ᠬᠥᠰᠢᠭᠡ ᠶᠢᠨ ᠬᠥᠨᠳᠡᠢ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠨᠢᠰᠬᠦ ᠣᠩᠭᠣᠴᠠᠨ ᠤ ᠪᠠᠭᠤᠳᠠᠯ ᠤᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ ᠠᠵᠢᠯ ᠥᠨᠥᠳᠥᠷ ᠦᠨ ᠪᠠᠶᠢᠳᠠᠯ ᠢᠶᠠᠷ 98 ᠬᠤᠪᠢ ᠲᠠᠢ᠂ ᠨᠢᠰᠬᠦ ᠪᠠᠭᠤᠳᠠᠯ ᠬᠦᠷᠬᠦ ᠬᠤᠷᠳᠤᠨ ᠤ ᠵᠠᠮ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠬᠤ ᠳᠤ ᠪᠡᠯᠡᠨ᠂ ᠲᠡᠮᠳᠡᠭ ᠲᠡᠮᠳᠡᠭᠯᠡᠭᠡ᠂ ᠭᠡᠷᠡᠯᠲᠦᠭᠦᠯᠭᠡ ᠶᠢᠨ ᠠᠵᠢᠯ ᠦᠯᠡᠳᠡᠭᠡᠳ ᠪᠠᠶᠢᠭᠠ ᠶᠢ ᠭᠦᠢᠴᠡᠳᠭᠡᠭᠴᠢ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠲᠥᠯᠦᠭᠡᠯᠡᠯ ᠬᠡᠯᠡᠵᠦ ᠪᠠᠶᠢᠨᠠ᠃ ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠢ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠲᠠᠯᠠ ᠠᠴᠠ ᠪᠠᠨ ᠠᠰᠢᠭᠯᠠᠯᠲᠨ ᠳᠤ ᠣᠷᠣᠭᠤᠯᠬᠤ ᠳᠤ ᠡᠶᠢᠨ ᠬᠦ ᠪᠡᠯᠡᠨ ᠪᠠᠶᠢᠭᠠ ᠬᠡᠳᠦᠢ ᠴᠤ ᠨᠡᠮᠡᠯᠲᠡ ᠭᠡᠷᠡ ᠪᠡᠷ ᠵᠠᠷᠢᠮ ᠠᠵᠢᠯ ᠢ ᠰᠢᠨᠡ ᠪᠡᠷ ᠬᠢᠬᠦ ᠪᠡᠷ ᠪᠣᠯᠤᠭᠰᠠᠨ᠂ ᠮᠥᠨ ᠶᠠᠫᠣᠨ ᠤᠯᠤᠰ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠬᠡᠯᠡᠯᠴᠡᠭᠡᠷ ᠳᠡᠭᠡᠷᠡ ᠺᠤᠨᠴᠸᠰᠰ ᠤᠨ ᠭᠡᠷᠡ ᠶᠢᠨ ᠬᠤᠭᠤᠴᠠᠭᠠ ᠶᠢ ᠲᠣᠬᠢᠷᠠᠯᠴᠠᠨ ᠡᠴᠦᠰᠯᠡᠬᠦ ᠭᠡᠰᠡᠨ ᠰᠢᠯᠲᠠᠭᠠᠨ ᠨᠤᠭᠤᠳ ᠢᠶᠠᠷ ᠪᠠᠭᠤᠳᠠᠯ ᠢ ᠬᠦᠯᠢᠶᠡᠨ ᠠᠪᠬᠤ ᠠᠵᠢᠯ ᠬᠣᠶᠢᠰᠢᠯᠠᠭᠳᠠᠭᠠᠳ ᠪᠠᠶᠢᠭᠠ ᠶᠢ ᠠᠯᠪᠠᠨ ᠤ ᠬᠢᠨ ᠬᠡᠯᠡᠵᠦ ᠪᠠᠶᠢᠨᠠ᠃
ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠤᠨ ᠳᠡᠳ᠋ ᠳᠠᠷᠤᠭᠠ ᠰ∙ᠮᠦᠩᠬᠡᠨᠠᠰᠤᠨ ᠤ ᠬᠡᠯᠡᠵᠦ ᠪᠤᠢ ᠪᠠᠷ ᠬᠣᠶᠠᠷ ᠲᠠᠯᠠ ᠶᠢᠨ ᠬᠡᠯᠡᠯᠴᠡᠭᠡᠷ ᠺᠤᠨᠴᠸᠰᠰ ᠤᠨ ᠰᠠᠨᠠᠯ ᠢ ᠡᠴᠦᠰᠯᠡᠨ ᠲᠤᠬᠢᠷᠠᠭᠠ ᠦᠭᠡᠢ ᠂ ᠰᠠᠩᠬᠦᠦ ᠪᠣᠯᠤᠨ ᠲᠧᠭᠨᠢᠭ ᠦᠨ ᠰᠠᠨᠠᠯ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠠᠶᠢᠳᠠᠯ ᠢᠶᠠᠷ ᠶᠠᠪᠤᠵᠤ ᠪᠠᠶᠢᠨᠠ ᠭᠡᠪᠡ᠃ ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠬᠠᠮᠲᠤ ᠶᠢᠨ ᠠᠵᠢᠯᠯᠠᠭᠠᠨ ᠪᠣᠯᠤᠨ ᠺᠤᠨᠴᠸᠰᠰ ᠤᠨ ᠭᠡᠷᠡ ᠳᠦ ᠣᠳᠣ ᠶᠢᠨ ᠪᠠᠶᠢᠳᠠᠯ ᠢᠶᠠᠷ ᠨᠢᠰᠬᠦ ᠪᠠᠭᠤᠳᠠᠯ ᠢ ᠶᠠᠫᠣᠨ ᠤ ᠲᠠᠯᠠ 51᠂ ᠮᠣᠩᠭᠣᠯ ᠤᠨ ᠲᠠᠯᠠ 49 ᠬᠤᠪᠢ ᠶᠢ ᠡᠵᠡᠮᠰᠢᠨᠡ ᠭᠡᠵᠦ ᠵᠢᠭᠠᠭᠠᠳ ᠪᠠᠶᠢᠭᠠ ᠶᠤᠮ᠃ ᠮᠥᠨ ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠠᠰᠢᠭᠯᠠᠯᠲᠠ ᠶᠢᠨ ᠲᠠᠯᠠ ᠳᠡᠭᠡᠷᠡ ᠶᠠᠫᠣᠨ ᠤ ᠲᠠᠯᠠ 30 ᠵᠢᠯ ᠭᠡᠰᠡᠨ ᠬᠤᠭᠤᠴᠠᠭᠠ ᠵᠢᠭᠠᠭᠠᠳ ᠪᠠᠶᠢᠭᠠ ᠪᠣᠯ ᠮᠠᠨ ᠤ ᠲᠠᠯᠠ ᠠᠴᠠ 15 ᠵᠢᠯ ᠭᠡᠰᠡᠨ ᠰᠠᠨᠠᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠭᠡᠳ ᠪᠠᠶᠢᠭᠠ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ ᠮᠥᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ ᠲᠠᠯᠠ ᠳᠡᠭᠡᠷᠡ ᠦᠨᠳᠦᠰᠦᠨ ᠭᠡᠷᠡ ᠳᠦ ᠵᠢᠭᠠᠭᠰᠠᠨ ᠠᠵᠢᠯ ᠤᠳ ᠢ ᠪᠦᠷᠢᠨ ᠭᠦᠢᠴᠡᠳᠭᠡᠭᠰᠡᠨ ᠪᠣᠯᠪᠠᠴᠤ ᠨᠡᠮᠡᠯᠲᠡ ᠭᠡᠷᠡ ᠪᠡᠷ ᠵᠠᠷᠢᠮ ᠠᠵᠢᠯ ᠢ ᠰᠢᠨᠡ ᠪᠡᠷ ᠬᠢᠬᠦ ᠪᠡᠷ ᠪᠣᠯᠤᠭᠰᠠᠨ ᠲᠤᠯᠠ ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠢ ᠠᠰᠢᠭᠯᠠᠬᠤ ᠠᠵᠢᠯ ᠢᠷᠡᠬᠦ ᠣᠨ ᠤ ᠲᠠᠪᠤᠳᠤᠭᠠᠷ ᠰᠠᠷᠠ ᠬᠦᠷᠲᠡᠯᠡ ᠬᠦᠯᠢᠶᠡᠭᠳᠡᠬᠦ ᠲᠥᠯᠥᠪ ᠲᠡᠢ ᠪᠠᠶᠢᠭᠠ ᠶᠢ ᠠᠯᠪᠠᠨ ᠤ ᠬᠢᠨ ᠰᠡᠳᠬᠦᠯᠴᠢᠳ ᠲᠦ ᠮᠡᠳᠡᠭᠡᠯᠡᠯᠡ᠃