Хүчтэй газар хөдлөлтөд нэрвэгдэн тонуулчид эзэгнэж байсан Консепсьон хотын байдлыг цэргийнхэн хяналтдаа авлаа гэж Чилийн Ерөнхийлөгч Мишель Бачелет мэдэгдлээ. Гуравдугаар сарын 1-ний өдөр хэсэг залуус тус хотын худалдааны төвийн байранд дайран орж дээрэм хийгээд гал тавьсан юм. Үүнээс нэг цагийн өмнө бас нэг ийм хэрэг супермаркетад гарчээ.

Пакистаны арми тус орны баруун хойд хэсгийн Бажур гэх овгийн нутаг дэвсгэрт байлдааны ажиллагаа явуулан талибуудын томоохон баазыг эзлэн 75 дайчдыг нь устгажээ. Тэдний дунд чечень, узбек хэт даврагчид байсан гэж армийн төлөөлөгч хошууч генерал Тарик Хан мэдээлэв.