Mo En Co нь уурхайн хүчин чадлаа жилд 3 сая тонн болгох төлөвлөгөөтэй ажиллаж байгаа бөгөөд уурхайг ажиллулах эрхийг 6 жилийн гэрээтэйгээр Leighton Asia-д өгсөн байна. 2011 оны 3 дугаар улирлын орлогын тайландаа 178.3 сая хонконг долларын татварын өмнөх ашигтай ажилласнаар нэгж энгийн хувьцаанд нь 2.70 центийн ашиг оногдож буй аж. Mo En Co-гийн Ховд аймаг дахь ордод Хятадын Bao Steel компани хувь эзэмших сонирхолтой байгаа ба одоогоор тус компанид нүүрс нийлүүлэх 10 жилийн гэрээтэй билээ. 11 дүгээр сарын эхээр Mo En Cо 311 км урт Хөшөөт замаа Мэргэжлийн хяналтын албанд хүлээлгэн өгчээ. Замыг ашиглалтад хүлээн авсны дараа Хятад руу нүүрс ачуулж эхлэх аж.