Өнгөрсөн оны зун алга болсон Ираны цөмийн физикч Шахрам Амири (Shahram Amiri) АНУ-д суурьшиж, тус орны Тагнуулын төв газартай хамтран ажиллах болжээ.Энэ тухай ABC News тагнуулчдаас авсан мэдээлэлд үндэслэн дамжуулсан байна. ТТГ-ын төлөөлөгч энэ талаар тайлбар өгсөнгүй.

Хүчтэй цасан шуурганы улмаас Их Британийн 70 мянга орчим байрны цахилгаан тасарлаа. Хойд Ирландын 45-48 мянган байрны гэрэл бас тасалджээ. Шотландад өөр 20 мянга орчим байр бас тийм гачлантай учирчээ.

Дагестаны Кизляр хотод террор үйлдсэн амиа золиослогч нарын нэгийх нь нэр хаягийг тогтоожээ. Цуврал дэлбэрэлт үйлдэгсдийн нэгний нэр алдарыг тогтоосон гэж Дагестаны тэргүүн Магомедсалам Магомедовт хүчнийхэн илтгэсэн байна.

Кавказын салан тусгаарлагчдын лидер Доку Умаров видео илгээлт гарган Москвагийн метронд хийгдсэн террорыг өөрийн тушаалаар явуулсан гэж мэдэгдсэнийг Reuters агентлаг мэдээлэв.

Дэлхийн улс орнууд Гаитийн сэргээн босголтод 5,3 тэрбум доллар хандивлаж байна. НҮБ-ын Ерөнхий нарийн бичгийн дарга Пан Ги Мунын мэдэгдлээс иш татан энэ тухай Associated Press агентлаг мэдээлжээ.