ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠲ∙ᠠᠶᠤᠤᠷᠰᠠᠶᠢᠬᠠᠨ᠂ ᠯ ∙ ᠣᠶᠤᠨ-ᠡᠷᠳᠡᠨᠢ᠂ ᠯ ∙ ᠪᠣᠯᠣᠳ᠂ ᠵ ∙ ᠪᠠᠲᠤᠽᠠᠨᠳᠠᠨ ᠨᠠᠷ ᠥᠨᠥᠳᠥᠷ 40 ᠭᠠᠷᠤᠢ ᠭᠡᠰᠢᠭᠦᠨ ᠴᠢᠭᠤᠯᠭᠠᠨ ᠳᠤ ᠪᠠᠨ ᠰᠠᠭᠤᠬᠤ ᠦᠭᠡᠢ ᠭᠡᠵᠦ ᠪᠠᠶᠢᠭᠠ ᠲᠤᠬᠠᠢ ᠰᠡᠳᠬᠦᠯᠴᠢᠳ ᠲᠦ ᠮᠡᠳᠡᠭᠳᠡᠯᠡ᠃
ᠲ∙ᠠᠶᠤᠤᠷᠰᠠᠶᠢᠬᠠᠨ ᠭᠡᠰᠢᠭᠦᠨ᠄ ᠤᠯᠤᠰ ᠲᠥᠷᠥ ᠶᠢᠨ ᠬᠦᠷᠢᠶᠡᠨ ᠳᠦ ᠭᠠᠴᠢᠭᠠᠳ ᠪᠠᠶᠢᠭᠠ ᠵᠠᠷᠢᠮ ᠠᠰᠠᠭᠤᠳᠠᠯ ᠢ ᠬᠡᠷᠬᠢᠨ ᠳᠠᠪᠠᠨ ᠲᠤᠭᠤᠯᠬᠤ᠂ ᠰᠢᠢᠳᠬᠦ ᠠᠷᠭᠠ ᠵᠠᠮ ᠭᠠᠷᠭᠠᠬᠤ ᠲᠠᠯᠠ ᠪᠠᠷ ᠢᠶᠠᠨ ᠪᠢᠳᠡ ᠰᠠᠨᠠᠯ ᠨᠢᠭᠡᠳᠦᠭᠡᠳ ᠪᠠᠶᠢᠨᠠ᠃ ᠴᠢᠭᠤᠯᠭᠠᠨ ᠤ ᠬᠤᠷᠠᠯᠳᠤᠭᠠᠨ ᠤ ᠥᠨᠥᠳᠥᠷ ᠦᠨ ᠢᠷᠡᠴᠡ ᠪᠥᠷᠢᠳᠬᠦ ᠦᠭᠡᠢ ᠴᠠᠭ ᠭᠠᠷᠤᠢ ᠬᠤᠭᠤᠴᠠᠭᠠ ᠥᠩᠭᠡᠷᠡᠯᠡ᠃ ᠵᠠᠰᠠᠭ ᠤᠨ ᠭᠠᠵᠠᠷ ᠢ ᠣᠭᠴᠣᠷᠠᠭᠤᠯᠬᠤ ᠠᠰᠠᠭᠤᠳᠠᠯ ᠢᠶᠠᠷ 27 ᠭᠡᠰᠢᠭᠦᠨ ᠭᠠᠷ ᠤᠨ ᠦᠰᠦᠭ ᠵᠢᠷᠤᠵᠤ᠂ ᠥᠷᠭᠡᠨ ᠮᠡᠳᠡᠭᠦᠯᠦᠭᠡᠳ ᠪᠠᠶᠢᠭᠠ᠃ ᠡᠮᠦᠨᠡ ᠨᠢ ᠭᠡᠰᠢᠭᠦᠳ ᠨᠡᠶᠢᠲᠡ ᠶᠢᠨ ᠰᠣᠨᠣᠰᠬᠠᠯ ᠬᠢᠬᠦ ᠠᠰᠠᠭᠤᠳᠠᠯ ᠢᠶᠠᠷ ᠤᠳᠠᠭᠠ ᠳᠠᠷᠠᠭᠠ ᠬᠠᠨᠳᠤᠵᠤ ᠪᠠᠶᠢᠭᠰᠠᠨ ᠴᠤ ᠴᠢᠭᠤᠯᠭᠠᠨ ᠬᠤᠷᠠᠯᠳᠤᠭᠠ ᠦᠭᠡᠢ᠃ ᠭᠡᠲᠡᠯᠡ ᠵᠠᠰᠠᠭ ᠤᠨ ᠭᠠᠵᠠᠷ ᠢ ᠣᠭᠴᠣᠷᠠᠭᠤᠯᠬᠤ ᠪᠢᠴᠢᠭ ᠲᠦ ᠮ ∙ ᠡᠩᠬᠡᠪᠣᠯᠤᠳ ᠥᠪᠡᠷ ᠢᠶᠡᠨ ᠭᠠᠷ ᠤᠨ ᠦᠰᠦᠭ ᠵᠢᠷᠤᠭᠰᠠᠨ ᠮᠥᠷᠲᠡᠯᠡ ᠲᠡᠷᠡ ᠪᠢᠴᠢᠭ ᠢᠶᠡᠨ ᠭᠠᠷᠳᠠᠨ ᠠᠪᠴᠤ᠂ ᠬᠡᠯᠡᠯᠴᠡᠬᠦ ᠭᠡᠵᠦ ᠪᠠᠶᠢᠭᠠ ᠨᠢ ᠪᠤᠷᠤᠭᠤ᠃ ᠲᠡᠶᠢᠮᠦ ᠡᠴᠡ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ 40 ᠭᠠᠷᠤᠢ ᠭᠡᠰᠢᠭᠦᠳ ᠭᠠᠷ ᠤᠨ ᠦᠰᠦᠭ ᠵᠢᠷᠤᠵᠤ᠂ ᠮ ∙ ᠡᠩᠬᠡᠪᠣᠯᠤᠳ ᠢ ᠣᠭᠴᠣᠷᠠᠬᠤ ᠬᠦᠷᠲᠡᠯᠡ ᠴᠢᠭᠤᠯᠭᠠᠨ ᠳᠦ ᠰᠠᠭᠤᠬᠤ ᠦᠭᠡᠢ ᠪᠠᠶᠢᠬᠤ ᠪᠠᠷ ᠰᠠᠨᠠᠯ ᠨᠢᠭᠡᠳᠦᠭᠰᠡᠨ ᠭᠡᠵᠦ ᠲᠣᠳᠣᠳᠬᠠᠭᠰᠠᠨ ᠶᠤᠮ᠃
ᠵ∙ᠪᠠᠲᠤᠽᠠᠨᠳᠠᠨ ᠭᠡᠰᠢᠭᠦᠨ ᠄ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ 40 ᠭᠠᠷᠤᠢ ᠭᠡᠰᠢᠭᠦᠨ ᠭᠠᠷ ᠤᠨ ᠦᠰᠦᠭ ᠢᠶᠡᠨ ᠵᠢᠷᠤᠭᠰᠠᠨ᠃ 60 ᠲᠡᠷᠪᠤᠮ ᠲᠠᠢ ᠬᠣᠯᠪᠣᠭᠠᠲᠠᠢ ᠠᠰᠠᠭᠤᠳᠠᠯ ᠢ ᠭᠠᠴᠢᠭᠠᠭᠰᠠᠭᠠᠷ ᠪᠠᠶᠢᠭᠠ ᠮᠥᠷᠲᠡᠯᠡ ᠵᠠᠰᠠᠭ ᠤᠨ ᠭᠠᠵᠠᠷ ᠢ ᠣᠭᠴᠣᠷᠠᠭᠤᠯᠬᠤ ᠠᠰᠠᠭᠤᠳᠠᠯ ᠢ ᠬᠡᠯᠡᠯᠴᠡᠬᠦ ᠭᠡᠵᠦ ᠪᠠᠶᠢᠭᠠ ᠨᠢ ᠪᠤᠷᠤᠭᠤ᠃ ᠮ ∙ ᠡᠩᠬᠡᠪᠣᠯᠤᠳ ᠢ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠠᠴᠠ ᠪᠠᠨ ᠤᠭᠴᠤᠷᠠᠬᠤ ᠦᠭᠡᠢ ᠪᠤᠯ ᠴᠢᠭᠤᠯᠭᠠᠨ ᠳᠤ ᠰᠠᠭᠤᠬᠤ ᠦᠭᠡᠢ ᠭᠡᠰᠡᠨ ᠪᠠᠶᠢᠷᠢ ᠰᠠᠭᠤᠷᠢᠨ ᠳᠡᠭᠡᠷᠡ ᠭᠡᠰᠢᠭᠦᠳ ᠨᠢᠭᠡᠳᠦᠭᠡᠳ ᠪᠠᠶᠢᠨᠠ ᠭᠡᠪᠡ᠃
ᠯ∙ᠪᠣᠯᠣᠳ ᠭᠡᠰᠢᠭᠦᠨ ᠄ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠫᠠᠷᠯᠠᠮᠧᠨᠲ ᠢ ᠬᠡᠪ ᠦᠨ ᠠᠵᠢᠯᠯᠠᠭᠤᠯᠬᠤ ᠡᠭᠦᠷᠭᠡ ᠲᠡᠢ᠃ ᠭᠡᠲᠡᠯᠡ ᠦᠪᠡᠷ ᠲᠦ ᠠᠰᠢᠭᠲᠠᠢ ᠪᠠᠶᠢᠳᠠᠯ ᠢᠶᠠᠷ ᠴᠢᠭᠤᠯᠭᠠᠨ ᠤ ᠨᠢᠭᠡᠳᠦᠭᠰᠡᠨ ᠬᠤᠷᠠᠯᠳᠤᠭᠠᠨ ᠢ ᠬᠥᠲᠥᠯᠦᠨ ᠶᠠᠪᠤᠭᠤᠯᠵᠤ ᠪᠠᠶᠢᠨᠠ᠃ ᠡᠶᠢᠮᠦ ᠪᠠᠶᠢᠳᠠᠯ ᠢᠶᠠᠷ ᠴᠠᠰᠢ ᠪᠠᠨ ᠶᠠᠪᠤᠬᠤ ᠶᠤᠮ ᠪᠣᠯ ᠫᠠᠷᠠᠯᠮᠧᠨᠲ ᠤᠨ ᠲᠣᠭᠲᠠᠯᠴᠠᠭᠠ ᠠᠯᠳᠠᠭᠳᠠᠬᠤ ᠳᠤ ᠬᠦᠷᠦᠨᠡ ᠭᠡᠪᠡ᠃
ᠯ∙ᠣᠶᠤᠨ-ᠡᠷᠳᠡᠨᠢ ᠭᠡᠰᠢᠭᠦᠨ᠄ ᠮᠣᠩᠭᠣᠯ ᠤᠨ ᠲᠥᠷᠥ ᠶᠢ ᠬᠡᠳᠦᠬᠡᠨ ᠲᠣᠮᠣ ᠺᠣᠮᠫᠠᠨᠢ ᠨᠤᠭᠤᠳ ᠤᠳᠤᠷᠢᠳᠴᠤ ᠪᠠᠶᠢᠨᠠ᠃ ᠦᠨᠳᠦᠰᠦᠨ ᠬᠠᠤᠯᠢ ᠶᠢᠨ ᠰᠡᠴᠡ ᠬᠦᠷᠲᠡᠯᠡ ᠮ∙ᠡᠩᠬᠡᠪᠣᠯᠤᠳ ᠲᠤ ᠦᠢᠯᠡᠴᠢᠯᠡᠵᠦ ᠪᠠᠶᠢᠨᠠ᠃ ᠡᠨᠡ ᠬᠦᠮᠦᠨ ᠡᠴᠡ ᠪᠣᠯᠵᠤ ᠫᠠᠷᠯᠠᠮᠧᠨᠲ ᠲᠠᠷᠠᠬᠤ᠂ ᠵᠠᠰᠠᠭ ᠣᠭᠴᠣᠷᠠᠬᠤ ᠬᠡᠮᠵᠢᠶᠡᠨ ᠳᠦ ᠬᠦᠷᠦᠯᠡ ᠃ ᠶᠠᠮᠠᠷ ᠲᠣᠮᠣ ᠡᠷᠬᠡ ᠮᠡᠳᠡᠯ ᠪᠤᠢ ᠭᠡᠪᠡ᠃
