ᠶᠠᠫᠣᠨ ᠤ ᠮᠡᠷᠭᠡᠵᠢᠯ ᠦᠨ ᠰᠦᠮᠦᠦ ᠪᠥᠬᠡ ᠶᠢᠨ 70 ᠳ᠋ᠡᠬᠢ ᠶᠡᠬᠡ ᠠᠪᠤᠷᠭᠤ ᠬᠠᠷᠤᠮᠠᠹᠦ᠋ᠵᠢ ᠳ∙ ᠪᠢᠮᠪᠠᠳᠣᠷᠵᠢ ᠶᠢᠨ ᠵᠣᠳᠣᠭ ᠲᠠᠶᠢᠯᠬᠤ ᠶᠣᠰᠣᠯᠠᠯ 09.30 ᠳᠤ ᠶᠠᠫᠣᠨ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠲᠤᠤᠺᠢᠤ᠋ ᠬᠤᠲᠠᠨᠠ ᠪᠣᠯᠤᠯᠠ᠃ ᠡᠨᠡᠬᠦ ᠶᠣᠰᠣᠯᠠᠯ ᠨᠢ ᠦᠰᠦ ᠠᠪᠬᠤ ᠶᠣᠰᠣᠯᠠᠯ ᠪᠤᠶᠤ ᠪᠥᠬᠡ ᠶᠢᠨ ᠵᠠᠮᠨᠠᠯ ᠢᠶᠠᠨ ᠳᠠᠭᠤᠰᠬᠠᠵᠤ ᠪᠤᠢ ᠶᠢ ᠢᠯᠡᠳᠬᠡᠭᠰᠡᠨ ᠠᠭᠤᠯᠭᠠ ᠲᠠᠢ ᠶᠤᠮ᠃ ᠬᠠᠷᠤᠮᠠᠹᠦ᠋ᠵᠢ ᠳ∙ᠪᠢᠮᠪᠠᠳᠣᠷᠵᠢ ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ᠳᠡᠪᠵᠢᠶᠡᠨ ᠳᠦ ᠭᠠᠷᠴᠤ᠂ ︽ᠶᠣᠺᠣᠽᠦᠨᠠ ᠳ᠋ᠤᠾᠶᠤ᠋ ᠢᠷᠢ》 ᠶᠣᠰᠣᠯᠠᠯ ᠢ ᠬᠢᠯᠡ᠃
ᠳ∙ᠪᠢᠮᠪᠠᠳᠣᠷᠵᠢ 28 ᠨᠠᠰᠤᠨ ᠳᠤ ᠪᠠᠨ ᠶᠠᠫᠣᠨ ᠤ ᠮᠡᠷᠭᠡᠵᠢᠯ ᠦᠨ ᠰᠦᠮᠦᠦ ᠪᠥᠬᠡ ᠶᠢᠨ ᠮᠠᠺᠦᠴᠢ ᠪᠤᠶᠤ ᠳᠡᠭᠡᠳᠦ ᠵᠢᠨᠳᠠᠭᠠ ᠶᠢᠨ 2012 ᠣᠨ ᠤ ᠳᠣᠯᠣᠭᠠ᠂ ᠶᠢᠰᠦᠳᠦᠭᠡᠷ ᠰᠠᠷᠠ ᠳᠤ ᠳᠠᠷᠠᠭᠠᠯᠠᠨ ᠲᠦᠷᠦᠭᠦᠯᠡᠭᠰᠡᠨ ᠢᠶᠡᠷ 70 ᠳ᠋ᠡᠬᠢ ᠶᠡᠬᠡ ᠠᠪᠤᠷᠭᠤ ᠴᠣᠯᠠ ᠬᠦᠷᠲᠡᠭᠰᠡᠨ ᠪᠠᠶᠢᠳᠠᠭ᠃ ᠲᠡᠷᠡ ᠪᠡᠷ ᠭᠠᠳᠠᠭᠠᠳᠤ ᠶᠢᠨ ᠲᠠᠪᠤᠳᠠᠬᠢ ᠂ ᠮᠣᠩᠭᠣᠯ ᠤᠨ ᠭᠤᠷᠪᠠᠳᠠᠬᠢ ᠶᠡᠬᠡ ᠠᠪᠤᠷᠭᠤ ︵ᠶᠣᠺᠣᠽᠦᠨᠠ︶ ᠴᠣᠯᠠᠲᠠᠨ ᠢᠶᠠᠷ ᠲᠣᠳᠣᠷᠠᠵᠤ ᠪᠠᠶᠢᠭᠰᠠᠨ ᠬᠦᠴᠦᠲᠡᠨ ᠪᠢᠯᠡ᠃
ᠢᠳᠡ ᠡᠷᠴᠢᠲᠡᠢ ᠦᠶᠡ ᠳᠤ ᠪᠠᠨ ᠰᠦᠮᠦᠦ ᠍ ᠶᠢᠨ ᠳᠡᠪᠵᠢᠶᠡ ᠶᠢ ᠣᠷᠬᠢᠵᠤ ᠪᠠᠶᠢᠭᠠ ᠨᠢ ᠮᠣᠩᠭᠣᠯᠴᠤᠳ ᠤᠨ ᠲᠡᠳᠦᠢ ᠦᠭᠡᠢ ᠶᠠᠫᠣᠨᠴᠤᠳ ᠤᠨ ᠰᠡᠳᠬᠢᠯ ᠳᠦ ᠬᠠᠷᠠᠭᠤᠰᠤᠯ ᠲᠥᠷᠦᠭᠦᠯᠦᠭᠰᠡᠨ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠵᠤ ᠪᠠᠶᠢᠨᠠ᠃ ᠨᠤᠲᠤᠭ ᠨᠢᠭᠡᠲᠦ ᠪᠥᠬᠡ ᠳᠦ ᠪᠡᠨ ᠭᠠᠷ ᠬᠦᠷᠦᠭᠰᠡᠨ ᠭᠡᠬᠦ ᠠᠰᠠᠭᠤᠳᠠᠯ ᠢᠶᠠᠷ ᠶᠤᠺᠤᠽᠤᠨᠠ ᠶᠢᠨ ᠵᠥᠪᠯᠡᠯ ᠬᠤᠷᠠᠯᠳᠤᠵᠤ᠂ ᠶᠡᠬᠡ ᠠᠪᠤᠷᠭᠤ ᠳᠤ ᠬᠠᠲᠠᠭᠤ ᠰᠢᠢᠳᠭᠡᠯ ᠣᠨᠣᠭᠠᠬᠤ ᠨᠢ ᠵᠦᠢᠲᠡᠢ ᠭᠡᠵᠦ ᠦᠵᠡᠨ ᠵᠣᠳᠣᠭ ᠲᠠᠶᠢᠯᠤᠭᠤᠯᠬᠤ ᠰᠢᠢᠳᠪᠦᠷᠢ ᠶᠢ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠡᠯᠡ ᠰᠢᠢᠳᠪᠦᠷᠢ ᠨᠢ ᠰᠦᠮᠦᠦ ᠍ ᠶᠢᠨ ᠳᠡᠪᠵᠢᠶᠡᠨ ᠦ ᠳᠠᠯᠳᠠ ᠶᠢᠷᠲᠢᠨᠴᠦ ᠳᠦ ᠤᠷᠤᠰᠢᠬᠤ ᠵᠥᠷᠢᠴᠡᠯ ᠦᠨ ᠵᠣᠯᠢᠶᠠᠰᠤ ᠨᠢ ᠪᠣᠯᠤᠯᠠ ᠭᠡᠬᠦ ᠰᠢᠭᠦᠮᠵᠢᠯᠡᠯ ᠢ ᠴᠤ ᠠᠷᠤ ᠠᠴᠠ ᠪᠠᠨ ᠳᠠᠭᠠᠭᠤᠯᠤᠭᠠᠳ ᠪᠠᠶᠢᠭᠠ᠃
