Аргентины Ерөнхийлөгч Кристина Фернандес де Киршнер Перу улсад албан ёсны айлчлалт хийлээ. Сүүлийн 16 жилийн дотор хоёр орны хооронд хийгдэж байгаа дээд хэмжээний дипломат уулзалт энэ болов.

Төлбөртөй лоббийн үйлчилгээ хийсэн гэх сайд байсан гурван хүнийг Их Британийн эрх баригч нам гишүүнчлэлээсээ түр түтгэлзүүлээд байна. Эрэн сурвалжлагч сэтгүүлчийн нууц камераар авсан зураглалыг телевизээр үзүүлсний дараа энэ дуулиан босчээ.

Тус орны Ерөнхийлөгч асан Вайра Вике-Фрейберг хатагтайн консалтингийн “VVF Consulting” компанийн эсрэг эрүүгийн хэрэг үүсгэсэн байна. Эдийн засгийн цагдаа тус компанийн Лиепаи хотын эрх баригчидтай хийсэн гэрээг шалгаж байгаа гэнэ. Компани нь хотын түшмэдүүдтэй тохиролцсоны дагуу “хотын хөгжлийн бодлогод дүгнэлт” бэлтгэх ёстой байсан тухай өмнө нь мэдээлсэн байлаа.