ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠶᠢᠰᠦᠨᠪᠤᠯᠠᠭ ᠰᠤᠮᠤ ᠶᠢᠨ ᠠᠬᠠᠮᠠᠳ ᠨᠠᠰᠤᠲᠠᠨ ᠰ∙ᠵᠠᠭᠳᠠ ᠰᠤᠯᠢ᠂ ᠴᠤᠯᠢᠬᠢᠷ ᠤᠨ ᠭᠤᠯᠢᠷ ᠲᠠᠢ ︽ᠭᠣᠪᠢ ᠶᠢᠨ ᠬᠦᠴᠦ︾ ᠴᠠᠢ ᠶᠢ ᠭᠠᠷ ᠠᠷᠭᠠ ᠪᠠᠷ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠶᠢᠨᠠ᠃ ᠴᠠᠢ ᠶᠢᠨ ᠨᠠᠶᠢᠷᠠᠯᠭᠠ ᠳᠤ ᠰᠢᠷᠠ ᠲᠣᠰᠣ᠂ ᠪᠦᠭᠲᠦᠷ ᠠᠷᠪᠠᠢ ᠶᠢᠨ ᠭᠤᠯᠢᠷ᠂ ᠰᠦ᠂ ᠨᠣᠭᠣᠭᠠᠨ ᠴᠠᠢ᠂ ᠳᠠᠪᠤᠰᠤ ᠣᠷᠣᠭᠰᠠᠨ ᠠᠵᠠᠢ᠃ ᠰᠤᠯᠢ᠂ ᠴᠤᠯᠢᠬᠢᠷ ᠤᠨ ᠭᠤᠯᠢᠷ ᠢ ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠬᠦᠬᠡᠮᠤᠷᠢᠲᠤ ᠰᠤᠮᠤ ᠠᠴᠠ᠂ ᠪᠦᠭᠲᠦᠷ ᠠᠷᠪᠠᠢ ᠶᠢᠨ ᠭᠤᠯᠢᠷ ᠢ ᠴᠢᠨᠳᠠᠮᠤᠨᠢ ᠰᠤᠮᠤ ᠶᠢᠨ ᠲᠠᠷᠢᠶᠠᠯᠠᠩᠴᠢ ᠠᠴᠠ ᠠᠪᠴᠤ ᠡᠴᠦᠰ ᠦᠨ ᠪᠦᠲᠦᠭᠡᠭᠳᠡᠬᠦᠨ ᠪᠣᠯᠭᠠᠨ ᠵᠠᠬᠠ ᠵᠡᠭᠡᠯᠢ ᠳᠦ ᠪᠣᠷᠣᠯᠠᠭᠤᠯᠬᠤ ᠬᠦᠷᠲᠡᠯᠡᠬᠢ ᠦᠶᠡ ᠱᠠᠲᠤ ᠶᠢ ᠭᠠᠷ ᠠᠷᠭᠠ ᠪᠠᠷ ᠬᠢᠳᠡᠭ ᠣᠨᠴᠠᠯᠢᠭ ᠲᠠᠢ᠃
ᠰ∙ᠵᠠᠭᠳᠠ ᠭᠤᠸᠠᠢ᠄ ᠴᠠᠢ ᠶᠢ ᠪᠠᠨ ᠦᠢᠯᠡᠳᠪᠦᠷᠢᠯᠡᠵᠦ ᠡᠬᠢᠯᠡᠭᠡᠳ ᠬᠣᠶᠠᠷ ᠣᠷᠴᠢᠮ ᠰᠠᠷᠠ ᠪᠣᠯᠵᠤ ᠪᠠᠶᠢᠨᠠ᠃ ᠮᠠᠨ ᠤ ᠴᠠᠢ ᠭᠡᠳᠡᠰᠦᠨ ᠦ ᠭᠦᠷᠪᠡᠯᠵᠡᠬᠦ ᠬᠥᠳᠡᠯᠭᠡᠭᠡᠨ ᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠶᠠᠳᠠᠷᠠᠭᠠ ᠲᠠᠶᠢᠯᠬᠤ ᠭᠡᠳ ᠣᠯᠠᠨ ᠲᠠᠯᠠ ᠶᠢᠨ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠤᠴᠢᠷ ᠵᠠᠬᠠ ᠵᠡᠭᠡᠯᠢ ᠳᠦ ᠡᠷᠢᠯᠲᠡ ᠲᠡᠢ ᠣᠷᠣᠨ ᠨᠤᠲᠤᠭ ᠤᠨ ᠪᠷᠡᠨᠳ᠋ ᠪᠦᠲᠦᠭᠡᠭᠳᠡᠬᠦᠨ ᠦ ᠨᠢᠭᠡ ᠪᠣᠯᠤᠭᠠᠳ ᠪᠠᠶᠢᠭᠠ᠃ ᠣᠳᠣ ᠪᠠᠷ ᠵᠠᠬᠢᠶᠠᠯᠠᠭᠴᠢᠳ ᠤᠨ ᠬᠦᠰᠡᠯᠲᠡ ᠪᠡᠷ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠶᠢᠨᠠ᠃ ᠴᠢᠨᠠᠭᠰᠢᠳᠠ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠲᠡᠢ ᠪᠣᠯᠴᠢᠬᠠᠪᠠᠯ ᠣᠷᠣᠨ ᠨᠤᠲᠤᠭ ᠤᠨ ᠢᠶᠠᠨ ᠳᠡᠯᠭᠡᠭᠦᠷ ᠦᠳ ᠢᠶᠡᠷ ᠪᠣᠷᠣᠯᠠᠭᠤᠯᠬᠤ ᠪᠣᠯᠤᠮᠵᠢ ᠲᠠᠢ ᠭᠡᠯᠡ᠃ ᠰᠤᠯᠢ᠂ ᠴᠤᠯᠢᠬᠢᠷ ᠢ ᠮᠣᠩᠭᠣᠯᠴᠤᠳ ᠡᠷᠲᠡ ᠦᠶᠡᠰ ᠡᠮ ᠲᠠᠩ ᠬᠢᠬᠦ᠂ ᠴᠠᠢ᠂ ᠭᠤᠯᠢᠷ ᠬᠢᠵᠦ ᠬᠦᠨᠡᠰᠦᠨ ᠳᠦ ᠪᠡᠨ ᠠᠰᠢᠭᠯᠠᠬᠤ ᠵᠡᠷᠭᠡ ᠪᠡᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠴᠤᠯᠢᠬᠢᠷ ᠳᠤ ᠤᠭᠤᠷᠠᠭ᠂ ᠲᠣᠰᠣᠯᠢᠭ ᠶᠡᠬᠡ ᠲᠡᠢ ᠣᠯᠠᠨ ᠲᠥᠷᠥᠯ ᠦᠨ ᠠᠮᠢᠨ ᠬᠦᠴᠢᠯ ᠦᠳ ᠠᠭᠤᠯᠬᠤ ᠠᠴᠠ ᠭᠠᠳᠠᠨᠠ ᠴᠢᠰᠤ ᠲᠥᠯᠦᠵᠢᠭᠦᠯᠵᠦ᠂ ᠶᠠᠳᠠᠷᠠᠭᠠ ᠲᠠᠶᠢᠯᠤᠨ᠂ ᠡᠯᠢᠭᠡᠨ ᠦ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠪᠥᠭᠡᠷᠡᠨ ᠦ ᠬᠠᠯᠠᠭᠤᠨ ᠢ ᠠᠨᠠᠭᠠᠬᠤ ᠰᠢᠳᠢ ᠲᠡᠢ ᠠᠵᠠᠢ᠃
ᠡ᠊∙ᠨᠠᠷᠠᠨᠭᠡᠷᠡᠯ
