Мэргэжлийн сумо бөхийн 69 дэх ёкозуна Хакухо М.Даваажаргал өчигдөр Токиогийн төвд байрлах ”Prince” зочид буудалд хуримаа хийлээ. Залуу их аваргын хуримын ёслолд Японы улс төр, урлаг, соёлын алдартнууд оролцсон бол түүний гэр бүлийнхэн болон Кёкүшюзан Д.Батбаяр, даян аварга Г.Өсөхбаяр нарын 70 орчим зочид монголыг төлөөлөн хуримын ёслолд оролцжээ.

Мэргэжлийн сумо бөхийн их аварга Асашёорюүг зодог тайлсантай холбоотой мэдээлэл өнөө хэр Японы хэвлэл, мэдээллийн хэрэгслийн анхаарлын төвд байсаар байна. Асашёорюүг Хавайн арал хүртэл дагаж, мөрдөх болсон хэвлэлийнхэнд хэдхэн хоногийн өмнө арлын оронд хөл тавьсан Кёкүшюзан Д.Батбаяр бас нэгэн “өгөөш” болжээ. Сэтгүүлчид түүнийг Японы онгоцны буудалд буусан даруйд нь бүчин авч, их аварга Асашёорюүг зодог тайлсанд ямар бодолтой байгааг нь сонирхсон байна.

Энэ сарын 12-14-ний өдрүүдэд Туркийн Стамбул хотод болсон Яшар Догугийн нэрэмжит 38 дахь удаагийн тэмцээнд амжилттай оролцож, гурван мөнгө, нэг хүрэл медаль хүртсэн чөлөөт бөхийн шигшээ багийн тамирчид Болгарт очоод байна.