Өнөөдөр “Монгол ньюс” мэдээллийн төвд Монголын үндэсний бөхийн холбооноос тухайн жилийнхээ тэргүүн дэвжээг шалгаруулах барилдааныг эхлүүлэхээр болсон тухай мэдээлэл хийлээ. Монголын уламжлалт барилдаан, тойргийн барилдаануудаар хөдөө орон нутгийн болон нийслэлийн бөхийн хорхойтнуудын урмыг сэргээж байдаг ч энэ нь бөхчүүдийг болон дэвжээг хөгжих, ахиж дэвшихэд бага нөлөөлж байна гэж тус холбооныхон үзжээ.

Монголын үндэсний бөхийн холбооноос санаачилсны дагуу Цэргийн баярын өдөрт зориулан улс, аймгийн алдар цолтой бөхчүүд, засуул, цэц, бөхийн тайлбарлагч нар нэгдэн, урлагийн тоглолт зохион байгуулахаар болжээ. Тоглолтод улсын заан О.Одгэрэл, улсын өсөх идэр начин И.Ёндонсамбуу, Ц.Цогтжаргал, улсын начин Т.Өсөх-Ирээдүй, Соёлын тэргүүний ажилтан С.Эрхэмбаяр зэрэг хүчтэнүүд оролцож, ая дуугаа өргөх юм байна.