ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠦᠨ ᠱᠠᠩᠨᠠᠯᠲᠤ᠂ ᠨᠡᠷᠡᠲᠦ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠵᠣᠬᠢᠶᠠᠯᠴᠢ ᠸᠠᠩᠬᠦᠦ ᠶᠢᠨ ᠪᠠᠲᠤᠪᠠᠶᠠᠷ ᠠᠭᠰᠠᠨ ᠤ 《ᠳᠣᠲᠣᠭᠠᠳᠤ ᠶᠢᠷᠲᠢᠨᠴᠦ ᠶᠢᠨ ᠤᠷᠤᠰᠬᠠᠯ》 ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠡᠪᠦᠯ ᠦᠨ ᠡᠬᠢᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ 15 ᠍ ᠤ ᠪᠢᠯᠢᠭᠲᠦ ᠰᠠᠶᠢᠨ ᠡᠳᠦᠷ ᠪᠠᠶᠠᠨᠬᠣᠩᠭᠣᠷ ᠬᠤᠲᠠᠨᠠ ᠪᠣᠯᠤᠯᠠ᠃ ᠸ∙ᠪᠠᠲᠤᠪᠠᠶᠠᠷ ᠠᠭᠰᠠᠨ ᠤ ᠦᠷᠡ ᠬᠡᠦᠬᠡᠳ᠂ ᠨᠠᠶᠢᠵᠠ ᠨᠥᠬᠥᠳ ᠬᠠᠮᠲᠤᠷᠠᠨ ᠲᠠᠪᠤᠳᠠᠬᠢ ᠨᠣᠮ ᠢ ᠡᠮᠬᠢᠳᠬᠡᠨ ᠬᠡᠪᠯᠡᠭᠦᠯᠵᠦ ᠤᠩᠰᠢᠭᠴᠢᠳ ᠤᠨ ᠬᠦᠷᠲᠡᠭᠡᠯ ᠪᠣᠯᠭᠠᠵᠤ ᠪᠤᠢ ᠨᠢ ᠡᠨᠡᠬᠦ 《ᠳᠣᠲᠣᠭᠠᠳᠤ ᠶᠢᠷᠲᠢᠨᠴᠦ ᠶᠢᠨ ᠤᠷᠤᠰᠬᠠᠯ》 ᠬᠡᠮᠡᠬᠦ ᠲᠡᠭᠦᠨ ᠦ ᠰᠢᠯᠦᠭ᠂ ᠢᠷᠠᠭᠤ ᠨᠠᠶᠢᠷᠠᠭ᠂ ᠥᠭᠦᠯᠡᠯᠭᠡ ᠶᠢᠨ ᠲᠡᠭᠦᠪᠦᠷᠢ ᠵᠣᠬᠢᠶᠠᠯ ᠠᠵᠡᠢ᠃
ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠤᠨ ᠦᠶᠡ ᠪᠡᠷ ᠠᠶᠢᠮᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ ᠭ∙ᠪᠠᠲᠤᠵᠢᠷᠭᠠᠯ ᠠᠪᠤ ᠶᠢᠨ ᠢᠶᠠᠨ ᠤᠷᠠᠨ ᠪᠦᠲᠦᠭᠡᠯ ᠢ ᠨᠣᠮ ᠪᠣᠯᠭᠠᠨ ᠮᠥᠩᠬᠡᠯᠡᠵᠦ ᠠᠷᠢᠭᠤᠨ ᠴᠠᠭᠠᠨ ᠰᠤᠪᠤᠷᠭᠠ ᠪᠦᠲᠦᠭᠡᠭᠰᠡᠨ ᠲᠡᠭᠦᠨ ᠦ ᠤᠤᠭᠠᠨ ᠬᠦᠦ ᠪ∙ᠲᠦᠷᠦᠮᠦ᠋ᠩᠬᠡ ᠨᠠᠷ ᠤᠨ ᠦᠷᠡ ᠬᠡᠦᠬᠡᠳ ᠲᠤ ᠨᠢ ᠴᠢᠩ ᠰᠡᠳᠬᠢᠯ ᠦᠨ ᠲᠠᠯᠠᠷᠬᠠᠯ ᠳᠡᠪᠰᠢᠭᠦᠯᠦᠭᠡᠳ᠂ 《ᠢᠷᠡᠬᠦ ᠵᠢᠯ ᠬᠢᠬᠦ ᠯᠠᠮᠠ ᠶᠢᠨ ᠭᠡᠭᠡᠨ ᠦ 380 ᠵᠢᠯ ᠦᠨ ᠣᠢ ᠶᠢᠨ ᠳᠠᠩᠱᠢᠭ ᠨᠠᠭᠠᠳᠤᠮ ᠳᠤ ᠤᠷᠢᠭᠳᠠᠨ ᠤᠷᠤᠯᠴᠠᠬᠤ ᠵᠣᠴᠢᠳ ᠲᠤ ᠪᠠᠨ ᠪᠠᠷᠢᠬᠤ ᠡᠷᠬᠢᠮ ᠦᠨ ᠳᠡᠭᠡᠳᠦ ᠪᠡᠯᠡᠭ ᠡᠨᠡ ᠨᠣᠮ ᠪᠠᠶᠢᠬᠤ ᠪᠣᠯᠤᠨᠠ》 ᠭᠡᠳᠡᠭ ᠢ ᠣᠨᠴᠠᠯᠠᠵᠤ ᠪᠠᠶᠢᠪᠠ᠃ ᠡᠷᠬᠢᠮ ᠨᠠᠶᠢᠷᠠᠭᠴᠢ ᠶᠢᠨ ᠭᠡᠷ ᠪᠦᠯᠢ᠂ ᠦᠷᠡ ᠬᠡᠦᠬᠡᠳ ᠦᠳ ᠡᠴᠡ ᠡᠨᠡᠬᠦ 《ᠳᠣᠲᠣᠭᠠᠳᠤ ᠶᠢᠷᠲᠢᠨᠴᠦ ᠶᠢᠨ ᠤᠷᠤᠰᠬᠠᠯ》 ᠨᠣᠮ ᠤᠨ ᠪᠠᠶᠠᠷ ᠢ ᠲᠥᠷᠥᠯᠬᠢ ᠪᠠᠶᠠᠩᠭᠤᠪᠢ ᠰᠤᠮᠤᠨ ᠳᠤ ᠨᠢ ᠤᠳᠠᠬᠤ ᠦᠭᠡᠢ ᠬᠢᠵᠦ᠂ ᠨᠤᠲᠤᠭ ᠤᠰᠤᠨ ᠳᠤ ᠪᠠᠨ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠬᠦ ᠪᠡᠷ ᠲᠥᠯᠥᠪᠯᠡᠵᠡᠢ᠃
