ᠪᠠᠭᠠ ᠨᠠᠰᠤᠨ ᠤ ᠬᠡᠦᠬᠡᠳ ᠬᠦᠴᠦᠷᠬᠡᠶᠢᠯᠡᠯ ᠳᠦ ᠥᠷᠲᠥᠵᠦ ᠪᠠᠶᠢᠭᠠ ᠲᠠᠯᠠ ᠪᠠᠷ ᠴᠠᠭᠳᠠᠭᠠ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠠᠴᠠ ᠮᠡᠳᠡᠭᠡᠯᠡᠯ ᠥᠭᠭᠦᠯᠡ᠃ ᠴᠠᠭᠳᠠᠭᠠ ᠶᠢᠨ ᠶᠡᠷᠦᠩᠬᠡᠢ ᠭᠠᠵᠠᠷ ᠤᠨ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠠᠯᠪᠠᠨ ᠤ ᠠᠬᠠᠯᠠᠬᠤ ᠮᠡᠷᠭᠡᠵᠢᠯᠲᠡᠨ ᠭ∙ᠵᠣᠯᠵᠢᠷᠭᠠᠯ ᠄ 2018 ᠣᠨ ᠤ ᠡᠬᠢᠨ ᠦ 9 ᠰᠠᠷᠠ ᠶᠢᠨ ᠪᠠᠶᠢᠳᠠᠯ ᠢᠶᠠᠷ 13 ᠬᠦᠷᠲᠡᠯᠡᠬᠢ ᠨᠠᠰᠤᠨ ᠤ 79 ᠬᠡᠦᠬᠡᠳ ᠬᠦᠴᠦᠨ ᠦ ᠬᠡᠷᠡᠭ ᠦᠨ ᠬᠣᠬᠢᠷᠠᠭᠴᠢ ᠪᠣᠯᠤᠭᠠᠳ ᠪᠠᠶᠢᠨᠠ᠃ ᠬᠦᠴᠦᠨ ᠦ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠦᠭᠰᠡᠨ ᠬᠦᠮᠦᠰ ᠦᠨ 54 ᠣᠷᠴᠢᠮ ᠬᠤᠪᠢ ᠨᠢ ᠠᠷᠢᠬᠢᠨ ᠤ ᠬᠠᠮᠢᠶᠠᠷᠤᠯ ᠲᠠᠢ᠂ ᠡᠷᠬᠢᠯᠡᠭᠰᠡᠨ ᠲᠣᠳᠣᠷᠬᠠᠢ ᠠᠵᠢᠯ ᠦᠭᠡᠢ ᠡᠲᠡᠭᠡᠳ ᠦᠳ ᠪᠠᠶᠢᠨᠠ᠃ ᠡᠭᠦᠨ ᠡᠴᠡ 59 ᠬᠣᠯᠪᠣᠭᠳᠠᠭᠴᠢ ᠣᠶᠢᠷᠠ ᠳᠤᠲᠤᠨᠤ ᠶᠢᠨ ᠪᠣᠯᠤᠨ ᠲᠠᠨᠢᠯ ᠬᠦᠮᠦᠰ ᠬᠦᠴᠦᠨ ᠦ ᠭᠡᠮᠲᠦ ᠬᠡᠷᠡᠭ ᠦᠨ ᠬᠤᠯᠪᠤᠭᠳᠠᠭᠴᠢ ᠪᠣᠯᠤᠭᠰᠠᠨ᠃ ᠵᠠᠳᠠᠯᠤᠭᠠᠳ ᠦᠵᠡᠪᠡᠯ ᠦᠯᠦ ᠲᠠᠨᠢᠬᠤ ᠬᠦᠮᠦᠨ 8᠂ ᠡᠴᠢᠭᠡ ᠡᠬᠡ ᠶᠢᠨ ᠨᠠᠶᠢᠵᠠ 1᠂ ᠲᠦᠷᠦᠭᠰᠡᠨ ᠡᠴᠢᠭᠡ 3᠂ ᠬᠤᠶᠢᠳᠤ ᠡᠴᠢᠭᠡ 9᠂ ᠬᠦᠷᠭᠡᠨ ᠠᠬᠠ 2᠂ ᠲᠦᠷᠦᠭᠰᠡᠨ ᠠᠬᠠ 2᠂ ᠠᠪᠠᠭᠠ ᠠᠬᠠ 2᠂ ᠨᠠᠭᠠᠴᠤ ᠠᠬᠠ 4᠂ ᠡᠪᠦᠭᠡ 2᠂ ᠵᠢᠰᠦ ᠲᠠᠨᠢᠬᠤ ᠬᠦᠮᠦᠨ 26 ᠭᠡᠳ ᠶᠡᠬᠡᠪᠴᠢᠯᠡᠨ ᠤᠷᠤᠭ ᠲᠥᠷᠥᠯ ᠦᠨ ᠪᠤᠶᠤ ᠭᠡᠷ ᠪᠦᠯᠢ ᠶᠢᠨ ᠬᠠᠮᠢᠶᠠᠷᠤᠯ ᠪᠦᠬᠦᠢ ᠡᠲᠡᠭᠡᠳ ᠦᠳ ᠡᠨᠡ ᠲᠥᠷᠥᠯ ᠦᠨ ᠭᠡᠮᠲᠦ ᠬᠡᠷᠡᠭ ᠢ ᠦᠢᠯᠡᠳᠦᠭᠰᠡᠨ ᠪᠠᠶᠢᠨᠠ᠃
