠢᠲᠡᠷᠡᠯ ᠭᠡᠳᠡᠭ ᠨᠢ -30 ᠬᠡᠮ ᠡᠴᠡ ᠳᠡᠭᠡᠭᠰᠢ ᠬᠦᠢᠲᠡᠷᠡᠬᠦ ᠶᠢ ᠬᠡᠯᠡᠳᠡᠭ᠃ ᠲᠣᠪᠴᠢᠬᠠᠨ ᠳᠤ ᠪᠠᠨ ᠮᠣᠩᠭᠣᠯ ᠤᠨ ᠨᠡᠶᠢᠲᠡ ᠨᠤᠲᠤᠭ ᠢᠶᠠᠷ 4 ᠤᠳᠠᠭᠠ -30 ᠬᠡᠮ ᠡᠴᠡ ᠳᠡᠭᠡᠭᠰᠢ ᠬᠦᠷᠴᠦ ᠡᠷᠡᠰ ᠬᠦᠢᠲᠡᠷᠡᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠵᠢᠯ ᠮᠣᠩᠭᠣᠯ ᠣᠷᠣᠨ ᠤ ᠨᠡᠶᠢᠲᠡ ᠨᠤᠲᠤᠭ ᠤᠨ 20 ᠭᠠᠷᠤᠢ ᠬᠤᠪᠢ ᠳᠤ ᠵᠤᠳ ᠪᠣᠯᠬᠤ ᠡᠷᠡᠰᠳᠡᠯ ᠥᠨᠳᠥᠷ ᠪᠠᠶᠢᠨᠠ ᠭᠡᠰᠡᠨ ᠲᠣᠭᠠᠴᠠᠭᠠ ᠭᠠᠷᠤᠭᠰᠠᠨ᠃ ᠤᠰᠤ ᠴᠠᠭ ᠠᠭᠤᠷ ᠤᠨ ᠬᠦᠷᠢᠶᠡᠯᠡᠩ ᠡᠴᠡ ᠭᠠᠷᠭᠠᠭᠰᠠᠨ ᠤᠷᠢᠳᠴᠢᠯᠠᠭᠰᠠᠨ ᠲᠥᠯᠥᠪ ᠢᠶᠡᠷ ᠬᠣᠪᠳᠣ᠂ ᠤᠪᠰᠤ ᠶᠢᠨ ᠶᠡᠬᠡᠩᠬᠢ ᠨᠤᠲᠤᠭ᠂ ᠪᠠᠶᠠᠨ-ᠥᠯᠥᠭᠡᠢ ᠶᠢᠨ ᠠᠶᠢᠮᠠᠭ ᠤᠨ ᠵᠠᠷᠢᠮ ᠰᠤᠮᠤ᠂ ᠥᠪᠦᠷᠬᠠᠩᠭᠠᠢ᠂ ᠪᠠᠶᠠᠨᠬᠣᠩᠭᠣᠷ ᠠᠶᠢᠮᠠᠭ ᠤᠨ ᠬᠣᠶᠢᠳ ᠬᠡᠰᠡᠭ ᠢᠶᠡᠷ ᠵᠤᠳ ᠪᠣᠯᠬᠤ ᠡᠷᠡᠰᠳᠡᠯ ᠥᠨᠳᠥᠷ ᠪᠠᠶᠢᠨᠠ ᠭᠡᠵᠡᠢ᠃
