Британийн оюутнууд Файзал Мохуддин, Мохаммед Азиз хоёр тэврэлдсэн хугацаагаараа дээд амжилт тогтоолоо. Хоёр эрэгтэй 24 цаг,17 минутын турш тэврэлдэн өмнөх дээд амжилтыг 16 минутаар ихэсгэсэн байв. Тэд энэ үйлдлээрээ хорт хавдартай хүмүүст тусалдаг Christie гэх буяны байгууллагад хандив цуглуулсан байна.

Аугсбурга (Augsburg) хотын ойролцоох A8 авто зам дээр 100 хөнгөн тэрэг, 30 ачааны машинууд мөргөлдсөн байна. Цагдаагийн урьдчилсан мэдээгээр 25 хүн хөнгөн гэмтэл авчээ. Олон машины ослын шалтгаан нь манан ба халтиргаа болсон байна. Бас нэг том осол Доод Баварийн Херманнсдорф (Hermannsdorf) хотоос холгүй болж 44 машин мөргөлдлөө. Зургаан жолооч хүнд бэртэл авчээ.

Нобелийн энх тайвны шагнал авснаасаа хойш гурван сарын дараа шагналын мөнгийг хуваан тараах буяны байгуулагуудын нэрийг Обама дурьдлаа. 1,4 сая долларыг Барак Обама арван байгууллагад хуваахаар шийдсэн байна. Тэр байгууллагууд нь АНУ болон гадаад орнуудад ахмад дайчид, сурагч нар зэрэг эмзэг бүлэгт тусалдаг гэнэ.

Армянчуудыг хоморголон устгасан тухай тогтоолыг Шведын парламент гаргаснаас Туркийн Ерөнхий сайд Режеп Тайип Эрдоган Шведэд айлчлах гэж байснаа болиулав. Шведын парламентын гаргасан тогтоол хоёр орны хооронд тогтсон нөхөрсөг харилцаанд харшиллаа гэж Эрдоган шүүмжилсэн байна.

Украины дээд Рад энэ сарын 11-нд олонхийн саналаар Бүс нутгийн намын удирдагч нарын нэг Николай Азаровыг Ерөнхий сайдаар баталлаа. Түүний төлөө 242 депутат санал өгөв. Үүний дараа Ерөнхий сайдаас Юлич Тимошенког огцруулахын төлөө 237 депутат санал өгсөн байна. Шинэ Ерөнхий сайд танхимынхаа гишүүдийг танилцуулан тэднийг баталж өгөхийг хүслээ. Депутатуудын ихэнх 240 хүн шинэ танхимыг баталжээ.

Кубын түүхийн дурсгалт өдөр. 1957 оны гуравдугаар сарын 13-нд хэсэг оюутнууд Ерөнхийлөгчийн ордонд зэвсэгт халдлага хийлээ. Дурангуйлагчийн дэглэмийг унагах оролдлого бүтэлгүйтэв.