Chanel загварын ордны Chanel Cruise 2011 fashion show өнгөрсөн мягмар гаригт Францын Saint Tropez-д болж өнгөрлөө. Ноён Karl Lagerfeld энэ удаагийн Cruise шоугаа 70-аад оны үдэшлэгнүүдийн уур амьсгалтайгаар зохион байгуулсан байна. Өнгө бүрийн хээтэй даашинз өмссөн загвар өмсөгч Natasha Poly хөл нүцгэн алхаж, загварын шоуг нээж, Karolina Kurkova, Abbey Lee Kershaw нар нэхмэл загваруудыг толилуулангаа бүжиж байв. Plus size буюу махлаг загвар өмсөгч Crystal Renn уг загварын шоуны тайзнаа хоёр ч удаа гарч алхсан нь тэнд цугларсан олонд том сюрприз болсон байна.
Шоуны төгсгөлд эхний эгнээний хүндтэй зочид болох Anna Mougalis, Carine Roitfeld, Andre Leon Talley, Emmanuelle Alt, Diane Kruger, Vanessa Paradis, Franca Sozzani нар гарч ирж мэндчилжээ. Эрхэм дизайнерын бие хамгаалагч Sebastien Jondeau, рок од Mick Jagger, загвар өмсөгч Jerry Hall нарын охин Georgia May Jagger-ыг мотоцикль дээр сундлан тайзан дээр гарч ирсэн нь хүмүүсийн анхаарлыг гойд ихээр татжээ.
Хүмүүсийн анхааралд өртсөн өөр нэг зүйл бол нэрт дизайнерын хувцасны сонголт байв. Хар, цагаанаас өөр өнгийн хувцас өмсдөггүй Lagerfeld энэ өдөр нил ягаан өнгөөр дагнажээ.

Гэрэл зургийн цомгийг энд дарж үзнэ үү.

Ж.Нил