Сүхбаатар, Дорнод, Дорноговь, Төв, Говь-Сүмбэр, Хэнтий аймгуудын 25 сумдын нутаг дэвсгэрт мал, амьтны гоц халдварт шүлхий өвчин гарснаас хойш өнөөдрийн байдлаар нийт 25933 толгой мал өвчилсөнийг устгасан нь 100 хувьтай байна.

Өнгөрсөн хоногт нийт нутгаар цас, салхи шуургагүй, 20-44 градус хүйтэн байв. Энэ сарын 7-нд нутгийн зүүн хагаст, 8-нд нутгийн өмнөд хэсгээр, 9-нд төв болон зүүн зүгийн нутгийн хойд хэсгээр цас орж, явган шуурга шуурна.

Өмнөговь аймгийн Баян-Овоо сумын цэцэрлэг, эмнэлэг энэ сарын 04-ний өдрийн 16:00 цагаас халаалтгүй болсон байна.

Говьсүмбэр аймгийн Онцгой байдлын хэлтэст 15 жил аврагч, гал сөнөөгчөөр ажиллаж буй Д. Ариунжаргал Малайз улсад зохион байгуулагдсан хөнгөн атлетикийн ахмад мастеруудын ази тивийн аварга шалгаруулах 16 дахь удаагийн тэмцээнд амжилттай оролцоод ирлээ.

Говьсүмбэрчүүд сүлд модны наадмаа зохион байгуулж, 2010 оны тэргүүний байгууллага, ажилтнуудаа шалгарууллаа.

Говьсүмбэр аймгийн Иргэдийн төлөөлөгчдийн хурлын ээлжит 10 дугаар хуралдаан хуралдаж, аймгийн нийгэм, эдийн засгийг 2011 онд хэрэгжүүлэх үндсэн чиглэлд 72 ажил тусган баталсан бол 2010 оны үндсэн чиглэлийг 93,46 хувийн биелэлттэй байна гэж дүгнэв.

Улиран одогч 2010 онд Говьсүмбэр аймгийн Иргэдийн төлөөлөгчдийн хурлын хуралдаан гурван удаа, тэргүүлэгчдийн хурал 17 удаа болж, 227 заалттай 104 тогтоол гарснаас аймгийн Засаг дарга түүний Тамгын газарт 45 тогтоолын 68 заалтаар үүрэг өгөгдөн хэрэгжилт нь 93,7 хувьтай гарсан байна.