Шинэ үеийн Chevrolet Corvette загвар танилцуулагдаж удахгүй АНУ-ын зах зээлд, үүний дараа энэ жилийн сүүлээр Европын зах зээлд гарах гэж байгаа юм.

Цоо шинэ 2014 Chevrolet Corvette загварыг олон сонирхогч нар хүлээж байсан бөгөөд 2 долоо хоногийн өмнө 2013 Хойд Америкийн Олон Улсын Авто Шоунд танилцуулагдсан билээ. Хэрвээ та шинэ Корветт загварыг худалдан авахаар зэхэж байгаа бол өмнөх үеэс юу юугаар ялгаатай болсныг доорх харьцуулсан зургаас харах боломжтой.

Сануулахад 2014 Chevrolet Corvette Stingray загвар нь компанийн LT1 6.2 литрийн V8 хөдөлгүүрийг ашигласан бөгөөд энэхүү хөдөлгүүр нь шууд цацалт болон CVVT клапангийн нээгдэх хаагдах хугацааг тохируулагчтай ажээ. Ингэснээр 450 морины хүч болон 609 Нм эргүүлэх хүчийг гаргах бөгөөд 0-100 км/ц хурдыг 4 секунд хүрэхгүй хугацаанд авч шатахуун хэмнэлт нь сайжирсан гэж мэдээлсэн юм.