Намаа бүртгүүлэхээр хөөцөлдөөд хоёр сар болж буй МАХН-ын гишүүд Дээд шүүхийн дэргэд жагсч эхэллээ. Тэд Эрх чөлөөний талбай дээр цугларан Дээд шүүх рүү очиж байгаа бөгөөд 150 орчим хүн болоод байна.

Засгийн газрын ээлжит хуралдаан эхэллээ. Эл хуралдаанаар 20 гаруй асуудлыг хэлэлцэн шийдвэрлэхээр төлөвлөсний дотор Иргэдийг орон сууцжуулах талаар авах зарим арга хэмжээний тухай багтаж байна.

Монгол Улсын Хөгжлийн банкинд Монгол Улсын Засгийн газрын нэрийн өмнөөс Сангийн сайдын гаргах зээлийн баталгааны үндсэн нөхцөлийг урьдчилан тохиролцох зорилгоор “Монгол Улсын Засгийн газрын баталгааны үндсэн нөхцөлийг тохиролцох гэрээ”-г өчигдөр байгууллаа.

Монголын үйлдвэрчний эвлэлийн соёлын төв ордонд өнөөдөр 10.00 цагт “Хэсгийн хороодын ахлагч нарыг төрийн албан хаагч болгох нь” сэдэвт хэлэлцүүлгийг зохион явуулахаар болжээ.

УИХ-ын гишүүн, МАХН-ын дэд дарга Ц.Шинэбаяр, намын ерөнхий нарийн бичгийн дарга Н.Удвал, нарийн бичгийн дарга Б.Өрнөхбаяр нар Улсын дээд шүүх дээр очиж байна.