Голландын загвар өмсөгч Lara Stone Америкийн тэргүүн зэрэглэлийн загварын ордон “Calvin Klein”-ний нүүр царай болохоор гэрээ байгуулахаар болжээ. Тэрбээр тухайн загварын ордны зөвхөн үндсэн коллекцийг биш, “Calvin Klein Cosmetics”, “Calvin Klein Jeans”-ийг ч рекламдах юм.

Супермодель Naomi Campbell-ийг яг л адамант чулуу шиг ширүүн зан авиртай гэдэг ч саяхан тэрбээр “би өөрчлөгдөх болно” гэж нэгэн ярилцлагадаа хэлжээ. Өнгөрсөн хугацаанд олон алдаа эндэгдэл гаргаж байсан Английн нэрт модель одоо алдаа бүхнээсээ суралцаж эхэлсэн гэнэ.

Өнгөрсөн сард загвар зохион бүтээгч Alexander McQueen нас барснаар загварын ертөнцөд том гарз тохиосон. Түүнийг нас барсны дараа “Alexander McQueen” брэндийн ирээдүйн чиг хандлага харанхуй бүрхэг болсон билээ. Гэхдээ нэрт загвар зохион бүтээгч нас барахаасаа өмнө энэ жилийн эрчүүдийн дотуур хувцасны чиг хандлагыг тодорхойлж чаджээ.