ᠮᠣᠩᠭᠣᠯ ᠭᠧᠷᠮᠠᠨ ᠤ ᠬᠠᠮᠲᠤᠷᠠᠭᠰᠠᠨ ᠠᠷᠬᠧᠣᠯᠣᠭᠢᠴᠢᠳ ᠤᠨ ᠪᠠᠭ 2007 ᠣᠨ ᠠᠴᠠ ᠤᠶᠢᠭᠤᠷ ᠤᠨ ᠨᠡᠶᠢᠰᠯᠡᠯ ᠬᠠᠷᠠ ᠪᠠᠯᠭᠠᠰᠤ ᠬᠣᠲᠠ ᠶᠢ ᠰᠤᠳᠤᠯᠵᠤ ᠪᠤᠢ ᠶᠤᠮ᠃ ᠬᠠᠷᠠ ᠪᠠᠯᠭᠠᠰᠤ ᠬᠣᠲᠠ ᠨᠢ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠦ ᠡᠭᠦᠰᠦᠨ ᠪᠤᠢ ᠪᠣᠯᠤᠭᠰᠠᠨ ᠪᠥᠭᠡᠳ 200 ᠍ ᠊ᠭᠠᠳ ᠵᠢᠯ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠰᠤᠳᠤᠯᠭᠠᠨ ᠤ ᠦᠶᠡ ᠪᠡᠷ ᠬᠠᠷᠠ ᠪᠠᠯᠭᠠᠰᠤ ᠶᠢᠨ ᠣᠷᠳᠣᠨ ᠬᠣᠲᠠ ᠠᠴᠠ ᠨᠠᠷᠢᠨ ᠬᠢᠴᠡ᠂ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠪᠦᠬᠦᠢ ᠬᠤᠳᠳᠤᠭ ᠢ ᠨᠡᠭᠡᠭᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠲᠠᠯᠠ ᠪᠠᠷ ᠲᠡᠦᠬᠡ᠂ ᠠᠷᠬᠧᠣᠯᠣᠭᠢ ᠶᠢᠨ ᠬᠦᠷᠢᠶᠡᠯᠡᠩ ᠦᠨ ᠠᠵᠢᠯᠲᠠᠨ ᠲ∙ᠪᠠᠲᠤᠪᠠᠶᠠᠷ ᠶᠠᠷᠢᠬᠤ ᠳᠤ ᠪᠠᠨ ᠄ ᠬᠠᠭᠠᠨ ᠤ ᠣᠷᠳᠣᠨ ᠬᠣᠲᠠ ᠶᠢᠨ ᠶᠡᠬᠡ ᠬᠡᠷᠡᠮ ᠦᠨ ᠵᠡᠭᠦᠨ ᠤᠷᠳᠤ ᠪᠤᠯᠤᠨ ᠳᠤ 60X 70 ᠮᠧᠲ᠋ᠷ ᠦᠨ ᠬᠡᠮᠵᠢᠶᠡ ᠲᠡᠢ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠠᠴᠠ 14-15 ᠮᠧᠲ᠋ᠷ ᠭᠠᠷᠤᠢ ᠥᠨᠳᠥᠷᠯᠡᠭᠰᠡᠨ ᠬᠡᠰᠡᠭ ᠪᠤᠢ᠃ ᠡᠨᠡ ᠬᠡᠰᠡᠭ ᠡᠴᠡ ᠡᠷᠲᠡᠨ ᠦ ᠬᠤᠳᠳᠤᠭ ᠢᠯᠡᠷᠡᠭᠰᠡᠨ᠃ 13 ᠣᠷᠴᠢᠮ ᠮᠧᠲ᠋ᠷ ᠦᠨ ᠭᠦᠨ ᠲᠡᠢ᠃ ᠬᠣᠨᠣᠭ ᠲᠤ 20 ᠭᠠᠷᠤᠢ ᠲᠣᠨ ᠤᠰᠤ ᠭᠠᠷᠭᠠᠬᠤ ᠬᠦᠴᠦᠨ ᠴᠢᠳᠠᠯ ᠲᠠᠢ ᠬᠤᠳᠳᠤᠭ ᠪᠠᠶᠢᠭᠰᠠᠨ ᠢ ᠤᠷᠢᠳᠴᠢᠯᠠᠭᠰᠠᠨ ᠪᠠᠶᠢᠳᠠᠯ ᠢᠶᠠᠷ ᠲᠣᠭᠲᠠᠭᠠᠭᠰᠠᠨ ᠭᠡᠪᠡ᠃ ᠮᠥᠨ ᠮᠠᠯᠲᠠᠯᠭᠠ ᠶᠢᠨ ᠶᠠᠪᠤᠴᠠ ᠳᠤ ︽ᠵᠢᠷᠭᠤᠭᠠᠨ ᠬᠥᠭ᠂ ᠨᠠᠢᠮᠠᠨ ᠠᠶᠠᠯᠭᠤ 10 ᠲᠩᠷᠢ ᠳᠠᠭᠤᠷᠢᠰᠬᠤᠶᠠ》 ᠬᠡᠮᠡᠬᠦ ᠤᠳᠬᠠ ᠲᠠᠢ ᠨᠠᠩᠭᠢᠶᠠᠳ ᠪᠢᠴᠢᠭ ᠲᠡᠢ ᠬᠦᠷᠡᠯ ᠬᠣᠩᠬᠣ ᠣᠯᠳᠠᠵᠠᠢ᠃ ᠲᠤᠰ ᠬᠣᠩᠬᠣ ᠶᠢ 1200 ᠵᠢᠯ ᠦᠨ ᠳᠠᠷᠠᠭᠠ ᠳᠤᠤᠭᠠᠷᠭᠠᠬᠤ ᠳᠤ ᠬᠥᠭ ᠡᠭᠡᠰᠢᠭ ᠨᠢ ᠠᠯᠳᠠᠭᠳᠠᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠭᠡᠨᠡ ᠃
