Оросын холбооны улсын нутаг дэвсгэр болох Умард Кавказын Дагестан дахь Кызлярь хотод алан хядагчид хоёр удаа бөмбөг дэлбэлж 9 хүн амь үрэгдлээ гэж олон улсын агентлагууд мэдээлж байна.

Сомалийн далайн дээрэмчид Энэтэхэгийн найман хөлөг онгоцыг зэрэг барьцаалан эзэлсэн тухай Times Now гэх энэтхэг сайт мэдээлсэн байна. Дээрэмчид барагцаалбал 120 далайчдыг барьцаанд авсан ажээ. Хөлөг онгоцнууд Сомалийн боомтоос Дубайн зүг явж байсан гэнэ.

Ерөнхий сайд Сильвио Берлусконийн толгойлсон “Эрх чөлөөний ард түмэн” ба “Хойд лиг” намуудын эвсэл Италийн 13 бүсийн зургаад нь орон нутгийн сонгуульд яллаа. Пьерлуижи Берсанийн толгойлсон сөрөг хүчний зүүний төвийн Ардчилсан намынхан долоон бүсийн сонгуульд ялжээ.

Сербийн парламент лхагва гаригт шилжих шөнө 1995 онд Боснийн мусульмануудыг хоморголон устгасан хэргийг буруутгасан тогтолыг батлав. Уг тогтоолд энд дурьдсан аллагаар амь үрэгдсэн хүмүүсийн ар гэрийнхнээс уучлалт гуйжээ.

Москвагийн метронд гуравдугаар сарын 29-нд хийгдсэн аллагын мөрдөн байцаалтын явцад “Гүржийн мөр” гарч ирж магадгүй хэмээн ОХУ-ын Аюулгүйн зөвлөлийн нарийн бичгийн дарга Николай Патрушев мягмар гаригт мэдэгджээ.