ᠠᠽᠢᠶᠠ ᠶᠢᠨ ᠵᠤᠨ ᠤ ᠰᠫᠣᠷᠲ ᠤᠨ 18 ᠳ᠋ᠤᠭᠠᠷ ᠨᠠᠭᠠᠳᠤᠮ ᠨᠠᠶᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 18 ᠍ ᠳᠦ ᠢᠨᠳᠥᠶᠢᠨᠧᠽᠢ ᠶᠢᠨ ᠨᠡᠶᠢᠰᠯᠡᠯ ᠵᠠᠺᠠᠷᠲ ᠲᠤ ᠡᠬᠢᠯᠡᠨᠡ᠃ ᠴᠢᠯᠦᠭᠡᠲᠦ ᠪᠥᠬᠡ ᠶᠢᠨ ᠲᠡᠮᠡᠴᠡᠭᠡᠨ ᠨᠡᠭᠡᠭᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠤᠨ ᠠᠵᠢᠯᠯᠠᠭᠠᠨ ᠤ ᠮᠠᠷᠭᠠᠰᠢ ᠪᠤᠶᠤ 19-21 ᠍ ᠳᠤ ᠵᠠᠺᠠᠷᠲᠠᠭ ᠤᠨ 《Jakarta Convention Center》 ᠍ ᠲᠤ ᠪᠣᠯᠤᠨᠠ᠃ ᠵᠠᠺᠠᠷᠲᠠᠭ ᠤᠨ ᠳᠡᠪᠵᠢᠭᠡᠨ ᠳᠦ ᠡᠷᠡᠭᠲᠡᠶᠢᠴᠦᠳ ᠦᠨ ᠵᠢᠩ ᠳᠦ ᠬᠠᠮᠢᠭᠠᠬᠢ ᠶᠢᠨ ᠬᠡᠨ ᠬᠡᠨ ᠭᠡᠳᠡᠭ ᠰᠠᠶᠢᠴᠤᠳ ᠢᠷᠡᠵᠦ᠂ ᠮᠧᠳᠠᠯ ᠬᠦᠷᠢᠲᠦᠬᠦ ᠪᠣᠯᠤᠮᠵᠢ ᠲᠠᠢ ᠶᠢ ᠬᠦᠷᠭᠡᠶᠡ᠃
57 КГ᠄
ᠥᠩᠭᠡᠷᠡᠭᠰᠡᠨ ᠵᠢᠯ ᠦᠨ ᠫᠠᠷᠢᠰ ᠤᠨ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠶᠠᠫᠣᠨ ᠤ ᠶᠢᠺᠢ ᠲᠠᠺᠠᠬᠠᠰᠢ᠂ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠦ ᠬᠣᠱᠣᠢ ᠬᠦᠷᠡᠯ ᠮᠧᠳᠠᠯ ᠳᠤ ᠮᠠᠨ ᠤ ᠡ᠊ ∙ ᠪᠡᠬᠡᠪᠠᠶᠠᠷ ᠭᠠᠪᠢᠶᠠᠲᠤ ᠶᠢᠨ ᠬᠡᠨ ᠢᠯᠠᠭᠰᠠᠨ ᠨᠢ ᠠᠽᠢᠶᠠ ᠶᠢᠨ ᠨᠠᠭᠠᠳᠤᠮ ᠳᠤ ᠲᠦᠷᠦᠭᠦᠯᠡᠬᠦ ᠪᠣᠯᠤᠮᠵᠢ ᠥᠨᠳᠥᠷ᠃ ᠲᠡᠳᠡ 2015 ᠣᠨ ᠯᠠᠰᠠ-ᠸᠧᠭᠠᠰ ᠤᠨ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠳᠦ ᠠᠩᠬᠠ ᠲᠠᠭᠠᠷᠠᠬᠤ ᠳᠤ ᠪᠡᠬᠢ ᠪᠡᠨ ᠭᠠᠪᠢᠶᠠᠲᠤ ᠢᠯᠠᠭᠰᠠᠨ ᠪᠣᠯ ᠥᠩᠭᠡᠷᠡᠭᠰᠡᠨ ᠵᠢᠯ ᠫᠠᠷᠢᠰ ᠲᠤ ᠶᠠᠫᠣᠨ ᠡᠷᠡ ᠮᠠᠨ ᠤ ᠪᠥᠬᠡ ᠶᠢ ᠢᠯᠠᠵᠤ ᠠᠪᠤᠷᠭᠤᠯᠠᠬᠤ ᠵᠠᠮ ᠢᠶᠠᠨ ᠵᠠᠰᠠᠭᠰᠠᠨ᠃ ᠲᠡᠶᠢᠮᠦ ᠡᠴᠡ ᠲᠡᠳᠡ ᠵᠠᠺᠠᠷᠲ ᠲᠤ ᠬᠠᠶᠢᠨ ᠢᠶᠠᠨ ᠬᠠᠭᠠᠯᠬᠤ ᠮᠠᠭᠠᠳᠯᠠᠯ ᠲᠠᠢ᠃ ᠪᠥᠬᠡ ᠶᠢᠨ ᠣᠷᠣᠨ ᠢᠷᠠᠨ ᠠᠴᠠ ᠷᠧᠽᠠ ᠠᠲᠷᠢ᠂ ᠡᠨᠡᠳᠬᠡᠭ ᠡᠴᠡ 2016 ᠣᠨ ᠤ ᠠᠽᠢᠶᠠ ᠶᠢᠨ ᠠᠪᠤᠷᠭᠤ ᠰᠠᠨᠳᠢᠫ ᠲᠣᠮᠠᠷ᠂ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠠᠷᠠᠳᠴᠢᠯᠠᠭᠰᠠᠨ ᠰᠣᠯᠣᠩᠭᠣᠰ ᠠᠷᠠᠳ ᠤᠯᠤᠰ ᠤᠨ ᠺᠠᠨ ᠺᠦ᠋ᠮ ᠰᠣᠨ᠂ ᠬᠠᠰᠠᠭᠰᠲ᠋ᠠᠨ ᠤ ᠵᠣᠩᠳᠠᠰ ᠢᠰᠦᠮᠠᠢᠯᠣᠸ ᠢ ᠲᠣᠭᠠᠴᠠᠨ ᠠᠴᠠ ᠬᠠᠰᠴᠢ ᠪᠣᠯᠬᠤ ᠦᠭᠡᠢ᠃ ᠢᠯᠠᠩᠭᠤᠶᠠ ᠡᠨᠡ ᠵᠢᠯ ᠦᠨ ᠠᠽᠢᠶᠠ ᠶᠢᠨ ᠠᠪᠤᠷᠭᠤ ᠺᠠᠨ ᠺᠦ᠋ᠮ ᠰᠣᠨ ᠭᠡᠵᠦ 《ᠪᠢᠲᠡᠭᠦᠦ ᠮᠣᠷᠢ》 ᠪᠤᠢ᠃ ᠬᠣᠶᠢᠳ ᠰᠣᠯᠣᠩᠭᠣᠰ ᠤᠨ ᠬᠥᠩᠭᠡᠨ ᠵᠢᠩ ᠦᠨ ᠪᠥᠬᠡᠴᠦᠳ ᠠᠽᠢᠶᠠ ᠶᠢᠨ ᠨᠠᠭᠠᠳᠤᠮ ᠳᠤ ᠥᠨᠳᠦᠷ ᠠᠮᠵᠢᠯᠲᠠ ᠦᠵᠡᠭᠦᠯᠳᠡᠭ ᠤᠯᠠᠮᠵᠢᠯᠠᠯ ᠲᠠᠢ᠃ ᠳᠣᠬᠣ ᠳᠤ ᠵᠣᠩ ᠬᠡᠶᠦᠩ ᠭᠦᠺ᠂ ᠭᠤᠸᠠᠩᠵᠢᠭᠤᠳ ᠶᠠᠩ ᠺᠢᠨ ᠢᠯᠡ᠂ ᠢᠨᠴᠢᠶᠣᠨᠳ ᠵᠣᠩ ᠬᠠᠺ ᠵᠢᠩ ᠨᠠᠷ ᠹᠢᠨᠠᠯᠳᠤᠵᠤ ᠪᠠᠶᠢᠭᠰᠠᠨ ᠨᠢ ᠳᠡᠭᠡᠷᠡᠬᠢ ᠶᠢ ᠢᠯᠡᠳᠬᠡᠨᠡ᠃
