ᠮᠣᠩᠭᠣᠯ ᠤᠨ ᠰᠢᠪᠠᠭᠤ ᠬᠠᠮᠠᠭᠠᠯᠠᠬᠤ ᠲᠥᠪ᠂ ᠳᠣᠷᠣᠨᠠᠲᠤ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠵᠠᠬᠢᠷᠭᠠ ᠪᠣᠯᠤᠨ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠤᠨ Beijing Forestry ᠰᠤᠷᠭᠠᠭᠤᠯᠢ ᠶᠢᠨ ᠰᠤᠳᠤᠯᠤᠭᠠᠴᠢᠳ ᠤᠨ ᠪᠠᠭ ᠬᠠᠮᠲᠤᠷᠠᠨ ᠮᠣᠩᠭᠣᠯ ᠣᠷᠣᠨ ᠤ ᠲᠥᠪ ᠪᠣᠯᠤᠨ ᠵᠡᠭᠦᠨ ᠪᠥᠰᠡ ᠶᠢᠨ ᠬᠣᠪᠣᠷ ᠰᠢᠪᠠᠭᠤᠳ ᠤᠨ ᠦᠷᠡᠵᠢᠯ ᠂ ᠨᠡᠭᠦᠳᠡᠯ ᠦᠨ ᠰᠤᠳᠤᠯᠭᠠ ᠶᠢ ᠬᠢᠵᠡᠢ᠃ ᠲᠡᠳᠡ ᠬᠣᠪᠣᠷᠳᠠᠵᠤ ᠪᠤᠢ ᠵᠢᠷᠭᠤᠭᠠᠨ ᠲᠥᠷᠥᠯ ᠦᠨ ᠰᠢᠪᠠᠭᠤᠨ ᠳᠤ ᠰᠠᠨᠰᠠᠷ ᠤᠨ ᠳᠠᠮᠵᠢᠭᠤᠯᠤᠭᠴᠢ ᠵᠡᠭᠦᠵᠦ ᠨᠡᠭᠦᠳᠡᠯ᠂ ᠰᠢᠯᠵᠢᠯᠲᠡ ᠬᠥᠳᠡᠯᠭᠡᠭᠡᠨ ᠢ ᠨᠢ ᠲᠠᠩᠳᠠᠵᠤ ᠪᠠᠶᠢᠭᠠ ᠠᠵᠠᠢ᠃
ᠲᠤᠬᠠᠶᠢᠯᠠᠪᠠᠯ᠂ ᠬᠠᠷᠠ ᠲᠣᠭᠣᠷᠤᠤ ᠮᠠᠨ ᠤ ᠣᠷᠣᠨ ᠳᠤ ᠦᠷᠡᠵᠢᠳᠡᠭ ᠦᠭᠡᠢ᠂ ᠨᠡᠭᠦᠳᠡᠯ ᠦᠨ ᠦᠶᠡ ᠳᠦ ᠪᠡᠨ ᠯᠠ ᠭᠣᠣᠯ ᠲᠥᠯᠥᠪ ᠲᠣᠬᠢᠶᠠᠯᠳᠤᠳᠠᠭ ᠪᠣᠯᠪᠠᠴᠤ ᠵᠠᠷᠢᠮ ᠵᠢᠯ ᠵᠤᠰᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠡᠨᠡ ᠵᠦᠢᠯ ᠦᠨ ᠲᠤᠭᠤᠷᠤᠤ ᠨᠤᠭᠤᠳ ᠤᠨ ᠮᠣᠩᠭᠣᠯ ᠳ᠋ᠡᠬᠢ ᠨᠡᠭᠦᠳᠡᠯ ᠦᠨ ᠠᠩᠬᠠᠨ ᠤ ᠰᠤᠳᠤᠯᠭᠠ ᠶᠢ ᠥᠩᠭᠡᠷᠡᠭᠰᠡᠨ ᠲᠠᠪᠤᠳᠤᠭᠠᠷ ᠰᠠᠷᠠ ᠠᠴᠠ ᠤᠯᠵᠠ ᠭᠣᠣᠯ ᠠᠴᠠ ᠡᠬᠢᠯᠡᠭᠦᠯᠵᠡᠢ᠃ ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠡᠴᠡ ᠬᠠᠷᠠᠬᠤ ᠳᠤ ᠬᠠᠷᠠ ᠲᠣᠭᠣᠷᠤᠤ ᠮᠣᠩᠭᠣᠯ ᠨᠤᠲᠤᠭ ᠠᠴᠠ ᠵᠡᠭᠦᠨ ᠬᠣᠶᠢᠰᠢ ᠣᠷᠣᠰ ᠦᠨ ᠨᠤᠲᠤᠭ ᠳᠠᠬᠢ ᠲᠠᠷᠢ ᠨᠠᠭᠤᠷ ᠬᠦᠷᠴᠦ ᠲᠡᠨᠳᠡ ᠡᠴᠡ ᠪᠡᠨ ᠣᠨᠣᠨ ᠮᠥᠷᠡᠨ ᠦ ᠰᠠᠪᠠ ᠭᠠᠵᠠᠷ ᠢᠶᠠᠷ ᠳᠠᠮᠵᠢᠨ ᠵᠡᠭᠦᠨ ᠬᠣᠶᠢᠰᠢ ᠡᠷᠭᠢᠨ ᠣᠢ ᠬᠥᠪᠴᠢ ᠶᠢᠨ ᠪᠦᠰᠡ ᠪᠡᠷ ᠳᠠᠮᠵᠢᠨ ᠠᠮᠤᠷ ᠮᠥᠷᠡᠨ ᠦ ᠰᠠᠪᠠ ᠭᠠᠵᠠᠷ ᠢ ᠳᠠᠭᠠᠨ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠤᠨ ᠵᠡᠭᠦᠨ ᠬᠣᠶᠢᠲᠤ ᠬᠡᠰᠡᠭ ᠲᠦ ᠬᠦᠷᠳᠡᠭ ᠨᠢ ᠲᠣᠭᠲᠠᠭᠠᠭᠳᠠᠭᠰᠠᠨ ᠪᠠᠶᠢᠨᠠ᠃
ᠶᠠᠭ ᠣᠳᠣ ᠬᠢᠵᠦ ᠪᠠᠶᠢᠭᠠ ᠰᠤᠳᠤᠯᠭᠠ ᠪᠠᠷ ᠤᠯᠵᠠ ᠭᠣᠣᠯ ᠠᠴᠠ ᠨᠢᠰᠦᠭᠰᠡᠨ ᠬᠣᠨᠢᠨ ᠲᠣᠭᠣᠳᠠᠭ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠴᠠᠭᠠᠨ-ᠣᠪᠣᠭᠠ ᠰᠤᠮᠤ ᠶᠢᠨ ᠨᠤᠲᠤᠭ ᠲᠤ ᠰᠠᠭᠠᠳᠠᠭᠠᠳ ᠤᠷᠤᠭᠰᠢ ᠪᠠᠨ ᠨᠡᠭᠦᠳᠡᠯᠯᠡᠨ ᠦᠪᠦᠷ ᠮᠤᠩᠭᠤᠯ ᠤᠨ ᠨᠤᠲᠤᠭ ᠲᠤ ᠬᠦᠷᠦᠭᠡᠳ ᠪᠠᠶᠢᠭᠠ ᠠᠵᠠᠢ ᠃ ᠮᠥᠨ ᠮᠠᠨ ᠤ ᠣᠷᠣᠨ ᠤ ᠲᠥᠪ ᠦᠨ ᠪᠥᠰᠡ ᠡᠴᠡ ᠨᠢᠰᠦᠭᠰᠡᠨ ᠡᠪᠦᠭᠡᠲᠦ ᠲᠣᠭᠣᠷᠤᠤ ᠨᠤᠭᠤᠳ ᠾᠢᠮᠠᠯᠢ ᠶᠢᠨ ᠠᠭᠤᠯᠠᠰ ᠬᠦᠷᠴᠦ ᠬᠣᠶᠢᠲᠤ ᠪᠡᠯ ᠳᠦ ᠨᠢ ᠲᠦᠷᠢ ᠰᠠᠭᠠᠳᠠᠭᠠᠳ ᠪᠠᠶᠢᠭᠠ ᠶᠢ ᠲᠣᠭᠲᠠᠭᠠᠭᠠᠳ ᠪᠠᠶᠢᠭᠠ ᠠᠵᠢ᠃
