Монгол Улсын Засгийн газрын ээлжит хуралдаан 10.00 цагт Төрийн ордонд эхэлж байна. Түүгээр Улсын бүртгэлийн дүрэм батлах тухай, Улсын байцаагчийн эрх олгох тухай, Санхүүжилтийн хэлэлцээрийн тухай, Монгол-Энэтхэгийн хамтарсан хорооны II хуралдааны дүнгийн тухай, Олон улсын хурал зохион байгуулах тухай, Цэцэрлэгт хүрээлэнгийн тухай, Малын сэг, зэмийг устгах, ариутгал халдваргүйтгэл хийх арга хэмжээний тухай зэрэг асуудал хэлэлцэхээр төлөвлөжээ.

УИХ-ын дарга Д.Дэмбэрэлийн БНСУ-д хийсэн айлчлалын талаар өнөөдөр 12.00 цагаас хэвлэлийн бага хурал хийлгэх гэж байна. Түүгээр Д.Дэмбэрэл даргын айлчлалын үеэр БНСУ-д ажиллаж амьдарч буй монголчуудын тухай ямар яриа хөөрөө болсон, хоёр орны парламентын харилцаанд гарч буй ахиц дэвшил зэргийн талаар мэдээлэх ажээ.

Урьд нь хуулийн төсөв боловсруулахад зориулж төсвөөс мөнгө гаргаж бай­сангүй. Харин энэ жил анх удаа УИХ-ын гишүүний үйл ажиллагааны төсөвт “Хууль боловсруулах зардал” нэр­тэйгээр 20 сая төгрөг суулгасан нь олон нийтийн зүгээс нэлээд шүүмжлэл дагуулаад байгаа.