iPhone 5 болон Samsung Galaxy S III-ийг харьцуулбал:

Сүүлийн үед байнга шахуу зохиогчийн эрхийн маргаан хийх болсон “Apple” корпораци болон “Samsung” корпорацийн хооронд технологийн ширүүхэн өрсөлдөөн болдог гэж хэлэхэд хилсдэхгүй. Мөн хэрэглэгчид ч энэ хоёр корпорацийн “iPhone” болон “Galaxy S” смартфонуудыг хооронд нь харьцуулах нь элбэг. Тэгвэл өнөөдөр “Apple” кордорациас танилцуулсан ”iPhone 5” смартфон болон “Samsung” корпорацийн өнгөрөгч тавдугаар сард худалдаанд гарсан “Galaxy S III” смартфоны гол ялгаатай үзүүлэлтүүдийг харьцуулбал:

        1. Дэлгэц:

“iPhone 5”: 640 пикселийн 1136 нарийвчлалтай 4 инчийн дэлгэцтэй.

“Samsung Galaxy S III”: 720 пикселийн 1280 нарийвчлалтай 4.8 инчийн дэлгэцтэй.

        2. Санах ойн багтаамж:

“iPhone 5”: Үнээсээ хамаараад 16, 32 болон 64 гегабайтын санах ойтой. memory card ашиглах шаардлагагүй.

“Samsung Galaxy S III”: 16 болон 32 гегабайтын санах ойтой. Мөн үүнийг memory card ашиглан 64 гегабайт болгон нэмэгдүүлэх боломжтой.

        3. Үнэ:

“iPhone 5”: 16 гегабайтын санах ойтой нь хоёр жилийн түрээсийн гэрээний үнэ нь 199 ам.доллар бөгөөд санах ойн багтаамжаасаа шалтгаалаад түүнээс дээш үнэтэй.

“Samsung Galaxy S III”: хоёр жилийн гэрээний үнэ 99 ам.долларын үнэтэй.

        4. Хэмжээ:

“iPhone 5”: 124 x 59 x 7.6 мм-ийн хэмжээтэй, 112 грамм жинтэй.

“Samsung Galaxy S III”: 137 x 71 x 8.6 мм-ийн хэмжээтэй 133 грамм жинтэй.

        5. Камер:

“iPhone 5”: Ард талдаа 8 мегапикселийн, урд талдаа 1.2 мегапикселийн камертай.

“Samsung Galaxy S III”: Ард талдаа 8 мегапикселийн, урд талдаа 1.9 мегапикселийн камертай.

        6. Зай:   

“iPhone 5”: Тасралтгүй ярих болон 3G интернэтийг ашиглахад 8 цаг цэнэгээ барина. Тасралтгүй  Wi-Fi ашиглах болон видео бичлэг хийх, тоглуулахад 10 цаг цэнэгээ барина.

“Samsung Galaxy S III”: Интернэт ашигласан эсэхээс хамаараад тасралтгүй ярихад 9 цаг цэнэгээ барина.

        7. Сүлжээ:

“iPhone 5”: 3G болон АНУ, Канад, Япон, Герман, Их Британи, Австрали, Өмнөд Солонгос, Хонг Конг, Сингапур зэрэг орнуудад “LTE” сүлжээг ашиглах боломжтой.

“Samsung Galaxy S III”: 3G болон АНУ, Канад, Өмнөд Солонгос гэх мэт бусад орнуудад “LTE” сүлжээг ашиглах боломжтой.

        8. Үйлдлийн систем:

“iPhone 5”: Apple-ийн “iOS 6” үйлдлийн системтэй.

“Samsung Galaxy S III”: Google-ийн “Android” үйлдлийн системийн шинэчилсэн хувилбар “Ice Cream Sandwich” үйлдлийн системтэй.