Монголын олимпийн боксын холбооноос зохион байгуулах сонирхогчдын боксын насанд хүрэгчдийн улсын аварга шалгаруулах тэмцээн энэ сарын 23-28-ны өдрүүдэд Спортын төв ордонд болох билээ.

Чөлөөт бөхийн шигшээ багийн эрчүүд энэ сарын 26-28-ны өдрүүдэд Буриадын Улан-Үд хотноо болох Буриадын Ерөнхийлөгчийн нэрэмжит тэмцээнд оролцох бол гавьяат тамирчин Ц.Энхжаргал, О.Бурмаа нарын тэргүүтэй шигшээгийн бүсгүйчүүд гуравдугаар сарын 27-28-ны өдрүүдэд “Дэлхийн цом”-ын тэмцээнд өрсөлдөх гэж байна. Бөхийн чөлөөт барилдааны эмэгтэйчүүдийн “Дэлхийн цом”-ын тэмцээн БНХАУ-ын Бээжин хотноо болох юм.

тайлбаргүй

Чөлөөт бөхийн шигшээ багийн тамирчид энэ сарын 22-нд Япон улсыг зорих гэж байна. Манай тамирчид тус улсад ес хоногийн хугацаанд хамтарсан бэлтгэл хийх юм. Арлын орныг зорих тамирчдын бүрэлдэхүүнд гавьяат тамирчин Б.Наранбаатар, ОУХМ Б.Батзориг, Д.Лхагвадорж, Т.Мандахнаран, Т.Даваахуяг, н.Баянмөнх нар багтаж байгаа бол шигшээ багийн дасгалжуулагч А.Цэдэнсодном тэднийг ахлах юм байна.

Английн нэрт хөлбөмбөгч Дэвид Бэкхэмийн өсгийний шөрмөсийг залгах хагалгаа хийсэн мэс заслын мэргэжилтэн хагалгаа амжилттай болсон талаар мэдэгджээ.

Өмнөд Африкт зохиогдох FIFA-гийн 19 дэх удаагийн дэлхийн аварга шалгаруулах тэмцээн эхлэхэд ердөө хоёр сар гаруйхан хугацаа үлдээд байгаа билээ.

Английн нэрт хөлбөмбөгч Дэвид Бэкхэмийн өсгийний шөрмөсийг залгах хагалгаа хийсэн мэс заслын мэргэжилтэн хагалгаа амжилттай болсон талаар мэдэгджээ. Бэкхэмийн өсгийний шөрмөс тасарсан учир тэрбээр хагалгааны дараа дээд тал нь зургаан сар хүртэлх хугацаанд хөлбөмбөгийн талбайгаас хөндий байх шаардлагатайг мэс заслын эмч Сакари Орава зөвлөсөн байна.

Цэцэрлэгийн хүүхдүүдийн уран хөдөлгөөнт гимнастикийн тэмцээн маргааш Спортын төв ордонд болох ажээ. 32 дахь удаагаа багачуудын дунд зохион байгуулж буй уг тэмцээн маргааш Спортын ордны А зааланд 10.00 цагаас эхлэх юм.

Өчигдөр Бахрейнд ”Формула-1”-ийн 61 дэх улирлын тэмцээн эхэллээ. Энэ өдөр хурц нартай агаар хуурай байлаа. Нийт гарах ёстой 12 багийн 24 нисэгч гараанаас гарсан байна. Энэ жил шинээр Lotus, Hispania болон Virgin багууд нэмэгдэж орсон бөгөөд нисэгч нараас тав нь буюу Бразилийн Лукас ди Грасси болон Бруно Сенна, Германы Нико Хьюлкенберг, индиан нисэгч Карун Чандхок, Оросын Виталий Петров нар анх удаагаа Формулад оролцож байна.

Биеийн тамир, спортын газрын дарга Ч.Наранбаатар өнөөдөр 11.00 цагаас БНХАУ-ын Хөлунжян мужийн Ичунь хотноо болсон зуун буудалт даамын гурван улсын анхдугаар уулзалт тэмцээнд амжилттай оролцсон тамирчдыг хүлээн авч уулзах аж