Жил бүр болдог хамгийн муухай үнэртэй гутлын эзнийг тодруулах тэмцээн Вермонт мужид болж Коннектикут мужийн 11 настай охин түрүүлжээ гэж Associated Press мэдээлэв.

Венесуэлийн хүчнийхэн мэдээлийн Globovision теле сувгийн эзэн Гильермо Сулоагийг (Guillermo Zuloaga) эхнэрийн хамт хувийн онгоцоор Карибийн Бонайра аралд амрахаар явах гэж байхад нь Фалькон мужийн нисэх буудалд саатуулсан тухай Associated Press дамжууллаа.

Өнгөрсөн баасан гаригт тагнуулын шинэ төвийн барилга дуусаны баяр Берлинд болжээ. Дотоод засвар ба сүлжээг хийж дуусаны дараа Германы холбооны тагнуулын алба (BND) Мюнхен хотоос нүүж ирнэ гэж Spiegel мэдээлэв.

Мексикийн хойд хэсгийн Нуэво Леон мужийн Агуалгуаса хотын цагдаагийн дарга түүний дүү хоёрыг хөнөөгөөд цогцсыг нь цагдаагийн эргүүлийн машинд орхисон байсныг олжээ. Цагдаагийн даргын толгойг тасдаад өвдгөн дээр нь тавин орхисон байв. Машины хаалган дээр цусаар нь C.D.G. гэж бичсэн байлаа.

Дэлхийн хэмжээнд ой мод огтлох нь буурчээ. НҮБ-ын Хүнс, хөдөө аж ахуйн байгууллага судлан үзээд энэ тухай гуравдугаар сарын 25-нд мэдээлсэн байна.
Тус байгууллагын албан ёсны сайтад нийтэлсэн мэдээнд ой модыг огтолж байгаа ч хэмжээ цар хүрээ нь өмнөхөөсөө багассан гэжээ.

Христийн шашинтнууд Дал модны гэх ням гаригийг тэмдэглэдэг. Ертөнцийн эзэн Иерусалимд орж ирсэн Дал модны ням гаригийг Их мацгийн зургаа дахь ням гаригт буюу Улаан өндөгний баяраас долоо хоногийн өмнө сүсэгтнүүд тэмдэглэдэг ажээ.